Jeremiya 50:27 - Bhibhiliya Nya Guage

²⁷ Songani khu matshari dzimombe dzaye dzatshavbo ni dzindrena dzaye; vatshavbo va na yiswe gusongwatunu; libango avbo gwawe! Kholu li vbohide litshigu ni gikhati nya tsayiso wawe.

Jeremiya 50:27 Iomraidhean Croise

Joba 18:20

Gutsayiswani gwawe va na thurugisa vathu va Muhwadambo, ni vathu va Khugadambo, va na ndrendremela khu hwanga.

Dzindzimo 22:12

Nyi randredwe khu valala nya gutale, kha nga dzimombe nya tshivba dza tigoni ga Bhasani;

Dzindzimo 37:13

aholu Pfhumu a na mu hega, kholu a ngu wona gukhuye matshigu yaye ma vbohide.

Isaya 21:12

Mukhedziseli a di phindrula, khuye: “Avbo gugyago, gwa guta gambe wutshigu; mwa guvbweta gu wudzisa nyaluphye, mu ngu dzi kodza guta muta wudzisa.”

Isaya 34:6

Litshari la Pfhumu Nungungulu li tade khu novba, li fenengedzidwe khu mafura ni novba nya dzinvuta ni vanyamabhongwe, ni mafura nya dzitshwa nya dzihamba. Kholu Pfhumu Nungungulu a ngu gira miphaso tigoni ga Bhozira, ni gusongetela nya gukhongolo tigoni ga Edhomi.

Isaya 34:7

Va na songwa gumogo ni dzimombe nya likhabi, marole ni dzikuzi; litigo lawe li na lewa khu novba ni kudzudzwane wawe wu na nyuga khu mafura.

Jeremiya 12:3

Aholu uwe, Pfhumu Nungungulu U ngu nyiti, U ngu nyi wona, gambe U ngu khedzisisa monyo wangu idzo wu gu golago khidzo; va nya guvivba va ndrindrele phuvbo gufanane ni nvuta yi yiswago gusongwatunu! Va dongisele litshigu nya gusongetedwe.

Jeremiya 25:34

Lilani enu vahavisi nya tshambi, ni gu womba dzihuwa; enu nenu vathangeli nya mitshambi, puluwundrani ngumani, kholu litshigu lanu nya gusongwe ni guphalalegiswa li vbohide, nyi na mi pandra mu thega nga kanvu nya lisima.

Jeremiya 27:7

A na thumedwa khu vathu nya mayigo yatshavbo, uye, sanana saye gumogo ni situgulwana saye, kala gu vboha gikhati mayigo nya mangi ni mifumo nya yikhongolo yi na mu girago khumbi.

Jeremiya 46:21

Masotshwa nya guthodwe vbakari gwaye, ma gu tsakisa nga simombyana nya gunone; ayo nayo, ma bwelede khu gu tutuma ma tandrega gu mu vhikela, kha ma tiya, kholu litshigu lawe nya gumbembiswe li vbohide, gumogo ni gikhati nya tsayiso wawe.

Jeremiya 48:10

“A na vadwe muthu wule a girago mihuni thumoni wa Pfhumu Nungungulu!” A na vadwe muthu wule a si vbaladzigo novba wa valala khu litshari laye!

Jeremiya 48:15

Va na Mowabhi va sasedwe va vbela, ni madhoropa yawe ma ngu khungumudwa; madzaha yawe nya yadi ma ngu ya gusongwatunu; a ngu ganela Mufumeli, lina laye a gu uye Pfhumu Nungungulu nya Tshivba Yatshavbo.

Jeremiya 48:44

Uye a khalago hwanga a thava, a na thegela phalani, ni uye a na dugago khu phalani, a na modwa khu naphwi. Kholu nyi na resa avbo gwaye navbo ga Mowabhi, mwaga nya tsayiso waye, a ngu ganela Pfhumu Nungungulu.

Jeremiya 50:11

Ambari mwa gu tsakani, mu ghiya enu mu phangago thomba yangu mu ndragandraga kha nga gimombyana gi tsakelago mwasi nya gunyuge, mu emba kha nga dzikavalu nya tshivba.

Jeremiya 50:31

Wona nya gukhuwe eni nyi dzi emisede gu dwana nago, uwe nyamatshandza wewe, a ngu ganela Pfhumu Nungungulu nya Tshivba Yatshavbo, kholu, li vbohide litshigu ni gikhati nya tsayiso wago:

Jeremiya 51:40

Nyi na va yisa gusongwatunu nga dzinvuta, kha nga dzihamba ni vanyamabhongwe.

Gililo 1:21

Va ngupwa mahika yangu, aholu mwalo ni moyo a nyi tangadzisago. Valala vangu vatshavbo va gu ghiya khu gupwa guthega gwangu, va tsaka khiso U giridego. Aholu, Uwe Pfhumu vbiredza gu resa litshigu U li tumbisidego gasi vathu va tsayiswa navo nga eni. Tau

Gutuledwa 18:10

Va na ema khu hwindzo khu gu thava gutshaniseka gwaye, khavo: “Libango! Libango lago uwe lidhoropa nya likhongolo la Bhabhiloni, lidhoropa nya gutale khu tshivba! Kholu u vbohedwe khu gikhati nya gutsayiswe gwago.”

Gutuledwa 19:17

Gu di handzamedza nyi wona ngilozi mweyo na yi emide vbatshani nya lidambo, na yi gu ganela khu tshivba ga sinyoni satshavbo si nga bani si gu vbuvba ndrengelengeni, khiyo: “Deluni; tshanganani buzoni nya khongolo wa Nungungulu,