Jeremiya 50:26 - Bhibhiliya Nya Guage

²⁶ Mu rangeni khu maphuvbo yatshavbo nya mahegiso nya litigo, mu tula sisangala saye, mu dusela silo saye satshavbo si khala dzinyandra, mu pfhungumula litigo laye latshavbo nyamba mu tshiyela ni moyo.

Jeremiya 50:26 Iomraidhean Croise

Isaya 10:6

Nyi ngu mu ruma guya dwana ni litigo li vivbedwego khu monyo, nyi mu leletede guya wugela vathu nyi gorogidego khavo, nyi mu ningide nayo nya guya va phanga ni gu wandra silo sawe, ni gu va gandredzela kha nga maraga ya mudzindzilani.

Isaya 14:23

Nyi na li gira li khala wuvbahelo nya mapfhuguli. Li na vbindrugedza li khala wulanga nya mati nya guhine, nyi na li vbiyela khu piyelo nya gumbembise, a ngu ganela Pfhumu Nungungulu nya Tshivba Yatshavbo.

Isaya 25:10

Kholu gyandza gya Pfhumu Nungungulu, gi na handzegwa vbatshani nya gigomo gegi; aholu Mowabhi, a na gandredzedwa avbo a guromo, kha nga idzo va gandredzelago khidzo mwasi talani nya ndzilo.

Isaya 45:3

Nyi na gu ninga gyuma gi sihidwego ni thomba yi fenengedzidwego malangani nya gusihale, gasi u kodza gu dziti gukhuwe eni, kheni Pfhumu Nungungulu wa Israyeli, a gu ranago khu lina lago.

Isaya 5:26

Pfhumu Nungungulu a na khusedza ngavbya yaye a rana mayigo ya hwindzo, a na ma wombela ndrodzi a ma ranisa khu mahegiso gwatshavbo nya mafu; ayo ma nata khu guvbiredza khu gututuma.

Jeremiya 50:10

Litigo la Kalidhiya li na phangwa; vaphangi vakone va na mana nya singi, a ngu ganela Pfhumu Nungungulu.

Jeremiya 50:13

Khu kotani nya likhulo la Pfhumu Nungungulu, mwalo na moyo a na gu khalago umo, aholu li na bani liri marumbi nya guvbelele; ni vatshavbo va na vbindrago khu Bhabhiloni, va na samala ni gu womba ndrodzi, khu gu wona dzimhango dzatshavbo dzi na gu mu dugelelago.

Jeremiya 50:15

Wombani pundru nya nyimbi, mu randreleni khu maphuvbo yatshavbo mu dwane naye! Uye a ngu thesa matshari a dzi ningela, makhokhola yawe ma ngu thega, ni mabhiyo yaye ma ngu khungumuga! Kholu oyu khu tsayiso wa Pfhumu Nungungulu; dzi phodzeleni kha nga idzo va mi giredego.

Jeremiya 50:23

Nga wonani idzo gi fanyeledzedwego khidzo gikhokhotho gi nga bani gi pandrelela mayigo yatshavbo! Idzo Bhabhiloni a vbindrugedzidego khidzo a khala gilo nya gusamadzise vbakari nya mayigo!

Jeremiya 50:41

Wonani, va nguta vathu va dugelago khu phuvbo ga Wuronga; litigo nya likhongolo, ni vafumeli nya vangi nya tshivba, va na dugelela khu mahegiso nya litigo;

Jeremiya 51:44

Nyi na tsayisa Bheli, nungungulu wa Vabhabhiloni, nyi mu gosisa khu kanani gwaye, satshavbo a hodzidego. Mayigo gima kha ma na ngata tshangana gambe gwaye, ni libhiyo la Bhabhiloni li khungumudwe.

Jeremiya 51:64

u ganela, khuwe: A na rikiswe kharati Bhabhiloni, a si wonegi gambe khu kotani nya libango nyi na gu mu rumelago. Avo va na thega.” Ma gu hegisa avba magana ya Jeremiya.

Mikeya 7:10

Nala wangu a na si wona isoso, a tedwa khu dzitshoni, uye a nga bani a nyi embela, khuye: “Womo hayi Pfhumu Nungungulu wago?” Maho yangu ma na wona guthega gwaye; na gu gandredzedwa kha nga maraga ya mudzindzilani.

Matewu 6:26

Nga wonani sinyoni sa damboni. Kha si yali, kha si vbweri, gambe kha si hengeledzeli gilo sisangalani. Aholu, Babe wanu a guromo Ndzadzini a ngu si hodzisa. Ina enu kha mu vbindri sinyoni, gani?

Gutuledwa 14:19

Ngilozi yi di tshisa givbwero mafuni yi pilela dziwuvha dza tigoni yi dzi thedzela sungwani nya likhulo la Nungungulu.

Gutuledwa 19:15

Khu kanani gwaye gu di duga litshari nya guvbire gasi gu paya khilo mayigo. Uye a na ma fumela khu ndronga nya dzisimbi; a na gamela maphisoni vbinyu nya likhulo la Nungungulu nya Tshivba Yatshavbo.