Jeremiya 50:2 - Bhibhiliya Nya Guage

² Huwelelani vbakari nya mayigo, mu ma pwadzela, ghwimbani ngavbya mu va embela, mu nga va siheli gilo, va embeleni, khenu: Bhabhiloni wandridwe; Bheli thedwe dzitshoni, Moridhaki nuye pandreledwe, va poyila sifananiso saye, va khungumulede vanungungulu vaye nya malipha.

Jeremiya 50:2 Iomraidhean Croise

Dzindzimo 64:9

Vathu vatshavbo va na thava, va huwelela mithumo ya Nungungulu, va pima esi a thumago.

Dzindzimo 96:3

Pwadzani wuzundzo waye vbakari nya mayigo, ni mithumo yaye nya guliwugise ga vathu vatshavbo.

Dzindzimo 97:7

Va na thedwe dzitshoni avo va khozelago sifananiso nya guvatwe, avo va dzi khusedzago khu gu khozela sifananiso, va na khidzime mbeli gwaye vanungungulu vatshavbo.

Isaya 12:4

Ga litshigu lolo, mu na embelela ndzimo yeyi, khenu: “Bongani Pfhumu Nungungulu, mu khozela lina laye, pwadzelani mayigo sigiro saye, ma tiviseni khenu, lina laye likhongolo.

Isaya 13:2

“Ghwimbani ngavbya vbatshani nya gigomo nyambana misimbo; khusani lito, va khweneteni khu mandza, gasi va ta bela khu myanya ya vathu nya guthavisege.

Isaya 21:9

Olu, wonani! Gu nguta gikwata nya vama, vakhileli nya dzikavalu khu vavili vavili. Khavbo avbo, uye a di khusa lito a ganela, khuye: Thegide! Thegide Bhabhiloni; ni sifananiso saye satshavbo nya vanungungulu nya guvatwe, si pandregede si mbambamela mafuni.”

Isaya 37:19

va vbisedzede vanungungulu vawe, kholu khandri a diri vanungungulu, aholu a diri sifananiso, thumo nya mandza nya vathu, nya guvatwe khu misimbo ni siwindri; khu guralo va si khungumulede.

Isaya 39:1

Khu gikhati gile, mufumeli wa Bhabhiloni, Merodhaki-Bhaladhani, mwamana wa Bhaladhani, mufumeli wa Bhabhiloni, a di rumela ga Ezekhiya vathu na vari ni malangalila ni sagwati, kholu a di pwide gupwani a di gu dwala, aholu hawulugide.

Isaya 46:1

Bheli, nungungulu nya malipha thegide, ni Nebhu nogide vbavbatshi; sifananiso sawe si ngu rwegwa vbatshani nya sirengo ni dziburu; mirwalo yanu ya gu lemela dziburu dzi garadego khu gu lemedwa.

Isaya 48:20

Duga khu tigoni ga Bhabhiloni, thavani vbakari ga Vakalidhiya, mu tivisa esi na mu gu kulungela khu gutsaka; si huweleleni kala mahegiso nya litigo; mu ganela, khenu: “Pfhumu Nungungulu tshudziside githumi gyaye Jakobe.

Isaya 48:6

U di si pwide silo sesi; wona nya gukhuwe satshavbo si tadzisegide. Ina kha mu dzumeli gu gira wufakazi khiso, gani? Gukhugela olu guya mbeli, nyi na mi pwadzela silo siphya niso nya misihalo u nga bani u si siti.

Jeremiya 10:11

Khu guralo, va embeleni gukhenu: “Vanungungulu vava va ngamba gira ndzadzi ni mafu, va na fuva tigoni ni vbavbatshi nya lidambo leli.”

Jeremiya 10:15

Kha si phasi gilo va gu dzi pfhadza khu mithumo nya wukanganyisi, litshiguni la Pfhumu, si nata mwalalega.

Jeremiya 31:10

Enu mayigo, yingisani magana ya Pfhumu Nungungulu, ma pwadzeni ga mayigo ya sidwani ga hwindzo, mu ganela, khenu: Wule a phalalegisidego vathu va Israyeli, a na va tombanisa ni gu va hetedza, kha nga muhavisi a tshanganisago tshambi waye.

Jeremiya 4:16

Huwelelani esi ga mayigo, mu tivisani ga Jerusalema, khenu: “Libutho ya valala va nguta khu mayigoni ya hwindzo na va gu laledza khu lito nya gukhugege guta sasela madhoropa ya Judha.”

Jeremiya 4:6

Ghwimbani ngavbya mu thonona Siyoni, thavani khu guvbiredza mu vbweta wulanga nya gusihale avbo! Kholu eni nyi ngu resa libango khu Wuronga, a gu gusasedwa nya gukhongolo ngudzu.”

Jeremiya 46:14

Huwelelani esi tigoni ga Egipito ni gu pwadza Migidholi; mu huwelela gambe Menfisi ni Tafenisi, ganelani, khenu: Khugani mu dzi dongisele, kholu matshari momo ma sasela vaakelane vanu.

Jeremiya 50:46

Mafu ma na ndrendremela khu ligwaha nya gu wandrwe Bhabhiloni, dzihuwa dzawe dzi na pwala khala ga mambe mayigo.”

Jeremiya 51:12

Ghwimbani ngavbya mudzindzarini ga Bhabhiloni, engedzelani vaemeledzi mu vega dzighadhi, va vandrameleni, kholu Pfhumu Nungungulu a ngu tadzisa gikungo a hungidego khu gale nya guwugele vavbanyi va Bhabhiloni.

Jeremiya 51:27

Ghwimbani ngavbya mafuni, mu womba pundru vbakari nya mayigo, mu rana mayigo ma ya mu sasela; mu mu rambela mifumo ya Ararati, Mini ni Asikinazi! Mu hatha muthangeli nya nyimbi, mu rumela dzikavalu nya gutale, dzi mu fenengedza kha nga mwamba nya dzimbera.

Jeremiya 51:31

Myango ya gu tshiyisana khu gu tutuma, guya tivisa ga mufumeli wa Bhabhiloni, khavo: Lidhoropa li wandridwe khu maphuvbo yatshavbo;

Jeremiya 51:44

Nyi na tsayisa Bheli, nungungulu wa Vabhabhiloni, nyi mu gosisa khu kanani gwaye, satshavbo a hodzidego. Mayigo gima kha ma na ngata tshangana gambe gwaye, ni libhiyo la Bhabhiloni li khungumudwe.

Jeremiya 51:47

Khu guralo, ma nguta matshigu nyi na gu tsayisa vanungungulu nya sifananiso nya guvatwe va Bhabhiloni; litigo latshavbo li na tala khu dzitshoni, ni vathu vatshavbo va na gu songwago, va na mbambamela vbakari gwaye.

Jeremiya 51:52

Khu guralo, ma nguta matshigu, a ngu ganela Pfhumu Nungungulu; nyi na gu khungumulelago sifananiso satshavbo nya guvatwe; vathu vatshavbo va payidwego dzimbanga, va na keta tigoni gwawe gwatshavbo.

Jeremiya 51:8

Khu githugedza, Bhabhiloni thegide a khala marumbi; lilani khu uye, vbwetani rendre mu todze dzimbanga dzaye; mwendro saye a na hawuluga.

Jeremiya 52:31

Khu mwaga nya magumararu na livbandre na mivili nya gu vbagedwe ga Jowakimi, mufumeli wa Judha, khu litshigu nya magumavili na mavili nya ngima nya likhumi na wuvili, Evhili-Merodhaki, mufumeli wa Bhabhiloni, khu mwaga nya guhegule nya gufume gwaye, a di tsetselela Jowakimi, mufumeli wa Judha, a rumela gu a duswe khu pasoni.

Jeremiya 6:18

Khu guralo, yingisani enu mayigo, yingisani! Enu nenu tshangano wonani iso si na va dugelelago!

Dhaniyeli 1:2

Pfhumu a di ningela Jowakimi mandzani gwaye. Mufumeli wa Bhabhiloni a di dzega mufumeli wa Judha a gu hongola naye tigoni ga Sinari, gumogo ni gipandre nya sombo sa Nyumbani ga Nungungulu, a si yisa nyumbani ga nungungulu waye, aya si vega nyumbani nya thomba ya nungungulu waye.

Dhaniyeli 3:14

Nabhukodhonosori a di va wudzisa, khuye: “Ina lisine, nya gupwani uwe Sadraki, Misaki ni Abhedhi-Negho, kha mu khozeli vanungungulu vangu ambari ni gifananiso nya ndralama nyi gi emisidego, gani?”

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.

Gutuledwa 18:2

Yi di huwata khu tshivba khu lito nya gukhugege, khiyo: “Thegide! Thegide Bhabhiloni nya khongolo, gu vbindrugedzide gu khala wulanga nya madhimoni, phago nya maphuvbo yatshavbo nya guvivbe, ni wuthavelo nya sinyoni satshavbo nya gunyenyeze, si vengegago.