Jeremiya 50:19 - Bhibhiliya Nya Guage

¹⁹ Israyeli nyi na mu wuyisa nyaluphye tigoni gwaye. Va nata hava gigomoni gya Karimelo ni gigomoni gya Bhasani, va na khura sigomoni sa Efrayimi ni Gileyadhi.

Jeremiya 50:19 Iomraidhean Croise

Ezira 2:1

Ava khu vathu nya gipandrengulu, va widego khu wugumbitunu, va nga bani va vbagedwe khu Nabhukodhonosori, mufumeli wa Bhabhiloni, ava yisa Bhabhiloni, va nga wuyago Jerusalema tigoni ga Judha, muthu ni muthu a bwelela dhoropani gwaye.

Gizimba 6:5

Ndreyisa maho yago avbo gwangu, kholu ma ngu nyi vbedza tshivba. Ndzudzu wago wa gu fanana ni tshambi nya dziphongo dzi relelago khu gigomoni gya Gileyadhi.

Isaya 33:9

Litigo lomo mugililoni ni guvbela tshivba; Libhanoni a gu wu na khu dzitshoni; Saromi, vbindrugedzide a fanana ni giwula, Sihagane sa Bhasani ni Karimelo si moride.

Isaya 35:2

Khu kharato si na rumbuga senge, si kulungela khu gunengela, si embelela khu gutsaka; va na ningwa wudhumo wa Libhanoni, ni wa Saromi, ni gungangamela nya gigomo Karameli; vathu va na wona wudhumo wa Pfhumu Nungungulu, ni gungangamela ga Nungungulu wathu.

Jeremiya 23:3

Eni mune kamwe nyi na tombanisa dzinvuta dzi tshadego, khu mayigoni gwatshavbo dzi nga bani dzi thavede umo, nyi na dzi wuyisa mavbandroni gwawe; umo dzi na guta velegelana.

Jeremiya 3:18

Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Jeremiya 30:10

Khu guralo, u nga thavi uwe githumi gyangu, Jakobe, gambe u nga vbeli tshivba uwe Israyeli; kholu nyi na mi vbulugisa mayigoni ga hwindzo, nyi na mi wuyisa gumogo ni melego wanu khu tigoni nya wugumbi; Jakobe a na wuya ata khala na tangade ni gurula; gambe kha na manega muthu nya gu mu thusedzele.

Jeremiya 30:18

Pfhumu Nungungulu a ngu ganela kharati, khuye: “Nyi na wusedza mitshatsha ya na Jakobe, ni gu pwela wusiwana dzindranga dzawe; lidhoropa li na vbahedzwa vbatshani nya marumbi yaye ni nyumba nya mufumo yi na vbahedzwa gu fanana ni idzo yi nga bani yi romo khidzo khu gale.

Jeremiya 30:7

Yowe! Litshigu lile li thiside ngudzu, li mwalo limbe nya gufanane nalo! Gu na bani nari gikhati nya gutshaniseke ga Jakobe; ambari khu kharalo, uye a na vbuluga ga ilo.

Jeremiya 31:14

Vaphasi nya mhamba nyi na va khurisa khu guhodza nya gunone, ni vathu vangu va khura khu silo sangu nya sadi; a ngu ganela Pfhumu Nungungulu.

Jeremiya 31:25

Kholu nyi na rudzisa mihefemulo yi garadego ni gu ninga tshivba iyo yi khuvegidego.

Jeremiya 31:6

Kholu, li na vboha litshigu dzighadhi dzi na gu laledzago khu musigomoni sa Efrayimi, khidzo: “Khugani mu eme! Hi gwela Siyoni, mbeli ga Pfhumu Nungungulu wathu.”

Jeremiya 32:37

Wonani nya gukhenu nyi na va tombanisa va wuya khu mayigoni gwatshavbo nyi va phalalegisedego umo khu kotani nya likhulo langu, likhulo ni giviti gyatshavbo; nyi na va wuyisa wulangani wowu vata vbanya khu gurula ni gukhadzisega.

Jeremiya 46:27

Gasi uwe, githumi gyangu Jakobe, u nga thavi, u nga khali hwanga, uwe Israyeli, kholu nyi na gu vbulugisa nyi gu wuyisa khu mayigoni yoyo ya hwindzo, ni livelego lago khu tigoni nya wugumbi; Jakobe a nata vbanyedza nyaluphye khu gurula, na tangade nyamba thurugiswa khu muthu.

Jeremiya 50:6

Vathu vangu va gu fanana ni dzinvuta dzi dzimedego; va ndreyisidwe khu vahavisi vawe, va dzimedzidwe sigomoni ni sigomwanani, va gu legalega basi, kha va nga gu guti ni phandroni gwawe.

Ezekiyeli 11:17

Khu guralo, va embele, khuwe: Mune, Pfhumu Nungungulu a ngu ganela kharati, khuye: Eni nyi na mi tombanisa vbakari nya mayigo, nyi mi wuyisa khu mayigoni mu phalalegidego umo, nyi mi ninga litigo la Israyeli.

Ezekiyeli 36:24

Kholu nyi na mi dusani vbakari ga va nya mayigo, nyi mi tombanisa khu mayigoni gwatshavbo, nyi mi wuyisa tigoni gwanu nya mavelego.

Ezekiyeli 36:33

Mune Pfhumu Nungungulu, a ngu ganela kharati, khuye: Litshiguni nyi na gu mi agisago guvivbani gwanu gwatshavbo, nyi na wusedza madhoropa, nyi vbahedza malanga ma nga khungumudwa.

Ezekiyeli 38:8

Hwane nya matshigu nya mangi, u na ranwa; avbo gu na vbindrago myaga nya yingi, uwe u na ta dwana ni litigo li tshudzisidwego khu matshari, li patidwego khu mayigo nya mangi, vbatshani nya sigomo sa Israyeli, gikhati gyatshavbo si nga bani si khade marumbi; vathu vava, va dusidwe khu ga mayigo nya guhambanelane, gasi vatshavbo va vbanya umo khu gurula.

Ezekiyeli 47:18

Khu phuvbo ga Khugadambo, khu vbinganoni ga Hawurami, ni Dhamasiko, khu ndzila nya tsongo wa Joridhani, wu vbindra khu vbakari ga Gileyadhi ni litigo la Israyeli, wu vboha kala Tamari vbafuvbi ni yiphwa ya Khugadambo, Owu khuwo vbingano wanu wa Khugadambo.

Mikeya 7:14

Havisa vathu vago khu ndronga yago, a gu dzinvuta nya tshambi nya thomba yago, dzi vbanyago khabini basi, vbakari nya mahawo nya gunone; dzi yise wuhaviseloni ga Bhasani ni Gileyadhi, kha nga matshigu ma vbindridego.

Mikeya 7:18

Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.

Zakariya 10:10

Nyi na va gira va wuya khu tigoni ga Egipito, nyi na va tombanisa va duga tigoni ga Asiriya, nyi na va dzega nyi va yisa tigoni ga Gileyadhi ni Libhanoni, ga avo gu na bani guri mwalo wulanga nya guenele.

Mitengo 32:1

Sanana sa Rubheni ni esi sa Gadhi, si di fumide mitshambi nya gutale ngudzu. Va di wona litigo la Jazeri ni la Gileyadhi na ma khalegide wulangani nya wadi ngudzu nya gufanele gu havisa umo mitshambi yawe.

Mitengo 32:4

mayigo yale Pfhumu Nungungulu a ma sasedego mbeli ga tshangano wa na Israyeli, mayigo nya yadi gasi gu havisa umo mitshambi. Ethu sithumi sago hi na ni mitshambi.”

Josuwa 17:15

Josuwa a di va hakha, khuye: “Mwa gu bani muri vangi, gwelani khabini mu ya hagata litigo la va na Peresi ni la va na Efrayimi, mu li dzega olu gu gigomo gya Efrayimi gidugwana ngudzu gwanu.”