Jeremiya 50:18 - Bhibhiliya Nya Guage

¹⁸ Khu guralo, a ngu ganela kharati Pfhumu Nungungulu nya Tshivba Yatshavbo, Nungungulu wa Israyeli, khuye: Wonani, nyi na tsayisa mufumeli wa Bhabhiloni ni litigo laye, kha nga idzo nyi tsayisidego khidzo mufumeli wa Asiriya.

Jeremiya 50:18 Iomraidhean Croise

Isaya 10:12

Khu guralo, Pfhumu Nungungulu, avbo a na vbedzago thumo waye gigomoni ga Siyoni ni Jerusalema, a na tsayisa matshandza ni gu dzi khusedza ga mufumeli wa Asiriya;

Jeremiya 27:7

A na thumedwa khu vathu nya mayigo yatshavbo, uye, sanana saye gumogo ni situgulwana saye, kala gu vboha gikhati mayigo nya mangi ni mifumo nya yikhongolo yi na mu girago khumbi.

Jeremiya 46:10

Kholu eli khilo litshigu li lumbago Mune, Pfhumu Nungungulu nya Tshivba Yatshavbo. A na bani nari litshigu nya guphodze, a dzi phodzela ga valala vaye; matshari ma na sasela kala ma kodwa, ma na leva khu novba wawe; kholu Pfhumu Nungungulu nya Tshivba Yatshavbo, a na ni phaso nya mhamba tigoni ga Wuronga, bambe nya tsongo wa Ewufrate.

Nahume 3:18

Uwe mufumeli wa Asiriya, vahavisi vago va lade, vathu vago nya guthavisege va lade, vathu vago va mbambamede sigomoni, gu si manegi ni muthu nya gu va wungedzele.

Nahume 3:7

Avbo vatshavbo va na gu wonago, va na gu thava va ganela, khavo: Ninivha mbembisidwe! Khu mani a na mu pwelago gisiro? Nyi naya dzega hayi vathu nya gute gu tangadzisa?

Habhakuka 2:8

Kholu uwe u phangide dzithomba nya mayigo nya mangi, vathu vatshavbo va tshadego va na gu phanga nuwe. Kholu, uwe u vbaladzide novba nya wungi ngudzu, u girela dzihanyi mayigo, ni madhoropa gumogo ni vavbanyi vakone.

Dhewuteronome 32:41

Avbo nyi na lodzago litshari langu nya gukhedzige, avbo nyi na gu lamulago khu mandza yangu, nyi dzi phodzela ga valala vangu, nyi na bweledzela vale va nyi vengago.