Jeremiya 50:17 - Bhibhiliya Nya Guage

¹⁷ Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Jeremiya 50:17 Iomraidhean Croise

2 Dzipfhumu 15:19

Khavbo avbo, Puli, mufumeli wa Asiriya, a dita guta wugela litigo la Israyeli; Menayemi, a di ningela ga Puli, likhumi mazana (1.000) dzitaleta nya parata, gasi a kodza gu mu phasedzela gu tiyisa wufumu mandzani gwaye.

2 Dzipfhumu 15:29

Matshiguni ya Peka, mufumeli wa Israyeli, a dita Tigalati-Pileseri, mufumeli wa Asiriya, ata wandra Iyoni ni Abheli-Bheti-Mahaka, Janowa, ni Kedhesi, Hazori, Gileyadhi ni Galileya, ni litigo latshavbo la Nafitali, a vbagela vavbanyi vaye a va yisa Asiriya.

2 Dzipfhumu 24:1

Matshiguni ya Jeyowakimi, Nabhukodhonosori, mufumeli wa Bhabhiloni a dita mu dhumela, uye a di khala githumi gyaye khu gipimo nya myaga miraru. Khu hwane a di vbindrugedza a mu wugela.

2 Dzipfhumu 24:10

Khu gikhati gyogyo, sithumi sa Nabhukodhonosori, mufumeli wa Bhabhiloni, si dita guta sasela Jerusalema, si mu randrela.

2 Dzipfhumu 25:1

Khu mwaga nya livbandre na wu na nya gufume ga Zedhekiya, khu litshigu nya likhumi nya ngima nya likhumi, Nabhukodhonosori, mufumeli wa Bhabhiloni, a di dhumela Jerusalema khu nyimbi nya yikhongolo ngudzu. Va dita zumba va vbaha likhokhola; va randrela lidhoropa latshavbo.

2 Dzikoronika 28:20

Gu dita avbo gwaye Tigilati-Pileseri, mufumeli wa Siriya, oyu a nga bani na gu pimisa gukhuye a nata phaswa khuye, aholu uye a dita mu sasela, wulangani nya gu mu phase.

2 Dzikoronika 33:11

Khavbo avbo, Pfhumu Nungungulu, a di va resela vathangeli nya dzinyimbi dza mufumeli wa Asiriya, va ta mola Manasi va mu hunga khu makhetshe, va mu yisa Bhabhiloni.

Isaya 15:9

Kholu mati nya tsongo wa Dhimoni ma tade khu novba; aholu nyi na engedzela gambe tigoni ga Dhimoni, dzinghala dzi na vbadzulelago vale va nga vbulugago va na Mowabhi gumogo ni mitshaledwa ya tigoni.

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Jeremiya 10:25

“Likhulo lago li vbaladze ga mayigo ma si gutigo, ni mafumbu ma si thavigo lina lago; kholu va hodzide Jakobe va mu midza, va pfhungumula wulanga a nga bani a vbanya avbo.”

Jeremiya 2:15

Singhalana si di bhonga vbakari gwawe, na si gu ngurura khu lito nya gukhugege; va vbisa madhoropa yawe, litigo lawe li khala marumbi nyamba khadwa khu muthu.

Jeremiya 21:7

“Khu hwane nya esi, Pfhumu Nungungulu a ngu ganela khuye nyi na ningela Zedhekiya, mufumeli wa Judha, manganagana yaye, vathu vaye ni vatshavbo va na gu vbulugago gufa khu tungu, gu sasedwa khu matshari ni gufa khu ndzala, mandzani ga Nabhukodhonosori, mufumeli wa Bhabhiloni, ni mandzani ga valala vaye, ni ga vatshavbo va zamago gu mu songa; va na va sasela khu matshari, nyamba va tsetsa ambari gu va pwela gisiro.”

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 49:19

Wonani nya gukhenu nyi nata kha nga nghala, yi dugago khu sipoponi sa Joridhani yi relela panini nya mahawo nya gunyuge; kholu, khu githugedza nyi na mu phalalegisa tigoni gwaye; khu wevbini uye nyi mu hathidego, nyi mu emisidego ga isoso? Khu mani a fananago ni Eni? Khu mani a na gu nyi wudzisago? Khu mani muhavisi a na tiyelago gu dwana ni Eni?

Jeremiya 5:17

Va nata hodza dzimbewu dzago ni guhodza gwago, va hodza madzaha yago ni dzimbiri dzago; va na hodza dzinvuta ni dzimombe dzago; va na ghohetela gambe marembwe yanu nya mikandzu nayo nya miuvha; va khungumulela khu matshari madhoropa yago nya makhokhola u ma tumbago.

Jeremiya 5:6

Khu guralo, nghala yi na duga khu khabini yi ta va songa, lisolwa la giwulani li na va vbadzulela, madhoropa yawe ma na holeledwa khu likhamba; moyo wawe a gu duga a na vbadzuledwa; kholu va di engedzela guvivba nya sighoho sawe, va mu pfhurarela gikhati nya gutale.

Jeremiya 50:6

Vathu vangu va gu fanana ni dzinvuta dzi dzimedego; va ndreyisidwe khu vahavisi vawe, va dzimedzidwe sigomoni ni sigomwanani, va gu legalega basi, kha va nga gu guti ni phandroni gwawe.

Jeremiya 51:38

Vathu vaye va na bhonga nga singhalana, va ngurangura nga sanana nya nghala.

Jeremiya 52:1

Zedhekiya a diri ni magumavili na moyo myaga gikhati a nga phela gufuma, fumide likhumi na moyo myaga dhoropani ga Jerusalema; lina la mayi waye a diri uye Hamutali, nyamahegyane wa Jeremiya, wa Libhina.

Ezekiyeli 34:12

Kha nga muhavisi a wuyisago dzinvuta dzaye, litshiguni a manago idzo dzi dzimedego, kharato eni neni nyi na vbweta dzinvuta dzangu. Nyi na dzi wuyisa khu malangani yatshavbo dzi phalalegedego umo khu litshigu nya mazuvi ni gidema.

Dhaniyeli 6:24

Mufumeli a di dusa nayo nya gukhuye va reswa vama vale va nga ketsari Dhaniyeli vata rinywa phalani nya dzinghala, gumogo ni vagadzi vawe ni sanana sawe. Avo na va si gu vbohi vbavbatshi, dzinghala dzi di va ndragela dzi va vbadzulela marambo yawe yatshavbo.

Joyele 3:2

nyi na tombanisa mayigo yatshavbo nyi ma reledza kovani ga Josafani; iyoyo nyi na ya ma lamula khu kotani va dzegidego vathu vangu ni thomba yangu va na Israyeli, uye va mu phalalegisidego vbakari nya mayigo, va kabanisa litigo langu.

1 Pedro 2:25

Kholu enu, gale mu di gu khala nga dzinvuta nya gudzimele, olu mu wuyisidwe ndzilani, gasi muta landra Muhavisi ni Musayisi nya mihefemulo yanu.