Jeremiya 50:16 - Bhibhiliya Nya Guage

¹⁶ Fuvisani tigoni ga Bhabhiloni wule a yalago dzimbewu, ni wule a dzegago givbwero gikhatini nya guvbwere dzimbewu; valuveli vatshavbo va na khala hwanga, khu kotani nya nyimbi nya wusaseli, muthu ni muthu a na thavela ga va na gyawe moyo ni moyo a na thavela tigoni gwawe.

Jeremiya 50:16 Iomraidhean Croise

Isaya 13:14

Moyo ni moyo a na thava kha nga yisya, a fanana ni tshambi wu gu mwalo muhavisi; muthu ni muthu, a na bwelela ga va na gyawe, vatshavbo va thavela tigoni gwawe.

Jeremiya 25:38

A fanana ni nghala yi dugidego khu wulangani gwaye; kholu litigo lawe li vbindrugedzidwe li khala giwula, khu kotani nya gukhondre nya likhulo la Pfhumu Nungungulu.

Jeremiya 46:16

Nya vangi va gu tshunganela va thega, moyo a thega vbatshani ga mumbe, va embeledzelana, khavo: Hongoleni hi wuge hi bwelele ga va na gyathu tigoni gwathu nya mavelego, hi thava matshari ma hi saselago.

Jeremiya 51:23

nyi gu thumiside gu mbembisa vahavisi ni mitshambi yawe; ni gu vbadzulela mulimi ni dzimombe dzaye; nyi gu thumiside gu vbadzulela dzindruna ni madhota yawe.

Jeremiya 51:9

Hi di zamide gu vbodzisa silondra sa Bhabhiloni, aholu hi tandregide. Olu mu digeni hi hongole, muthu ni muthu a na bwelele tigoni gwawe, kholu gulamudwa gwaye gu vbohide kala damboni, gulapha kala mapfhini.

Joyele 1:11

Valimi va va vbede tshivba, va yali nya miuvha va womba huwa khu kotani nya tirigu ni mala, kholu dzimbewu dza mahangeni dzi fuvisidwe.

Amosi 5:16

Khu guralo, Pfhumu Nungungulu nya Tshivba Yatshavbo, uye a gu Pfhumu a ngu ganela kharati, khuye: Dzindzilani gwatshavbo gu na manega gililo, ni mitalalani va na ganela, khavo: Yowe! Yowe! Va na rana mulimi gasi guta lila, ni vatshavbo avo va kodzago gulila.