Jeremiya 50:15 - Bhibhiliya Nya Guage

¹⁵ Wombani pundru nya nyimbi, mu randreleni khu maphuvbo yatshavbo mu dwane naye! Uye a ngu thesa matshari a dzi ningela, makhokhola yawe ma ngu thega, ni mabhiyo yaye ma ngu khungumuga! Kholu oyu khu tsayiso wa Pfhumu Nungungulu; dzi phodzeleni kha nga idzo va mi giredego.

Jeremiya 50:15 Iomraidhean Croise

1 Dzikoronika 29:24

Manganagana yatshavbo, ni vakhongolo gumogo ni sanana satshavbo sa mufumeli Dhavhidhe, va di dzi nogisa ga mufumeli Solomoni.

2 Dzikoronika 30:8

Mu nga bangisini myonyo yanu, kha nga idzo va giridego vababe vanu; pharani mandza ya Pfhumu Nungungulu, mu belani Nyumbani gwaye nya Guage, a yi agisedego kala gupindruga, mu thumela Pfhumu Nungungulu wanu, gasi a ndreyise vbakari gwanu guvila nya likhulo laye.

Dzindzimo 149:7

gasi va phodze ga va nya mayigo ni gu tsayisa vathu;

Dzindzimo 94:1

Uwe Pfhumu Nungungulu nya gutsayise, dzi nonedze uwe Nungungulu nya guphodzele.

Isaya 59:17

A di ambala wululami gukhwatshi gikatawu nya gikete, ni gupala kha nga gihugu nya gu dzi vbanyise hungoni gwaye; bwelo khavbo a ambala guambala nya guphodze, a ambala guvbisega, gukhwatshi libhadzi.

Isaya 59:18

A na bweledzela tshatshazelo ga moyo ni moyo gukhedza khu mithumo yaye; a na yisa likhulo laye ga valala vaye; ni gu bweledzela ga avo a dwanago navo iso si vbwetago; ni mayigo ya sidwani, a na ma ninga tshatshazelo yawe.

Isaya 61:2

Pfhumu Nungungulu a nyi rumede guya tivisa mwaga nya wadi ni litshigu nya gu dzi phodzele ga Nungungulu wathu; ni gu tangadzisa vale va lilago.

Isaya 63:4

Kholu litshigu nya gu dzi phodzele li diri monyoni gwangu, ni mwaga nya gu dzegise vathu vangu, wu di vbohide.

Jeremiya 46:10

Kholu eli khilo litshigu li lumbago Mune, Pfhumu Nungungulu nya Tshivba Yatshavbo. A na bani nari litshigu nya guphodze, a dzi phodzela ga valala vaye; matshari ma na sasela kala ma kodwa, ma na leva khu novba wawe; kholu Pfhumu Nungungulu nya Tshivba Yatshavbo, a na ni phaso nya mhamba tigoni ga Wuronga, bambe nya tsongo wa Ewufrate.

Jeremiya 50:14

Dzi dongiseleni enu mwatshavbo mu ghwimbago wulaho; randrelani lidhoropa la Bhabhiloni mu dwane nalo, va hekheni khu sighalala mu nga va tsetsi, kholu va ghohede Pfhumu Nungungulu.

Jeremiya 50:25

Pfhumu Nungungulu a di tula malanga a vegago matshari yaye, a ma dusa vbavbandze khu likhulo laye; kholu Mune Pfhumu Nungungulu nya Tshivba Yatshavbo a na ni thumo a vbwetago gu wu gira tigoni ga Vakalidhiya.

Jeremiya 50:44

Wonani nya gukhenu a nata kha nga nghala yi dugelago sipoponi sa Joridhani, yi bela wuhaviseloni nya mwasi nya gunyuge. Khidzo kharato, nyi na va phalalegisa tigoni momu, nyi vega uye nyi mu golago; kholu, gasi khu mani a fananago ni Eni? Gambe khu mani a yelago gu nyi wudzisa iso nyi girago? Khu mani a gu muhavisi a dzi kodzago gu dwana ni Eni?

Jeremiya 51:11

Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso

Jeremiya 51:14

Pfhumu Nungungulu nya Tshivba Yatshavbo, sambanyide khu wurumba waye kamwe, khuye: “Nyi na rumela vathu nya gutale, nya gufanane ni mwamba nya dzimbera, va nata womba mikulungwane nya gu ghiye khu gu gupala.”

Jeremiya 51:24

Nyi na bweledzela Bhabhiloni ni vavbanyi vatshavbo va Kalidhiya guvivba gwatshavbo va giredego Siyoni na mu gu si wona khu maho yanu, a ngu ganela Pfhumu Nungungulu.

Jeremiya 51:25

Pfhumu Nungungulu a ngu ganela, khuye: Nyi womo avba gasi gu wugela uwe gigomo nya wupfhungumuli, uwe u pfhungumulago litigo latshavbo; nyi na phela kheni nyi gu handzega mandza yangu, nyi gu wumbulutela khu vbatshani nya siwindri u thega, u khala litala nya nguma.

Jeremiya 51:30

Dzindrena dza Bhabhiloni, dzi digide matshari dzi tutuma, dzi ya sihala makhokholani gwawe, dzi vbede tshivba, dzi khala kha nga vanyamayi, dzinyumba dzawe dzi ngu dagarela, ni migonyo nya malimba yawe yi fanyeledzedwe.

Jeremiya 51:36

Kholu, Pfhumu Nungungulu a ngu ganela kharati, khuye: Wona nya gukhuwe nyi na gu vhikela nyi gu phodzela khu satshavbo a gu giredego; nyi vbwisa mitsongo yawe, gumogo ni sifefe sawe si na banga, nyambana mati.

Jeremiya 51:44

Nyi na tsayisa Bheli, nungungulu wa Vabhabhiloni, nyi mu gosisa khu kanani gwaye, satshavbo a hodzidego. Mayigo gima kha ma na ngata tshangana gambe gwaye, ni libhiyo la Bhabhiloni li khungumudwe.

Jeremiya 51:58

Pfhumu Nungungulu nya Tshivba Yatshavbo, a ngu ganela kharati, khuye: Mabhiyo nya guaname ma bhiyidego Bhabhiloni, ma na khungumuledwa muphelo, gu vbiswa ni malimba yaye nya gulaphe, mafumbu ya tigoni ma na bani ma thumede mahala, mayigo ma napwa wuvi khesi si vbidego.”

Jeremiya 51:6

Thavani khu dhoropani ga Bhabhiloni! Moyo ni moyo, a na vbulugise womi waye! Mu nga songwa khu kotani nya sighoho sawe, Kholu, egi khu gikhati Pfhumu Nungungulu a dzi phodzelago; a va bweledzela gukhedza khu mithumo yawe.

Jeremiya 51:64

u ganela, khuwe: A na rikiswe kharati Bhabhiloni, a si wonegi gambe khu kotani nya libango nyi na gu mu rumelago. Avo va na thega.” Ma gu hegisa avba magana ya Jeremiya.

Gililo 5:6

Hi dzi ningede ga Vagipiti ni ga Vaasiriya, gasi va hi phasa khu gu hi ninga guhodza.

Ezekiyeli 17:18

Kha nga olu uye a yeyisidego gisambanyo, a fanya gidzumeledzwano gi giridwego khu gu pharana mandza, a gira silo satshavbo sesi, kha na vbuluga ne vbadugwana.

Ezekiyeli 21:22

Khu nyamudye gwaye gu na manega nyatumbatumbane mayelano khu Jerusalema, gasi gu ruma mitshini nya gukhungumule mabhiyo, gasi gu dusa magana nya guleletele gu songa, gu khusedza malito nya gunengele, gasi gu ninga nayo mitshini yi gulela malimba, ni guwungedzela mafu ma gira sigomo, gasi gu emisa mabhiyo.

Nahume 1:2

Pfhumu Nungungulu nya wufu ni gu dzi phodzela! Pfhumu Nungungulu a ngu dzi phodzela na tade khu likhulo! Pfhumu Nungungulu a ngu dzi phodzela ga avo va mu wugelago, na gu yeyedza likhulo laye ga valala vaye.

Matewu 7:2

Kholu, idzo mu na lamulago khidzo vakwanu, mu na lamudwa nenu khidzo. Ndronga mu na pimago khiyo vakwanu, khiyo mu na pimwago nenu khiyo.

Luka 21:22

kholu matshigu yoyo khya gu dzi phodzela, gasi gu tadzisega satshavbo iso si nga lowago.

Varoma 12:19

Vandruye, mu nga dzi phodzelini mwabune, digani Nungungulu a tsayise, kholu Pfhumu a ngu ganela omu nya Milowo nya Guage, khuye: “Eni kheni nyi gu ni fanelo nya gutsayise; kheni nyi na tshatshazelago.”

Varoma 3:5

Aholu, guvivba gwathu gwa gu bani gu thumela gu yeyedza gululama gwa Nungungulu, hi na khethu ginani gambe? Hi na khethu Nungungulu kha lulama kholu a hi tsayisago? (Nya gu ganela kha nga edzi va ganelago khidzo vathu).

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.

Dhewuteronome 32:41

Avbo nyi na lodzago litshari langu nya gukhedzige, avbo nyi na gu lamulago khu mandza yangu, nyi dzi phodzela ga valala vangu, nyi na bweledzela vale va nyi vengago.

Dhewuteronome 32:43

Nengelani enu mayigo, gumogo ni vathu vaye, kholu Pfhumu Nungungulu a na phodzela novba wa sithumi saye a na si phodzela vbatshani ga valala vaye, a na pwela wuhindzi litigo laye ni vathu vaye.

2 Vatesalonika 1:8

A nata khu vbakari nya nilo ata tsayisa vale va si khodwigo ga Nungungulu, ni ava va si hakhigo Mahungu nya Yadi ya Pfhumu yathu Jesu Kristo.

Jakobe 2:13

Gikhati Nungungulu a na gu lamulago, kha na tsetselela ava va ngamba tsetselela vakwawe, aholu, ava va nga tsetselelago vakwawe, kha va na ningwa nandru Litshigu nya Gulamudwe.

Josuwa 6:20

Vathu va di huwata, vaphasi nya mhamba va di womba mipundru. Vathu na va pwide gudzuma nya mipundru, va di gira gupwala huwa nya yikhongolo, makhokhola ma di khungumuga, va na Israyeli va di bela dhoropani moyo ni moyo a di hongola wulanga wu nga bani wu romo mbeli gwaye, li di wandrwa kharati lidhoropa.

Josuwa 6:5

Gikhati yi wombwago khego khu gulaphisa, mupwa gudzungurula nya pundru, vathu vatshavbo gu vbwetega va gira ligwaha nya likhongolo ngudzu, likhokhola la lidhoropa li na thega vbavbatshi. Vathu va na bela dhoropani khu guvbiredza, moyo ni moyo a na hongola wulanga wu na manegago mbeli gwaye.

Gutuledwa 16:6

U va sedziside novba, kholu va vbaladzide novba wa va nya gukatega ni vaprofeti, va fanedwe khu tsayiso yoyo.”

Gutuledwa 18:6

Mu bweledzeleni guvbindrisa guvili, gukhedza khu guvivba a nga mi girelago. Omu nya gikombe a nga mi sedza khigyo, thelani sipimo sivili.

Gutuledwa 19:2

Kholu gulamula gwaye khwa lisine ni gululama, khaguva tsayiside gibhayi gikhongolo gi nga mbembisa litigo khu wubhayi waye, gambe phodzede vbatshani ga igyo novba wa sithumi saye.”

1 Samuweli 15:33

Samuweli a di mu embela, khuye: “Kha nga olu litshari lago li nga songetela sanana sa vanyamayi nya vangi, Olu mayi wago nuye, a na tshala nyambana uwe.” Samuweli a di dzegela gu mu songa mbeli ga Pfhumu Nungungulu, dhoropani ga Giligali.