Jeremiya 50:14 - Bhibhiliya Nya Guage

¹⁴ Dzi dongiseleni enu mwatshavbo mu ghwimbago wulaho; randrelani lidhoropa la Bhabhiloni mu dwane nalo, va hekheni khu sighalala mu nga va tsetsi, kholu va ghohede Pfhumu Nungungulu.

Jeremiya 50:14 Iomraidhean Croise

2 Samuweli 10:9

Avbo Jowabhi a nga wonago gukhuye, valala va mu khingide khu mbeli ni hwane, a di hatha vama nya dzindrena vbakari ga va na Israyeli gwatshavbo a hongola navo gu ya dwana ni Vaasiriya.

Dzindzimo 51:4

Nyi ghohede uwe, nyi ghohede uwe basi, nyi giride esi si nyenyezidego mahoni gwago, lisine lago u ganelago, gu lulamide gulamula gwago tshivba yago ya gu wonega khu gu lamula.

Isaya 13:4

Yingisani ligwaha li pwalago vbatshani nya sigomo, la gu fanana ni ligwaha nya gidzemo nya gingi, ligwaha nya mifumo nya mayigo ma tombanidego. Pfhumu Nungungulu nya Tshivba Yatshavbo, a nga gu simama gu rana masotshwa nya nyimbi.

Isaya 5:28

Siholoma sawe si na bani na si lodzidwe gwadi, malaho yawe yatshavbo, na ma khwandridwe; samba nya dzikavalu dzawe, sa gu fanana ni siwindri, ni marodha nya dzikareta dzawe, gukhwatshi gipupwane.

Jeremiya 46:9

Enu dzikavalu, kirigani! Enu dzikareta nya nyimbi thelani mazambo! Thangani mbeli enu dzindrena, enu vama Vaetiyopiya, ni enu va Pute, mu pharidego sitshangu, Validhiya, mu kodzago gu phara wulaho, mu khwandra siholoma.”

Jeremiya 49:14

Nyi pwide mahungu na ma guta khu ga Pfhumu Nungungulu; rumede mwango ga mayigo a ma embela, khuye: “Tshanganani, mu mu wugela, hongoleni hi ya mu dwanisa!”

Jeremiya 49:35

Pfhumu Nungungulu nya Tshivba Yatshavbo, a ngu ganela kharati, khuye: Wona, nyi na fanyeledzela wulaho wa Elamo, uwo a tiyago khuwo nyimbitunu.

Jeremiya 50:11

Ambari mwa gu tsakani, mu ghiya enu mu phangago thomba yangu mu ndragandraga kha nga gimombyana gi tsakelago mwasi nya gunyuge, mu emba kha nga dzikavalu nya tshivba.

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Jeremiya 50:42

na va dongide wulaho ni sighalala; na vari ni gigaha nyamba tsetsa muthu, ligwaha lawe li na fanana ni gudzuma nya linene, va na khilela dzikavalu va fola khu dhiliza gasi guta dwana nago, uwe lidhoropa la Bhabhiloni.

Jeremiya 50:7

Vatshavbo avo va va manago va gu va sasela; valala vawe na va gukhavo: Ethu hi mwalo nandru; kholu avo va ghohede Pfhumu Nungungulu gumogo ni wulanga nya wululamo, a gu Pfhumu Nungungulu, gitumbo gya vababe vawe.

Jeremiya 50:9

Kholu wonani nya gukhenu eni nyi na resela Bhabhiloni mitsawa ni sidzemo sa mayigoni nya makhongolo si tago khu Wuronga, va nata wumba gikwata va dwana naye kala va mu pala; matshari yawe, ma na fanana ni ya ndrena yi gengedego ni limwedo kha li na wuya mahala.

Jeremiya 51:2

Nyi na rumela va nya mayigo tigoni ga Bhabhiloni, vata mu vbevbera nga mungu wu vbuvbiswago khu phuvbo va ya thegela hwindzo ni litigo lawe, kholu va nata randredwa khavo khu maphuvbo yatshavbo khu litshigu nya tsayiso.

Jeremiya 51:27

Ghwimbani ngavbya mafuni, mu womba pundru vbakari nya mayigo, mu rana mayigo ma ya mu sasela; mu mu rambela mifumo ya Ararati, Mini ni Asikinazi! Mu hatha muthangeli nya nyimbi, mu rumela dzikavalu nya gutale, dzi mu fenengedza kha nga mwamba nya dzimbera.

Jeremiya 51:3

Mukhwandri nya giholoma, a nga digi gu khwandra siholoma saye, ni gu ambala gikhweso gyaye nya gu dzi vhikele, mu nga tsetsi madzaha yawe, mbembisani masotshwa yawe yatshavbo.

Habhakuka 2:17

Kholu dzihanyi u giredego Libhanoni dzi na gu thegela. U na thedwa hwanga khu sirengo u si songetedego. Kholu u vbaladzide novba nya wungi, u sasede mayigo, madhoropa ni vavbanyi vaye.

Habhakuka 2:8

Kholu uwe u phangide dzithomba nya mayigo nya mangi, vathu vatshavbo va tshadego va na gu phanga nuwe. Kholu, uwe u vbaladzide novba nya wungi ngudzu, u girela dzihanyi mayigo, ni madhoropa gumogo ni vavbanyi vakone.

Gutuledwa 17:5

Vbagiwombotunu gwaye gu di lovidwe lina nya sihalo gupwani: “Bhabhiloni nya Khongolo, Melegi nya sibhayi ni Guvivba ga tigoni.”

1 Samuweli 17:20

Dhavhidhe a di wuga ni mambagugya, a diga tshambi ni mumbe muhavisi, a di dzega mbuva a khuga a hongola, kha nga edzi a nga rumwago khidzo khu Jese. A di vboha khu gikhati gu nga bani masotshwa na ma dzi dongisela gu hongola nyimbitunu, ma hongola wulanga nya gudwanele avbo nyimbi.