Jeremiya 50:11 - Bhibhiliya Nya Guage

¹¹ Ambari mwa gu tsakani, mu ghiya enu mu phangago thomba yangu mu ndragandraga kha nga gimombyana gi tsakelago mwasi nya gunyuge, mu emba kha nga dzikavalu nya tshivba.

Jeremiya 50:11 Iomraidhean Croise

Dzindzimo 22:12

Nyi randredwe khu valala nya gutale, kha nga dzimombe nya tshivba dza tigoni ga Bhasani;

Mavingu 17:5

Uye a nyenyago gisiwana, a gu vala Muvangi waye, ni uye a tsakiswago khu gu wona vambe vari mhangoni, kha na vbuluga.

Isaya 47:6

Na nyi khuvegide ngudzu khu kota ya vathu vangu, nyi di nyenyezisa thomba yangu nyi yi ningela mandzani gwago. Aholu uwe gima khwa va pwela gisiro; ambari ni sikhosane u di si rwega mirwalo nya gulemele ngudzu.

Isaya 47:8

Gasi olu, yingisa esi, uwe u golago gu dzi tsakisa, uwe u dzi pwago na wu khalegide; uwe u alakanyago khu monyoni gwago, khuwe: “Eni kheni nyenga, mwalo mumbe. Gima kha nyi na khala noni ambari gu fedwa khu sanana sangu.”

Jeremiya 12:14

Khu mahungu ya vaakelane vangu vatshavbo nya guvivbedwe khu monyo, avo va nga phangago thomba yangu nyi nga tshiyelago vathu vangu va na Israyeli, Pfhumu Nungungulu a ngu ganela kharati, khuye: “Nyi na va dusa tigoni gwawe, ni linyumba la na Judha nyi na li dusa nilo vbakari gwawe.”

Jeremiya 46:20

Egipito, a gu fanana ni gimombyana nya wumburi, aholu, li nguta libhawa khu rongatunu li ta mu hodza.

Jeremiya 46:21

Masotshwa nya guthodwe vbakari gwaye, ma gu tsakisa nga simombyana nya gunone; ayo nayo, ma bwelede khu gu tutuma ma tandrega gu mu vhikela, kha ma tiya, kholu litshigu lawe nya gumbembiswe li vbohide, gumogo ni gikhati nya tsayiso wawe.

Jeremiya 5:28

Va enide, khu gu hodza gwadi, wuvivbi wawe wu vbindride pimo; kha va lamuli khu nongameto mahungu ya dzikhulungu; ambari gu vhikela fanelo nya sisiwana.

Jeremiya 5:8

va di fanana ni dzikavalu nya vamatune dzi nonidego, na dzi gu dogorela edzi nya migadzi, muthu ni muthu a emba khu gu dogorela mwangadzi wa muakelane waye.

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Jeremiya 50:27

Songani khu matshari dzimombe dzaye dzatshavbo ni dzindrena dzaye; vatshavbo va na yiswe gusongwatunu; libango avbo gwawe! Kholu li vbohide litshigu ni gikhati nya tsayiso wawe.

Gililo 1:21

Va ngupwa mahika yangu, aholu mwalo ni moyo a nyi tangadzisago. Valala vangu vatshavbo va gu ghiya khu gupwa guthega gwangu, va tsaka khiso U giridego. Aholu, Uwe Pfhumu vbiredza gu resa litshigu U li tumbisidego gasi vathu va tsayiswa navo nga eni. Tau

Ezekiyeli 35:15

Kha nga idzo u tsakidego khidzo khu gu pfhungumudwa ga Israyeli, nyi na gu gira nuwe kharato; uwe gigomo gya Seyiri gumogo ni Edhomi gwatshavbo, mu na pfhungumudwa, khavbo mu na dzitigo gukhenu eni kheni Pfhumu Nungungulu.

Ezekiyeli 36:5

Khu guralo, Mune Pfhumu Nungungulu, a ngu ganela kharati, khuye: Khu guvbisega nya monyo wangu, nyi ganede ga mayigo ma tshadego ni Edhomi watshavbo. Avo khu gutsaka ni guvivba nya myonyo yawe, va di wandra litigo langu, li khala thomba yawe, gasi va phanga mitshambi yawe.

Hoseya 10:11

Kholu Efrayimi, a diri gimombyana nya ngadzi nya gurule gi hevbudzidwego, gi nga bani gi tsakela guvbula tirigu; khu guralo, nyi mu thede kanga thamoni gwaye nya wumburi. Efrayimi a na ndrindra kareta, Judha a na lima, va na Jakobe va na hagula.

Amosi 4:1

Nga yingisani mahungu yaya, enu dzimombenu nya migadzi dza Bhasani, mu khadego gigomoni gya Samariya, mu tshanisago sisiwana ni gu khozisa avo va hamugago, mu embela vamune vawe, khenu: Resani wadwa, hi sele.

Obhadhiya 1:12

Gambe uwe u diri mwalo fanelo nya gutsake khu gu khevisela litshigu la ndriyago, litshigu ndriyago a thegedwego khu libango; ambari gu tsakiswa khu gu wona gumbembiswa ga va na Judha, ambari gu ganela khu matshandza avbo u nga mu wona na gu tshaniseka;

Habhakuka 1:15

Avo va gu ndrindra vathu vatshavbo khu gilowo, va va mola khu ligoga lawe, va va wungeledzela rangani gwawe, khu guralo, uye a gu tsaka ni gunengela.

Zakariya 14:12

Owu khuwo tungu a nga wu thumisago Pfhumu Nungungulu gasi gu bayisa khuwo mayigo yatshavbo ma nga wugelago Jerusalema; nyama yawe yi na hina na va nga gu vbanya; maho yawe ma na hina musikodoni gwawe, ni malimi yawe ma na hina maganani gwawe.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.