Jeremiya 50:1 - Bhibhiliya Nya Guage

¹ Aya khu magana Pfhumu Nungungulu a ma ganedego khu ga muprofeti Jeremiya mayelano khu Bhabhiloni ni litigo la Vakalidhiya a nga khuye:

Jeremiya 50:1 Iomraidhean Croise

Genesi 10:10

Phede khu gu fumela madhoropa yaya: Bhabheli, Ereki, Akade ni Kaline yatshavbo ya gipandrengulu gya Sinari.

Genesi 11:31

Khavbo avbo, Tera a di khuga khu Uri, a gu dzega mwanaye Abrahama gumogo ni gitugulwana gyaye Loti, gyanana gya Harani, ni ngadzamwane waye Sarayi, mwangadzi wa Abrahama, va gu hongola tigoni ga Khanani. Aholu na va vbohide dhoropani ga Harani, va di vbaha umo va gu khala.

Genesi 11:9

Khu guralo, lidhoropa lile li di ranwa gupwani Bhabheli, kholu khumo dhoropani momo Nungungulu a nga hambanisago maganelelo nya vathu a gu va phalalegisa ni litigo latshavbo.

2 Samuweli 23:2

Liphuvbo la Pfhumu Nungungulu li ganede khavbo gwangu, magana yaye momo lidimini gwangu.

2 Dzipfhumu 17:24

Mufumeli wa Asiriya a di resa vathu va Bhabhiloni, va Kuta, va Avha, va Hamati ni va Sefarivhayimi vata khala madhoropani ya Samariya, vbawulangani gwa va na Israyeli, va dzega Samariya a khala thomba yawe, va khala madhoropani gakone.

Joba 1:17

Nasi gu vbedzi gu ganela, gu dita mumbe ata, khuye: “Vakalidhiya, va dzude khu mitsawa miraru, vata phanga dzingameriya va hongola nadzo, va songa sithumi satshavbo khu litshari. Nyi di tshala eni nyenga basi, nyi gu reselago mwango.”

Isaya 14:4

mu na emba ndzimo yeyi nya gutsorodzele mufumeli wa Bhabhiloni, khenu: Mutshanisi thegede hayi! Ni dzihanyi dzaye dzi vbede kharini!

Isaya 23:13

Nga wonani litigo la Vakalidhiya, litigo li fuvisidwego li si manegi gambe. Vaasiriya, va li vbindrugedzide li khala wulanga nya sirengo sa giwulani, va vbahide makhokhola va bhiya khayo lidhoropa, aholu li mbembisidwe li khala marumbi.

Jeremiya 25:12

Khu guralo, Pfhumu Nungungulu a ngu ganela, khuye: Hwane nya gu bani gu vbede livbandre na mavili magumi myaga, nyi na tsayisa mufumeli wa Bhabhiloni khu kotani nya sighoho saye gumogo ni vathu vaye, kha nga gambe ni litigo nya Vakalidhiya nyi na li vbindrugedza li khala marumbi nyamba vbela.

Jeremiya 27:7

A na thumedwa khu vathu nya mayigo yatshavbo, uye, sanana saye gumogo ni situgulwana saye, kala gu vboha gikhati mayigo nya mangi ni mifumo nya yikhongolo yi na mu girago khumbi.

Dhaniyeli 1:1

Khu mwaga nya wuraru nya gufume ga Jowakimi, mufumeli wa Judha, Nabhukodhonosori, mufumeli wa Bhabhiloni, a dita dhumela lidhoropa la Jerusalema a li sasela.

Mithumo 7:4

Khavbo avbo, a di rura tigoni nya Vakalidhiya aya vbaha Arani. Hwane nya gu na fedwe khu babe waye, Nungungulu a di mu resa tigoni momu mu vbanyelago umo enu muhuno.

2 Pedro 1:21

Kholu, ma mwalo magana nya vaprofeti ma nga lowago khu gudzina nya muthu, aholu, vathu va di kutsedzedwa khu Liphuvbo nya Guage, va ganela Mahungu nya gute khu ga Nungungulu.

Gutuledwa 14:8

Yi di landrela yimbe ngilozi nya wuvili yi huwelela, khiyo: “Mbembide! Mbembide Bhabhiloni lidhoropa lile nya likhongolo! Uye a nga levisa mayigo yatshavbo khu vbinyu nya likhulo nya wubhemba waye.”