Jeremiya 5:9 - Bhibhiliya Nya Guage

⁹ Pfhumu Nungungulu a ngu wudzisa kharati, khuye: “Ina nyi ngu dzi kodza gumba tsayisa silo sesi, gani?” Ina kha nyi yeli gu dzi phodzela ga litigo nya nga eli, gani?

Jeremiya 5:9 Iomraidhean Croise

Mavingu 6:29

Khu kharato, muthu watshavbo a bhayago ni mwangadzi wa mumbe muthu, a na ni nandru, kha na vbuluga gu tsayiswa.

Isaya 1:24

Khu guralo, a ngu ganela Pfhumu Nungungulu nya Tshivba Yatshavbo, nya Dzitshivbe wa Israyeli, khuye: Wonani! Nyi na guhula likhulo langu vbatshani ga vale va nyi vengago, nyi na phodza ga valala vangu.

Isaya 57:6

Kholu vanungungulu vanu vomo umo nya siwindri nya gukwirige sa sitsongwanani; khiyo thomba yago; khiso u si phaselago khu vbinyu, ni gu si girela miphaselo khu wuguvbi; ina nyi na salalegiswa khiso isoso, gani?

Jeremiya 23:2

Khu guralo, Pfhumu Nungungulu wa Israyeli a ngu ganela kharati ga vahavisi va havisago vathu vangu, khuye: Mu phalalegiside dzinvuta mu dzi dzimedza mu si khathali khidzo; khu guralo, nyi na mi tsayisa khu kotani nya mithumo yanu nya guvivbe.

Jeremiya 32:31

Kholu gukhugela litshigu li phedwego gu vbahwa lidhoropa leli kala na muhuno, va nyi goroside va wusa likhulo langu nya likhongolo, khu guralo, Eni nyi na li dusa mbeli gwangu.

Jeremiya 44:22

Pfhumu Nungungulu garade khu gu timisela mithumo yanu nya guvivbe ni manyala yatshavbo mu nga bani mu gira; khu guralo, litigo lanu li sasedwe li khala marumbi, li khala gisamadziso ni givalo, nyamba khadwa khu muthu, kha nga mu si wonago muhuno.

Jeremiya 5:10

Litani mabhiyo yaye mu ma khungumula, aholu, mu nga ma pfhungumuleli muphelo; duselani matamo yaye, kholu ayo kha ma lumbi Pfhumu Nungungulu.

Jeremiya 5:29

Ina kha nyi yeli gu tsayisa silo sesi, gani? A ngu ganela Pfhumu Nungungulu; ina kha nyi yeli gu dzi phodzela ga vathu nya nga ava, gani?

Jeremiya 6:11

Khidzo kharato nyi tadego khu likhulo la Pfhumu Nungungulu; nyi garade kha nyi nga gu dzi kodza gu dzi phara. Nyi na li vbaladza likhulo lolo vbatshani ga sanana sawe si gimbilago dzindzilani numo nya mitshangano nya vathu vaphya; kholu vatshavbo mwama ni ngadzi va na modwa gumogo, vama nya vakhongolo ni avo va gumbidego, vatshavbo va na modwa.

Jeremiya 6:6

Kholu Pfhumu Nungungulu nya Tshivba Yatshavbo a ngu ganela, khuye: Pilani matamo nya misimbo yawe mu gira khayo laba nya gu bhiye Jerusalema. Kholu eli lidhoropa nya malipha, li tadego khu wukanganyisi.

Jeremiya 9:8

Malimi yawe sighalala si songago, khu kanani gwawe gu duga basi magana nya guvivbe; muthu ni muthu a gu dzi gira muthu nya gurule ga muthu kwawe, aholu khu monyoni gwaye a gu mu riyela milaphwi.

Jeremiya 9:9

Pfhumu Nungungulu a ngu ganela, khuye: “Ina kha nyi na va tsayisa khu kotani nya sihoso sesi, gani? Ina kha nyi na dzi phodzela ga litigo nya gufanane ni eli, gani?

Gililo 3:42

Hi gu ghohede, ni gumba gu yingisa, uwe Pfhumu, khu guralo khwa hi divalela. Samec

Gililo 4:22

Tsayiso wago uwe nyamahegyane wa Siyoni, wu vbohide mahegiso. Pfhumu Nungungulu kha na gu vbagela gambe uya wugumbitunu. Gasi uwe nyamahegyane wa Edhomi, Pfhumu a na gu tsayisa khu kotani nya sighoho sago, Uye a na funungula sighoho sago si wonwa khu vathu.

Ezekiyeli 7:9

Kha nyi na gu khedza khu maho nya gisiro, gambe kha nyi na gu tsetsa; nyi na gu bweledzela gukhedza khu mithumo yatshavbo nya guvivbe yi guromo vbakari gwago; u na dziti nya gukhuwe kheni, Pfhumu Nungungulu nyi gu tsayisago.

Hoseya 2:13

Nyi na fuvisa gutsaka gwaye gwatshavbo, ni mibuzo yaye, nya Gumege nya Ngima, nya dzisabhadho, ni yatshavbo mibuzo yaye.

Hoseya 8:13

Avo va gu gola gu ningela miphaso, va songa sirengo, va gola guhodza dzinyama dzakone, aholu Pfhumu Nungungulu kha salali khiyo. Kha na diga gualakanya wuvivbi wawe, a na va tsayisa khu sighoho sawe, avo va na bwelela tigoni ga Egipito.

Levhi 18:25

Litigo li dzi nyenyeziside; Eni nyi na tsayisa guvivba gwaye. Khu kotani nya ugo, litigo li na gosa vathu va vbahidego umo.

Levhi 26:25

Khu kotani nya gu hambaniseni gidzumeledzwano gyangu, nyi phodza khu gu mi rumela dzinyimbi; mwa gu tshanganani madhoropani gwanu, nyi na rumela vbakari gwanu mitungu, nyi na mi ningelani mandzani ga valala vanu.

Nahume 1:2

Pfhumu Nungungulu nya wufu ni gu dzi phodzela! Pfhumu Nungungulu a ngu dzi phodzela na tade khu likhulo! Pfhumu Nungungulu a ngu dzi phodzela ga avo va mu wugelago, na gu yeyedza likhulo laye ga valala vaye.

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.

Dhewuteronome 32:43

Nengelani enu mayigo, gumogo ni vathu vaye, kholu Pfhumu Nungungulu a na phodzela novba wa sithumi saye a na si phodzela vbatshani ga valala vaye, a na pwela wuhindzi litigo laye ni vathu vaye.