Jeremiya 5:8 - Bhibhiliya Nya Guage

⁸ va di fanana ni dzikavalu nya vamatune dzi nonidego, na dzi gu dogorela edzi nya migadzi, muthu ni muthu a emba khu gu dogorela mwangadzi wa muakelane waye.

Jeremiya 5:8 Iomraidhean Croise

Genesi 39:9

“Mwalo mumbe nya guvbindre eni ndrangani momu, gambe uye kha nyi himbedzeli gimbe gilo vbavbandze ga uwe basi, kholu uwe u mwangadzi waye. Nyi ngu dzi kodza kharini eni gu gira gihoso nya gikhongolo nya kharato, nyi ghohela Nungungulu, na?”

Joba 31:9

Monyo wangu wa gu bani wu dogorede ngadza vane; ni gu bani nyi holelede nyumbani ga muakelane wangu,

Ekisodha 20:14

U nga bhayi.

Ekisodha 20:17

U nga dogoreli nyumba ya muthu kwanu. U nga dogoreli mwangadzi wa muthu kwanu; mwendro githumi gyaye nya mwama mwendro nya nyamayi, ambari mombe yaye, mwendro buru yaye, mwendro gimbe gilo gi mu lumbago, u nga gi dogoreli.

Mavingu 6:29

Khu kharato, muthu watshavbo a bhayago ni mwangadzi wa mumbe muthu, a na ni nandru, kha na vbuluga gu tsayiswa.

Jeremiya 13:27

Nyi wonide wubhayi ni manavelo yago, wuphuphulu wago nya guvbindre pimo wa musigomoni ni magabini; libango avbo gwago, uwe Jerusalema! Kala lini u si kodzi gu dzi agisa?

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Jeremiya 29:23

kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.

Jeremiya 50:11

Ambari mwa gu tsakani, mu ghiya enu mu phangago thomba yangu mu ndragandraga kha nga gimombyana gi tsakelago mwasi nya gunyuge, mu emba kha nga dzikavalu nya tshivba.

Jeremiya 9:2

Nari pwani ga Nungungulu nya gu mana wulanga giwulani, gasi, nyi kodza gu hambana ni vathu vangu nyi ya khala hwindzo navo, kholu avo vatshavbo sibhayi, gambe tsawa nya vakanganyisi!

Ezekiyeli 22:11

Moyo nya avo a ngu bhaya ni mwangadzi wa muakelane waye, mumbe a gira guvivba ni ngadzamwane waye, vambe va gurumedza gu hengela malawu ni ndriyaye nya nyamahegyane, gyanana gya babe waye.

Dhewuteronome 5:18

U nga bhayi.

Dhewuteronome 5:21

U nga naveli mwangadzi wa muakelane wago, ambari gu navela nyumba ya muthu kwanu, ambari lithembwe laye, ambari githumi gyaye nya mwama mwendro nya nyamayi, ambari mombe yaye, ambari buru yaye, ambari ni gevbini gilo gi mu lumbago.