Jeremiya 5:7 - Bhibhiliya Nya Guage

⁷ Nyi na dzi kodza kharini gu gu divalela na nyi gu wona esi? Kholu sanana sago si nyi digide, va sambanya khu avo va gu siri vanungungulu; hwane nya gubani nyi mi ningide siningwa nya gutale, kha mwa tumbega, mu di tadzani migondro dzinyumbani nya maphuphulu mu ya tshangana iyoyo;

Jeremiya 5:7 Iomraidhean Croise

2 Dzikoronika 13:9

Kha mwa tutumisani vaphasi nya mhamba va Pfhumu Nungungulu, va na Aroni gumogo ni va na Levhi, gani? Kha mwa dzi girelani vambe vaphasi nya mhamba, kha nga vathu va mambe mayigo, gani? Ni wevbini muthu atago guta dzi agisa nari ni gimombyana, ni livbandre na dzimbili dzihamba, muthu yoyo a ngu kodza gu girwa muphasi nya mhamba ga esi si gu siri vanungungulu.

Joba 31:12

Sighoho sesi sa gu fanana ni nilo wu vbisago, kala wu mbembisa, gu dagarela ni thomba yangu yatshavbo.

Dzindzimo 50:18

Uwe wa gu wona mbafa wa gu ya hengela nayo u thangana wupari ni sibhayi.

Jeremiya 12:16

Va gu bani va hevbude dzindzila dza vathu vangu, gasi va sambanya khu lina langu, khavo: Khu Pfhumu Nungungulu a vbanyago; kha nga olu u hevbudzidego vathu vangu gu sambanya khu Bhahali, khu guralo, avo va na vbaha vbakari nya vathu vangu.

Jeremiya 13:27

Nyi wonide wubhayi ni manavelo yago, wuphuphulu wago nya guvbindre pimo wa musigomoni ni magabini; libango avbo gwago, uwe Jerusalema! Kala lini u si kodzi gu dzi agisa?

Jeremiya 16:11

U na va hakha kharati, khuwe: Pfhumu Nungungulu a ngu ganela kharati, khuye: Khu kotani ya vababe vanu va nyi digidego va landrela vambe vanungungulu nyamba phasa gilo, va va khozela ni gu va thumela, va noga mbeli gwawe, va hambaniside nayo wangu va nyi pfhurarela.

Jeremiya 16:20

Ina muthu a nga dzi kodza gu dzi girela vanungungulu, gani? Kholu avo khandri vanungungulu nya lisine!

Jeremiya 2:11

Ina lomo litigo li nga vbindrugedzago vanungungulu vawe, gani? Ambari vanungungulu vawe a gu siri vanungungulu nya lisine, gani? Aholu vathu vangu va digide wudhumo wawe, va khozela vanungungulu va si phasigo gilo.

Jeremiya 2:31

Enu melana yoyu! Yingisani magana ya Pfhumu Nungungulu. Ina kamwe eni nyi khade giwula ga va na Israyeli, gani? Mwendro litigo nya gidema nya guthise, gani? Khu ginani vathu vangu va gukhavo: Ethu hi tshulegide! Gima kha hi na bwelela gambe avbo gwago?

Jeremiya 23:10

Kholu litigo li tade khu wubhayi, gambe la gu lila khu kotani nya sighoho, wuhaviseloni gu bangide nyambana mwasi, sirengo kha si nga gu hodza gilo; vathu va gu tutumela gu gira silo nya guvivbe, va dzi gira dzindrena khu sighoho.

Jeremiya 3:19

Pfhumu Nungungulu a ngu ganela kharati, khuye: Eni nyi diri ni makungo nya gukheni nyi na gu sayisa kha nga idzo nyi sayisago khidzo sanana sangu, nyi gu ninga litigo nya ladi ngudzu, litigo nya gumbure ngudzu guvbindra mambe mayigo. Aholu eni nyi di pimisa, kheni: Mu na nyi rana khenu Baba, gima kha mu na ndreya gambe mu nyi diga.

Jeremiya 3:8

U mu wone Israyeli idzo nyi nga mu tutumisa khidzo khu kotani nya wuphuphulu a wu giridego, nyi mu ningide Mosi, khu kotani nya sighoho saye, nyi wonide gukheni ndriyaye Judha nyamba tumbega, a di gira nuye wuphuphulu nyamba thava gilo.

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Jeremiya 9:1

Nari gupwani hungo wangu wu di vbindrugedzide wu khala nambo nya mati, ni maho yangu ma khala gifefe nya marongo! Khavbo avbo, nyi di hadza gu lila wutshigu ni mihani khu kotani nya gusongwe ga nyamahegyane wa vathu vangu.

Jeremiya 9:2

Nari pwani ga Nungungulu nya gu mana wulanga giwulani, gasi, nyi kodza gu hambana ni vathu vangu nyi ya khala hwindzo navo, kholu avo vatshavbo sibhayi, gambe tsawa nya vakanganyisi!

Gililo 3:42

Hi gu ghohede, ni gumba gu yingisa, uwe Pfhumu, khu guralo khwa hi divalela. Samec

Ezekiyeli 22:11

Moyo nya avo a ngu bhaya ni mwangadzi wa muakelane waye, mumbe a gira guvivba ni ngadzamwane waye, vambe va gurumedza gu hengela malawu ni ndriyaye nya nyamahegyane, gyanana gya babe waye.

Hoseya 11:8

Nyi na dzi kodza kharini gu gu diga, uwe Efrayimi? Nyi na dzi kodza kharini gu gu ningela mandzani ga vambe, uwe Israyeli? Nyi na dzi kodza kharini gu mu gira kha idzo nyi nga girago khidzo lidhoropa la Adima? Gu mi girani nga idzo nyi giredego va Zebhoyimi? Khu ndrani nya monyo wangu gwa gu vila, nyi tala khu wuhindzi nyi gu pwela gisiro.

Hoseya 13:6

Avbo nyi nga bani nyi gu va hodzisa va khura, avo va di tsaka, avbo va nga bani va tsaka, myonyoni gwawe, gu di tala khu matshandza; khu guralo, va di divaledwa khu eni.

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

Hoseya 7:4

Vatshavbo sibhayi, va gu fanana ni gidhingiselo nya nilo, egi muvawuli nya mikati, a si dzi garadzigo khu gu endzedza, gukhugela avbo a sugago wuguvbi, kala avbo wu gugumugago.

Levhi 20:10

Mwama a gu bhaya ni mwangadzi wa mwama kwawe, mwama ni nyamayi vale va nga bhayana, khu wuvili wawe va na songwe.

Amosi 8:14

Vale va sambanyago khu nungungulu nya malipha wa Samariya, va ganela, khavo: “Hi ngu sambanya khu nungungulu wago, uwe Dhani; ni avo va gukhavo: Hi ngu sambanya khu ndzila yiyago Bherisebha! Vanungungulu wowo va na thega, nyamba wuga gambe.”

Sofoniya 1:5

Nyi na fuvisa ni avo va litago vbatshani nya dzilangwe, vaya khidzima gasi gu khozela sivangwa sa damboni; ni vale va nogago va sambanya khu lina la Pfhumu Nungungulu, aholu na va gu sambanya gambe khu lina la Malikani

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

1 Vakorinto 6:9

Ina mwa gu hangwa khu gukhenu va nya guvivbedwa khu monyo, gima kha va na nga hodza thomba nya Mufumo wa Nungungulu, gani? Mu nga dzi pembi! Va nya horo, va nya guphasa sithombe nya vanungungulu nya malipha, ni sibhayi, ni vama va dzi girago vanyamayi, va bhayana khu gyawe mwama ni mwama kwawe,

1 Vakorinto 8:4

Gasi khu mahungu nya guhodze dzinyama nya guphasedwe sithombe nya vanungungulu nya malipha, hi ngu dziti gukhethu sithombe nya vanungungulu nya malipha khandri vanungungulu tigoni. Kholu mwalo mumbe Nungungulu vbavbandze ga Nungungulu wamoyo basi.

Vagalatiya 4:8

Gale, na mu si gu muti Nungungulu, mu diri dzikhumbi nya gukhozele vanungungulu nya liphanga.

Dhewuteronome 32:15

Aholu Jakobe, a di ena a gugumugelana a tala khu mafura, aholu a di hambana ni Nungungulu a nga mu vangago, a wugela Giwindri nya guvbanyiswe gwaye.

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.

Josuwa 23:7

gasi mu si dzi tshanganisi ni mayigo yaya ma tshadego vbakari gwanu. Mu nga khumbugi malina ya vanungungulu vawe, ambari gu sambanya khavo, mu nga va thumeli ambari gu va khozela.