Jeremiya 5:31 - Bhibhiliya Nya Guage

³¹ Vaprofeti va di profeta malipha, ni vaphasi nya mhamba va di fuma khu gugola gwawe; gambe khiso si vbwetwago khu vathu vangu. Khu guralo, mu na rini litshigu gu na vbohago mahegiso nya silo sesi?

Jeremiya 5:31 Iomraidhean Croise

1 Dzipfhumu 22:6

Khavbo avbo, mufumeli a di tombanisa Vaprofeti, va nga bani vari mazana mana (400) vama, a va wudzisa, khuye: “Nyi ngu yela gu hongola nyi ya dwanisa Ramoti-Gileyadhi, mwendro nyi nga hongoli, gani?” Avo va di hakha, khavo: “Indra! Kholu Pfhumu Nungungulu a na ningela lidhoropa mandzani ga mufumeli.”

Mavingu 17:4

Muthu nya guvivbedwe khu monyo, a gu yingisa magana nya guvivbe, ni muthu nya malipha a gu yingisela magana nya milembo.

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 20:6

Khu litshigu lolo, vathu va vbanyago khu khisi-kheno nya yiphwa, va na ganela, khavo: “Nga wonani iso si giregidego ga vale hi nga bani hi va tumba avbo hi nga bani hi alakanya gu mana giphaso khu gu hi vhikela ni gu hi vbulugisa ga mufumeli wa Asiriya! Olu hi na dzi vbulugisa kharini?”

Isaya 33:14

Sighohi sa gigomoni gya Siyoni, si tade khu hwanga, va nya guvivbedwa khu monyo, va ngu ndrendremela, khavo: “Khu mani vbakari gwathu a na tiyago gu ema mbeli nya nilo nya mavbiselo yaya? Khu mani vbakari gwathu a na vbanyago malavbelavbeni nyamba tshimega, na?”

Isaya 43:27

Nyapandre wago ghohide, ni vathangeli vago va nyi wugede.

Isaya 47:7

U di ganela, khuwe: “Eni nyi na khala pfhumugadzi mafuni gwatshavbo kala gupindruga! Kala olu u di si pimisi gwadi silo sesi monyoni gwago, ambari gu dundruga mahegiso ga iso.”

Jeremiya 12:4

Kala lini litigo na liri ni gililo, ni gu banga mwasi wa marembweni gwatshavbo? Khu kotani nya guvivbe nya avo va vbanyago umo, gu ngu mbemba sirengo ni sinyoni; na va gukhavo: “Uye kha na wona mahegiso yathu.”

Jeremiya 14:14

Pfhumu Nungungulu a di nyi embela, khuye: “Vaprofeti va gu profeta malipha khu lina langu; khandri eni nyi va rumedego, ambari gu leletela ni gu va embela; va gu profeta avbo gwanu khu siwoniso nya malipha ni misihalo nya gu pfhadzwe khu guwegela nya myonyo yawe.”

Jeremiya 26:7

Vaphasi nya mhamba, vaprofeti ni vathu vatshavbo va dipwa magana yaya a nga bani na gu ganela Jeremiya Nyumbani ga Pfhumu Nungungulu.

Gililo 1:9

Dzingandzu dzaye dzi tade khu ndzilo. Aholu uye kha nga alakanya litshigu nya mahegiso; ni guthega gwaye gu samadziside, aholu kha nga mana ni moyo nya gu mu tangadzise. Wari khuye “Pfhumu Nungungulu, wona wusiwana wangu, kholu nala a ngu ghiya.” Yod

Gililo 2:14

Vaprofeti vago va gu kanganyiside khu siprofeto nya malipha ni wupumbu. Va tandregide gu gu tugudzisa sighoho sago, gasi u si yiswi wugumbitunu. Va gu tivisa basi silo nyambana fanelo; iso si nga gu hambanisago.

Gililo 4:13

Libango leli, li vangidwe khu sighoho sa vaprofeti ni sihoso sa vaphasi vawe nya mhamba, va gu avo va songidego vathu nya gululame, va vbaladza novba wawe dhoropani. Nuni

Gililo 4:18

Valala va gu demba ni migondro yathu gasi hi tandrega gu gimbila dzindzilani. Matshigu yathu, ma ngu hidzimela kholu, guvbanya gwathu gu ngu vboha mahegiso. Qof

Ezekiyeli 13:10

Kholu, va gu pengisa vathu vangu, va va embela, khavo: Gurude, narigu gu mwalo gurula. Vambe gu vbaha libhiyo khu maraga, vambe va gu li londra khu phembe li thega.

Ezekiyeli 13:6

Siwoniso sawe kha si phasi gilo, ni nyatumbatumbane wawe khwa malipha, avo va ganelago, khavo: Pfhumu Nungungulu ganede; narigu kha va rumedwa khu Pfhumu Nungungulu; khu guralo, va gu lindrela gukhavo magana yawe ma girege.

Ezekiyeli 22:14

Ina monyo wago wu na tiya, gani? Mandza yago ma na mana tshivba, ga matshigu eni nyi na guta gutsayisa, gani? Eni Pfhumu Nungungulu nya gu ganela, nyi na wuya nyi si gira.

Hoseya 4:9

Khu guralo, nyi na tsayisa vathu vangu, nyi gira kharato gambe ni vaphasi nya mhamba, khu kotani nya dzindzila dzawe, nyi na va ninga tshatshazelo nya mithumo yawe.

Hoseya 6:10

Nya gu wona silo nya dzitshoni tigoni ga Israyeli; vathu va Efrayimi va di gira wubhayi uwo wu nga nyenyezisa litigo latshavbo la Israyeli.

Hoseya 9:5

Ginani mu na girago matshiguni nya mikhuwo yi vegisidwego, ni matshigu nya buzo wa Pfhumu Nungungulu, na?

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Mikeya 2:6

Vaprofeti va di ganela, khavo: “Mu nga profeti;” avo va profetago, va nga profeti khu magirelo yoyo, kholu hi nga thegedwa khu libango.

Mikeya 3:11

Vathangeli vawe va gu lamula, va gu rwega milandru vathu khu gu rengeledwa, vaphasi vawe nya mhamba va gu hevbudza khu gu vbweta gu hakha, vaprofeti va gu profeta khu gu vbweta dzitsapawu, aholu va gu dzi seketela khu Pfhumu Nungungulu, khavo: Khu lisine Pfhumu Nungungulu mwalo vbakari gwathu. Li mwalo libango li na gu hi dugelelago.

Sofoniya 3:4

Vaprofeti vawe kha va phasi gilo, va mwalo githawo, vathu nya wundzundzwane; vaphasi vawe nya mhamba, va nyenyeziside wulanga nya miphaso, va wegedza nayo.

Dhewuteronome 32:20

A ganela, khuye: Nyi na va sihela khovbe yangu, nyi na wona khu mevbini mahegiso yawe, kholu avo melana nya guyeyise, a gu sanana nyamba tumbega.

Dhewuteronome 32:29

Naripwani avo va diri vathu nya guti, na va si pimide, va di hadza gu alakanya mahegiso yawe.