Jeremiya 5:3 - Bhibhiliya Nya Guage

³ Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Jeremiya 5:3 Iomraidhean Croise

Genesi 19:34

Khu mindru gakone, koma a di embela nandra waye, khuye: “Vbanova ni wutshigu eni nyi lade ni babe; hongole hi mu levise gambe gasi u hongole nuwe u ya lala naye wutshigu wa muhuno; khu magirelo yaya hi na wusa livelego la babe wathu.”

1 Dzipfhumu 13:33

Ambari khu hwane nya guwone silo sesi, Jerobhowamo kha nga diga ndzila yaye nya guvivbe, uye a di hatha vbakari nya vathu nya vanyalidede a va gira vaphasi nya mhamba va malangani nya sigomo, a hatha uye a mu golago gu khala muphasi nya mhamba wa malangani nya sigomo.

2 Dzipfhumu 1:13

Mufumeli a di rumela gambe khu nyondro nya wuraru mumbe muthangeli nya livbandre magumi ni livbandre magumi vama, avbo uye a nga ya khidzima mbeli ga Eliya a mu lomba, khuye: “Muthu wa Nungungulu, vbanyisa womi wangu, ni wa vathu vava nya sithumi sago nya livbandre magumi.

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

2 Dzikoronika 28:22

Ambari ulo a nga bani a gu vbanya gutshanisekani, Akazi a di simama gu ghohela Pfhumu Nungungulu.

Dzindzimo 51:6

Uwe u ngu gola muthu nya lisine monyoni gwaye, u ngu nyi hevbudza guti sihaloni nya hefemulo wangu.

Dzindzimo 51:8

Nyi gire nyipwa gunengela ni gutsaka, gasi ma nengele marambo yangu u ma fanyeledzedego.

Dzindzimo 55:20

Muthu yoyo a di khusa mandza a wugela avo va nga bani vari ni gurula naye; a nyenyezisa gidzumeledzwano gyaye.

Mavingu 21:29

Muthu nya guvivbedwe khu monyo, a gu khala na hungide giwombo, gasi muthu nya gululame a gu tiya mavbanyeloni gwaye.

Mavingu 22:12

Maho ya Pfhumu Nungungulu ma gu vhikela muthu nya mapimo, aholu a ngu ganedza magana ya mukanganyisi.

Mavingu 23:35

Gambe u na ganela, khuwe: Va nyi vetide aholu kha nyapwa guvbisa! Va nyi vetide aholu kha ga pwala; Nyi na wuga lini gasi nyi dusa bhabhalaza.

Mavingu 27:22

Gipumbu ambari gya hindzwa kununi nga mavbila, gima kha gi hambani ni wupumbu waye.

Isaya 26:11

Mandza yago ma khusegide, Pfhumu Nungungulu, ambari khu guralo, kha va ma woni! Va yeyedze nya gukhuwe u ngu khathalela vathu vago, gasi va khale dzitshoni; va na dagarele khu nilo u wu dongisedego valala vago.

Isaya 42:25

Khu guralo, uye a di vbaladza likhulo laye vbatshani gwawe, ni nyimbi nya guthise ni gu va fenengedza khu malavbelavbe nya nilo vbakari gwawe, ambari khu guralo, kha va si pima; va dagarede khuwo, aholu kha va khathala khu gilo.

Isaya 48:4

Kholu nyi di gu dziti gukheni u muganedzi, ni gukheni misivba ya thamoni gwago khya gikete, ni giwombo gyago gi bangide nga sugu.

Isaya 9:13

Aholu, vathu vava kha va bwelela ga wule a nga va vetago, ambari gu vbweta Pfhumu Nungungulu nya Tshivba Yatshavbo.

Jeremiya 15:7

Nyi va vbevberide khu gisavala dzinyangwani nya litigo, vathu vangu nyi va dzegede sanana sawe, nyi bwelo khavbo nyi va mbembisa; gambe kha va diga dzindzila dzawe nya guwegele.

Jeremiya 17:23

Aholu avo kha va nyi yingisa, va di bangisa mihungo, va si landrisi ni gu hakha gulaya gwangu.

Jeremiya 19:15

“Pfhumu Nungungulu nya Tshivba Yatshavbo, Nungungulu wa na Israyeli, a ngu ganela kharati, khuye: Wonani nya gukhenu nyi na resa libango dhoropani momu; ni sidhoropanani gwatshavbo ga Jerusalema ni mambe ya vbafuvbyana nyi mi tivisidego, kholu vathu va tigoni momu va bangiside mihungo yawe va si dzumeli gu yingisa magana yangu.”

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Jeremiya 3:3

Khu guralo, ndzadzi kha yiwi, ambari ni iyo nya nango kha yawa; aholu uwe u na ni khovbe nya wubhayi, u si khali dzitshoni.

Jeremiya 32:19

Uwe u khongolo khu dzindzila dzago nya gusamadzise, maho yago ma ngu wona gupima nya muthu ni muthu; gasi gu ninga tshatshazelo gukhedza khu mithumo yaye, gumogo ni handro nya mavbanyelo yaye.

Jeremiya 35:13

“Pfhumu nya Tshivba Yatshavbo, Nungungulu wa Israyeli, a ngu ganela kharati, khuye: Indra u ya embela va na Judha ni vatshavbo vavbanyi va Jerusalema, khuwe: Pfhumu Nungungulu a ngu ganela, khuye: Ina kamwe kha mu na dzumela gu hevbula, ni gu yingisa magana yangu, gani?

Jeremiya 44:10

Kala na muhuno mu si gu dzi layi, ambari gu yeyedza githawo ni gu landrisa nayo ni sileletelo nyi si vegidego mbeli gwanu ni ga vababe vanu.”

Jeremiya 7:26

Aholu kha mwa nga nyi yingisa, ambari gu nyi ninga githawo; mu di bangisa mihungo yanu, mu gira guvivba nya guvbindre ugo ga va vababe vanu.

Jeremiya 7:28

U na va embela esi, khuwe: Litigo leli, kha li yingisi lito la Pfhumu Nungungulu wawe, ambari gu dzumela gu kawukwa; lisine li fuvide myonyoni gwawe.

Jeremiya 8:5

Gasi khu ginani vathu vava va Jerusalema va simamago gu banga mihungo va dzi ndreyisa? Va simama ndzilani nya guwegele va si dzumeli gu wuya gambe!

Ezekiyeli 2:4

Ga vathu nyi na gu rumelago, va bangide mihungo ni guyeyisa. U na ya va embela, khuwe: Mune, Pfhumu Nungungulu, a ngu ganela kharati.

Ezekiyeli 24:13

Ndzilo yoyo khu mithumo yago nya gunyenyeze; eni nyi zamide gu gu agisa, aholu khwa dzina gu agiswa, uwe gima khu na agiswa gambe gunyenyeza gwago, na li si gu vbeli likhulo langu avbo gwago.

Dhaniyeli 9:13

Latshavbo libango leli, li dugelede kha nga gu lovidwego Nayo wa Mosi. Ambari khu guralo, kha ha vbindrugedza hi lomba wuhindzi ga Pfhumu Nungungulu wathu, khu gu diga sighoho sathu hi landrisa lisine lago.

Levhi 26:23

Ambari khu guralo, mwa gumba vbindrugedzani mu wuya gwangu, mu simama gu nyi pfurarelani,

Amosi 4:10

Nyi rumede tungu nya gufanane ni uwo nyi nga rumela Vagipiti. Nyi songa madzaha yanu khu litshari; dzikavalu dzanu dzi di phangwa. Nyi di tadza dzithonvuni gwanu khu gu nunga nya sirumbi nya mabutho yanu; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Amosi 4:11

Nyi mbembiside va nya gukari va vbakari gwanu, kha nga idzo Nungungulu a nga mbembisago khidzo Sodhoma ni Ghomora, aholu enu nyi mi vbulugisani kha nga khuni yi duswago niloni wu khondrago; ambari khu guralo, enu kha mwa vbindrugedzani mu wuya avbo gwangu, a ngu ganela Pfhumu Nungungulu.

Amosi 4:6

Khu guralo, enu nenu nyi mi guhide magwaha madhoropani gwanu gwatshavbo, ni malangani gwanu gwatshavbo gu mwalo guhodza. Ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Amosi 4:8

Va di legalega va khuga khu ga madhoropa mavili mwendro madhoropa mararu, va hongola ga limbe lidhoropa gasi guya sela mati, aholu kha va dzi kodza gu tshima lidora; ambari khu guralo, kha mwa vbindrugedzani mu wuya avbo gwangu, a ngu ganela Pfhumu Nungungulu.

Amosi 4:9

Nyi vetide marembwe yanu nya mangi khu nilo ni gipupwane, ni marembwe yanu nya miuvha, miguhu ni miolivha yanu, satshavbo si hodzidwe khu mbasa, ambari khu guralo, enu kha mwa vbindrugedza mu wuya avbo gwangu, a ngu ganela Pfhumu Nungungulu.

Sofoniya 3:7

Eni nyi di, kheni: Khu lisine, olu mu na nyi ninga githawo; mu dzumela gulaywa; khu kharato ndranga yanu ya sa mbembiswa, kha nga idzo nyi nga bani nyi na hungide khidzo, aholu avo va di vindrugela guwuga ni dzimindru va gu ghohetela sigiro sawe.

Varoma 2:2

Hi ngu dziti gwadi gukhethu Nungungulu kha hosisi a gu lamula a ninga nandru muthu a vbanyago khu mavbanyelo nya nga ayoyo.

Vahebheru 12:9

Vavelegi vathu nya giwuthu va di gu hi kawuka, ethu hi di va ninga githawo. Ina hi mwalo fanelo nya guyingele khu githawo ngudzu Babe wathu nya liphuvbo, gasi hi mane guvbanya, gani?