Jeremiya 5:24 - Bhibhiliya Nya Guage

²⁴ Kha va alakanya khu myonyoni gwawe, khavo: Hongoleni hi ninga githawo Pfhumu Nungungulu wathu, Uye gikhati nya guenele a hi wiselago ndzadzi nya nango nya gu yale ni gu vidzwa dzimbewu, a vegidego dzisemana nya guvbwere dzi gumba vbindra.

Jeremiya 5:24 Iomraidhean Croise

Genesi 8:22

“Gikhati gyatshavbo mafu ma na simamago na ma romo, guyala ni guhavela, guvbisa ni girame matshiga ni maronga, mihani ni wutshigu, gima kha si na fuva.”

1 Dzipfhumu 17:1

Khavbo avbo, Eliya wa Tesibe, a nga bani a vbanyela Gileyadhi, a di embela Akabi, khuye: “Nyi ngu sambanya khu Pfhumu Nungungulu wa Israyeli a vbanyago, oyu nyi mu thumelago, kheni: Khu matshigu yaya, gima kha ya nawa ndzadzi, ambari gu thega thondrwane eni nya gumba ganela gilo.”

Joba 29:23

Va di gu nyi lirela khwatshi nyi ndzadzi, va sela magana yangu kha nga uye a selago ndzadzi nya guhegule.

Joba 38:37

Khu mani a gu ni guti nya gu sayele mapfhi, ni gu vbaladza milamba nya mati ya ndzadzini;

Joba 5:10

Khuye a wisago ndzadzi mafuni, ni gu gogisa mati mahangeni;

Dzindzimo 147:8

Khuye a fenengedzago ndzadzini khu mapfhi, a wisago ndzadzi mafuni ni gu bugisa mwasi sigomoni;

Dzindzimo 65:9

U ngu khatalela litigo u li sayisa; u li rumela ndzadzi ni gu li velegisa mihandro; u ngu tadza mitsongo khu mati ni gu dandrisa sivbila, u ngu dongisela kharati wulime.

Isaya 64:7

Olu mwalo ni muthu moyo a lombelelago khu lina lago, gambe mwalo ni moyo a hidzimelago vbafuvbi gwago; kholu u ngu hi sihela khovbe yago, u ngu hi mbembisa khu kotani nya guvivbe gwathu.

Jeremiya 10:13

A gu khusa lito laye, mati ma gu dzumadzuma, ma khugega mapfhi khu mahegiso nya litigo; ma veta mabara, yiwa ndzadzi, gu duga phuvbo khu wulangani yi khalago.

Jeremiya 14:22

Ina womo nungungulu wa va nya mayigo a wisago ndzadzi, gani? Mwendro ndzadzini gu ngu kodza gwabune gu wisa ndzadzi, gani? Ina khandruwe basi u gu Pfhumu Nungungulu wathu, gani? Ha gu tumba uwe basi, kholu khuwe u girago silo satshavbo.

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 3:3

Khu guralo, ndzadzi kha yiwi, ambari ni iyo nya nango kha yawa; aholu uwe u na ni khovbe nya wubhayi, u si khali dzitshoni.

Jeremiya 5:22

Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Jeremiya 50:5

Va na wudzisa ndzila yi hongolago Siyoni, siwombo sawe si na thonona iyo; va na dzi tshanganisa ga Pfhumu Nungungulu ga gidzumeledzwano nya gupindruge, gi na gumba divadwa gambe.

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Hoseya 6:1

Deluni, hi wuye ga Pfhumu Nungungulu, kholu uye a hi bayiside, gambe a na hi vbanyisa, a hi thede silondra aholu a hi hungelela.

Joyele 2:23

Enu vathu va Siyoni, tsakani mu nengela ga Pfhumu Nungungulu wanu, kholu uye a na mi ninga muhevbudzi nya gululame ni gu wisa ndzadzi khu gikhati ni nango yi vbwetegago, khu ngima nya guhegule.

Amosi 4:7

Gu diga isoso, nyi mi segede ndzadzi yi siwi, na gu nga tshade migima miraru nya nango nya guvbwere. Nyi yi wisa ga lidhoropa limwedo, aholu ga limbe nyi si yi wisi. Nyi yi wisa ga lithembwe limwedo, aholu ga limbe yi nga ngamba mbawa, ilo li di banga.

Zakariya 10:1

Lombani ndzadzi ga Pfhumu Nungungulu gikhatini nya gilimo, kholu Uye khuye a girago mabara ni gulasa ni gu wisa dzindzadzi nya dzikhongolo, yi nonisa wulime, a ninga ga moyo ni moyo mihandro ya thembweni gwaye.

Matewu 5:45

Mwa gu gira kharato mu na khala sanana sa Babe wanu a guromo Ndzadzini. Kholu uye a ngu dugisa lidambo ga va nya gululama ni va nya guvivbedwa khu myonyo; a wisa ndzadzi ga va nya ndruda ni sighohi.

Mithumo 14:17

Kha diga gu dzi yeyedza khu wufakazi nya esi nya sadi a nga girago; a resa khu vbatshani ndzadzi, ndzinango nya dzimbewu, a gu mi khurisa, a tadza myonyo yanu khu gunengela.”

Dhewuteronome 28:12

Pfhumu Nungungulu a na gu tulela thomba yaye nya yadi, ndzadzini, a gu ninga ndzadzi tigoni gwago khu gikhati gyakone ni gu kategisa thumo watshavbo nya mandza yago; u na fuyarisa mayigo nya mangi, aholu uwe khu na fuyari gilo.

Jakobe 5:7

Khu guralo, vandriyangu, timiselani kala Pfhumu yi wuya. Wonani edzi mulimi a timiselago khidzo, kala lithembwe laye li ninga mihandro nya yadi. Uye a gu timisela, a gu virela ndzadzi nya guphele ni eyi nya guhegise.

Gutuledwa 11:6

Dzifakazi dzedzi dzi na ni tshivba nya gusege ndzadzi yi siwi ndrani nya matshigu yatshavbo nya wuprofeti wawe, ni tshivba gambe nya gu vbindrugedze mati ma gu khala novba, ni gu tsayisa litigo khu mafumbu yatshavbo nya mitungu.