Jeremiya 5:22 - Bhibhiliya Nya Guage

²² Pfhumu Nungungulu a ngu ganela, khuye: Ina kha mu nyi thavi, gani? Ina kha mu ndrendremeli mbeli gwangu, gani? Kholu kheni nyi nga girago vbingano nya linene khu mafu, vbingano nya gukala gupindruga nyamba ndragwa. Ambari ma gu khusega mavimbi yaye li dzuma linene kha wu na ndragwa.

Jeremiya 5:22 Iomraidhean Croise

Genesi 1:9

Nungungulu a di khuye: “Ma na patane dangamwedo mati ma guromo vbavbatshi nya ndzadzi, gu manege mafu nya gubange.” Gu di girega kharato.

1 Dzipfhumu 13:28

Khavbo avbo, uye a di hongola aya mana girumbi na gi di tshandzala vbakari nya ndzila, buru ni nghala na si emide vbafuvbi ni girumbi; nghala kha ya nga hodza mili nya muthu, ambari buru gu vbadzuledwa khu nghala.

Joba 26:10

Vegide vbingano vbatshani nya mati, kala tshanganoni nya wutshigu ni mihani.

Joba 37:24

Khidzo kharato, vathu va mu ningago githawo, gambe kha khathali khu vale va dzipwago na va gengede.”

Joba 38:8

Khu mani a nga bhiyago linene khu sigomo, gikhati li nga phusuga gukhwatshi la gu duga khu ndrani ga mayi waye.

Dzindzimo 104:9

U vegide vbingano gukhuwe mati ma nga wu vbindri, ayo gima kha ma na wuya ma fenengedza gambe litigo.

Dzindzimo 119:120

Mili wangu wu ngu ndrendremela mbeli gwago khu gu gu thava, khu kotani nya guthave milayo yago. Ain

Dzindzimo 33:7

Uye a di tshanganisa mati ya phwani ma khala gigomo a vega minondrwa mivbinganoni gwaye,

Dzindzimo 46:3

ambari la gu dzuma linene, ma duga liguvi mati yaye, si gu tsekatseka sigomo khu tshivba yaye.

Dzindzimo 99:1

Pfhumu Nungungulu a ngu fuma! Ma na ndrendremele mayigo. Khade vbatshani nya dzikerubhimi li ngu khuyuga litigo.

Mavingu 8:29

Gikhati a nga gira mivbingano nya linene gasi mati ma si ndragi sigomo; gikhati a nga tsitsa giseketelo nya mafu,

Isaya 50:2

Khu ginani avbo nyi dzudego gwanu, a ngamba manega ni moyo nya gute dzi wonegisa? Avbo nyi nga rana, mwalo a nga thana? Ina mwa gu pimisa gukhenu libogo langu li rode ngudzu nyamba kodza gu mi dzegisa, gani? Mwendro nyi mwalo gambe tshivba nya gu mi dwanele, gani? Wonani nya gukhenu khu tshivba yangu nyi ngu vbwisa yiphwa, nyi vbindrugedza mitsongo yi khala giwula, dzindzandzi dzifa, dzi nunga khu gu hamuga mati.

Isaya 64:2

Gufanana ni nilo gikhati wu thedwago dzikhuni nya gubange wu khondra, wu vilisa mati, gasi valala vago va kodza guti lina lago, kharati mayigo ma di hadza gu ndrendremela mbeli gwago!

Isaya 66:5

Yingisani magana ya Pfhumu Nungungulu enu mu mu thavago, enu mu ndrendremelago mbeli nya magana yaye. Vandriyanu va na mi nyenya va mi tutumisa, muya hwindzo khu kotani nya lihaladzo lanu khu lina langu, va ganela, khavo: “Pfhumu Nungungulu a na yeyedze wudhumo waye, gasi hi kodze gu wona gutsaka gwanu, vathu vovo va na thedwa dzitshoni.”

Jeremiya 10:7

U Mufumeli nya mayigo, khu mani a si yeligo gu gu ninga githawo? U fanede gu ningwa githawo; kholu vbakari ga va nya guti nya mayigo yatshavbo ni mifumo yawe yatshavbo, mwalo a fananago nago.

Jeremiya 2:19

U na tshaniseka khu kotani nya wuvivbi wago, u tsayiswa khu gumba tumbega gwago; khavbo avbo, u na wona ni gu dziti gukhuwe gu hambana ni Pfhumu Nungungulu wago, gilo nya guvivbe, gi pwisago wuvi; a ngu ganela Pfhumu Nungungulu nya Tshivba Yatshavbo.

Jeremiya 31:35

Pfhumu Nungungulu a ngu ganela kharati, khuye: Uye a rumago lidambo li wenengedza mihani, ngima ni dzinyeledzi si wenengedza wutshigu, a kutsungago mavimbi nya linene; lina laye khuye Pfhumu Nungungulu nya Tshivba Yatshavbo.

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Amosi 4:12

Khu guralo, nyi nga na gu gu tsayisa, uwe Israyeli! Kholu nyi na gu gira kharalo! Olu uwe Israyeli dzi dongisele, gasi u ta tshangana ni Nungungulu wago.

Amosi 9:6

Nungungulu khuye a vbahago dzinyumba dzaye vbatshani Ndzadzini, a thawuludza ndzadzi yi fenengedza mafu, khuye a ranago mati nya linene a ma guhula vbatshani nya mafu. Lina laye khuye Pfhumu Nungungulu.

Jona 1:16

Na va wonide esi, vama va di khozela Pfhumu Nungungulu khu githawo nya gikhongolo; va di mu girela miphaso ni gu gira sisambanyo.

Nahume 1:4

Uye a ngu kawuka linene, livbwa, a bangisa ni mitsongo yatshavbo; a vbedza tshivba Bhasani ni gigomoni gya Karimelo, a wunisa senge sa Libhanoni.

Matewu 10:28

Mu nga thavi avo va songago givili, na va si kodzi gu songa hefemulo. Thavani, uye a dzi kodzago gu rinya givili ni hefemulo phalani nya nilo.

Marko 4:39

Khavbo avbo, na wugide, a di kawuka phuvbo, a embela yiphwa, khuye: “Degula! Rula!” Phuvbo yi di dzegela gu degula, gu manega malenga nya makhongolo.

Luka 12:5

Nyi na mi yeyedza uye mu fanelago gu mu thava: Thavani wule a gu ni tshivba nya gusonge ni gu rinya phalani nya nilo. Oyu khuye nya gufanele gu mu thava.

Dhewuteronome 28:58

Wa gumba khathala khu gu landrisa magana yaya nya Nayo, ma lovidwego libhukuni momu, khu githawo ga lina nya wuzundzo ni wudhumo la Pfhumu Nungungulu wago,

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”