Jeremiya 5:21 - Bhibhiliya Nya Guage

²¹ “Olu yingisani esi enu vathunu nya mapemi ni gumbana mapimo, mu gu na ni maho, aholu mu si woni; ni dzindzeve gambe kha mu yingisi.”

Jeremiya 5:21 Iomraidhean Croise

Dzindzimo 94:8

Enu sipumbu pimisani gwadi, anenu maphuphulu, lini mu na gengelago?

Mavingu 17:16

Dza gu phasa ginani dzitsapawu gu manwa khu gipumbu gasi gurenga guti, na giri mwalo mapimo?

Isaya 27:11

Avbo ma na bangago matamo yaye, va na ma fanyeledzela, va ta vanyamayi va ta vasa khayo nilo va ma gira dzikhuni, kholu vathu vava khandri vathu nya mapimo, khu guralo, mugiri wawe kha na va pwela gisiro, ni muvangi wawe kha na va tsetselela.

Isaya 43:8

Wuyisani vathu va gu ni maho, aholu na vari sikhumu, ni avo va gu ni dzindzeve, aholu na vari sivbwiri.

Isaya 44:18

Vathu nya nga vovo, kha vati gilo ambari gu pima; kholu maho yawe ma tulegide, aholu kha ma woni, ni myonyo yawe, kha yi pimi gilo.

Jeremiya 10:8

Aholu vatshavbo va dhadhavade va vbindrugedza va khala sipumbu; kholu vanungungulu vawe va di girwa khu misimbo.

Jeremiya 4:22

Vathu vangu mapemi, olu kha va nyiti gambe; sanana nya sipumbu nyambana mapimo; va gu gengelela ngudzu gu gira guvivba, aholu va tandrega gu gira iso nya sadi.

Jeremiya 5:20

Tivisani isoso nyumbani ga Jakobe ni gu si pwadza nyumbani ga Judha, khenu:

Jeremiya 5:4

Aholu eni nyi di alakanya gukheni: Avo sisiwana basi; sipumbu, kha va yiti ndzila ya Pfhumu Nungungulu; niso si godwago khu Nungungulu wawe.

Jeremiya 6:10

Nyi na ganela ni gu fakaza ga mani gasi va kodza gu nyi yingisa? Wona nya gukhuwe dzindzeve dzawe dzi tshimegide, kha va yingisi; mahungu ya Pfhumu Nungungulu givalo avbo gwawe; kha va khathali khayo.

Jeremiya 7:13

Kha nga olu mu giridego silo satshavbo sesi, a ngu ganela Pfhumu Nungungulu, khuye: Dzinyondro nya dzingi na nyi gu mi kawukani, mu tshikani dzindzeve mu si nyi yingisi, nyi mi ranide mu si nyi hakhi,

Jeremiya 8:7

Ambari lisekwa, khu damboni, li ngu dziti dzinango dzaye dzi vegisidwego; lituva, ndrewulewu ni pfhokwane si ngu dziti dzinango dzawe nya gurure; aholu vathu vangu kha va guti gulamula ga Pfhumu Nungungulu.

Ezekiyeli 12:2

“Mwamana wa muthu, uwe wa gu vbanya vbakari nya vathu nya gukanyise, avo va na ni maho gasi gu wona, aholu kha va woni; ni dzindzeve gasi gupwa, aholu kha vapwi, khu guralo, vathu nya gukanyise.

Hoseya 7:11

Kholu Efrayimi a gu fanana ni lituva nya lipemi, li kanganyiswago khu gumbana mapimo; a gu lomba Vagipite vaya mu phasa, a gu dzina a wuya ga Vaasiriya.

Zakariya 7:11

Aholu, avo kha va dzina gu nyi yingisa, va di hatha gu nyi pfhurarela, va nyi wugela, va tshika dzindzeve dzawe gasi va sipwi magana yangu.

Marko 4:12

gasi: Va khedzisa va wona, aholu va si woni gilo; va yingisa, aholu va si si mani; kholu, va nga vbindrugedza mavbanyelo va gu tsetseledwa sighoho sawe.

Marko 8:18

Khu ginani mu si woni na muri ni maho, mu sipwi, na muri ni dzindzeve? Ina kha mu alakanyi gilo,

Johane 12:40

“A di va sega maho, a gu bangisa myonyo yawe, gasi va si woni khu maho, ni gumba pima khu myonyo yawe, gufela gu va si vbindrugedzi mavbanyelo, nyi va vbanyisa.”

Mithumo 28:26

na gu thula vababe vanu, khuye: ‘Indra tivisa silo sesi ga vathu vovo, khuwe: Ambari na mu pwide nya gu wani, gima kha mu na si mana, Ambari na mu wonide nya gu wani, gima kha mu na wona gilo

Varoma 1:20

Kholu, makhalelo nyamba wonega ya Nungungulu, tshivba yaye nya gupindruge ni tumbunugo nya wu Nungungulu waye, si ngu wonegiswa gwadi gukhugela gu vangwa nya mafu, khu sigiro saye a si giridego. Khu kharato, va mwalo guditshedzwa.

Varoma 11:8

kha nga gu lovidwego umo nya Milowo nya Guage, pwani: “Nungungulu a di va gira va si theli kota; a va ninga maho nyamba wona, ni dzindzeve nyamba pwa, kala matshigu ya muhuno.”

Dhewuteronome 29:3

Khu guralo, kala na muhuno Pfhumu Nungungulu a di si gu mi ningi monyo nya gu si pime, maho nya gu si wone, ambari dzindzeve nya gu si yingise.

Dhewuteronome 29:4

Eni nyi mi gimbidziside gipimo nya magumana myaga giwulani, aholu guambala gwanu mu nga bani mu ambala kha gwa kuwuluga ni silato sa migondroni gwanu kha sa hagala.

Dhewuteronome 32:6

Ina khidzo kharati, mu bongago khidzo Pfhumu Nungungulu, enu vathu nya sipumbu, nya guhandruge, gani? Gasi khandruye babe wago, ni muvangi wago, gani? Khuye a gu wumbidego a wuya a gu tiyisa!