Jeremiya 5:17 - Bhibhiliya Nya Guage

¹⁷ Va nata hodza dzimbewu dzago ni guhodza gwago, va hodza madzaha yago ni dzimbiri dzago; va na hodza dzinvuta ni dzimombe dzago; va na ghohetela gambe marembwe yanu nya mikandzu nayo nya miuvha; va khungumulela khu matshari madhoropa yago nya makhokhola u ma tumbago.

Jeremiya 5:17 Iomraidhean Croise

Isaya 62:8

Pfhumu Nungungulu sambanyide khu gyandza gyaye gya nyamudye ni libogo laye nya tshivba, khuye: “Gima kha nyi na ningela gambe tirigu yago yi khala guhodza ga valala vago, ambari va nya mayigo gu va sela wadwa wago, a gu handro nya lithonga lago.

Isaya 62:9

Aholu, avo va vbwerago tirigu, va na hodza na va bonga Pfhumu Nungungulu; ni avo va havelago dziuvha, va na sela wadwa makupakupani nya nyumba yangu nya guage.”

Isaya 65:22

Kha va na vbaha gambe dzinyumba dzi ta khadwa khu vambe vathu; kha va na yala gasi gu vambe va hodza. Kholu, vathu vangu va na vbanya myaga nya gulaphe kha nga misimbo, sihathwa sangu si na hodza satshavbo nya thumo nya mandza yawe.

Jeremiya 1:15

Khu guralo, nyi na ramba mahundzu yatshavbo nya mifumo ya Wuronga, a ngu ganela Pfhumu Nungungulu. Mufumo ni mufumo a nata vega gikhalo gyaye nya wufumu dzinyangwani ga Jerusalema, gasi gu wugela mabhiyo ma bhiyidego madhoropa yatshavbo ya Judha.

Jeremiya 25:37

Mikova nya gunyuge nya wuhaviselo yi na sasedwa khu gu gugumuga nya likhulo la Pfhumu Nungungulu.

Jeremiya 4:26

Nyi di wona litigo nya gunone li vbindrugedza li khala giwula, madhoropa yaye yatshavbo ma di pfhungumudwe mbeli ga Pfhumu Nungungulu, khu kotani nya likhulo laye.

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 5:18

Ambari khu kharato, Pfhumu Nungungulu a ngu ganela, khuye: “Khu matshigu yoyo kha nyi na mu mbembisa muphelo.”

Jeremiya 50:17

Israyeli a gu fanana ni nvuta yi dzimedego, yi sotwago khu dzinghala; nya guphele gu mu songa khu mufumeli wa Asiriya; khu guhegisa, Nabhukodhonosori, mufumeli wa Bhabhiloni, a di mu fanyeledzela marambo.

Jeremiya 50:7

Vatshavbo avo va va manago va gu va sasela; valala vawe na va gukhavo: Ethu hi mwalo nandru; kholu avo va ghohede Pfhumu Nungungulu gumogo ni wulanga nya wululamo, a gu Pfhumu Nungungulu, gitumbo gya vababe vawe.

Jeremiya 8:13

“Nyi na va vbiyela havo bhi.” A ngu ganela Pfhumu Nungungulu. Kha gu na tshala likandzu vbatshani nya kandzu, ambari lidimwa dimwani ni mahagane ma na wu na; olu nyi rumede avo va na gu ya va sasela.

Jeremiya 8:16

Gukhugela Dhani gu pwala ligwaha nya dzikavalu; litigo latshavbo li ngu tsekatseka khu kotani nya lito lawe; va nguta vata mbembisa litigo ni satshavbo si guromo umomo, lidhoropa gumogo ni vatshavbo va vbanyago umo.

Gililo 2:12

Sanana sa gu lila ga vamayi vawe, khiso: Gomo hayi guhodza ni mati? Va gira isoso na va gu titivala dzindzilani nya lidhoropa gukhwatshi vathu va bayisidwego na va hadza gufa na va gu ningela mihefemulo yawe na vari mandzani ga vamayi vawe. Mem

Gililo 2:2

Pfhumu kha gira gisiro khu dzinyumba dzatshavbo dza Jakobe. Khu kotani nya likhulo laye, khungumude makhokhola ya nyamahegyane wa Judha, a ma thesa vbavbatshi; a poyila mifumo ni manganagana aye. Guimel

Ezekiyeli 36:4

Khu guralo, yingisani enu sigomo sa Israyeli, magana ya Mune Pfhumu Nungungulu; Mune Pfhumu Nungungulu, a ngu ganela kharati ga sigomo ni ga sigomwana, ga mitsongo ni ga mikova, ga malanga nya siwula nya guthise, ni madhoropa yakone ma phangidwego ma khala marumbi, ma vbindrugedzidego ma khala givalo ni gihegiso ga mayigo ma tshadego ya vaakelane.

Hoseya 2:12

Nyi na mu thela dzitshoni mbeli ga sibhayi saye; mwalo a na gu mu vbulugisa mandzani gwangu.

Hoseya 8:14

Kholu Israyeli divaledwe khu Muvangi waye, a dzi vbahela dzinyumba nya dzikhongolo nya wufumu, Judha, a di engedzela madhoropa nya makhokhola; aholu eni nyi na rumela nilo madhoropani gwawe wu ya dagaredzisa dzinyumba dzawe dzatshavbo nya wufumu.”

Joyele 2:3

Mbeli gwawe gu thangide nilo nya gumbembise; khu hwane gwawe gu wonega malavbelavbe nya nilo; mbeli gwawe mafu ma gu fanana ni lithembwe la Edheni, aholu khu hwane gwawe gu di fanana ni giwula nya gihala; mwalo a na vbulugago.

Levhi 26:16

eni nyi na mi girani esi: Nyi na mi rumela sigaradzo nya guthise, gikhohola ni gindrendrewane, si ta mi vbedza tshivba maho yanu ni womi wanu; mu na lima mu yala mahala dzimbewu dzanu, dzi ta hodzwa khu valala vanu.

Sofoniya 3:6

Nyi mbembiside mayigo, nyi thesela vbavbatshi makhokhola yawe, nyi vbindrugedzide dzindzila dzawe dzi khala giwula. Avbo nya gu, ni muthu a si vbindri khumo; madhoropa yawe ma khungumuledwe, kala a si manegi ni muthu a vbanyago umo.

Malakiya 1:4

Ambari Edhomi a gukhuye: Litigo lathu li pfhungumudwe, aholu ethu hi na vbahedza marumbi; khu guralo, Pfhumu Nungungulu nya Tshivba Yatshavbo a ngu ganela kharati, khuye: Avo va na vbahedza, aholu eni nyi na ma khungumula; ambari Edhomi a gukhuye va na li rana litigo nyambana gukhodwa. Litigo lile Pfhumu Nungungulu a gorogidego khilo gikhati gyatshavbo.

Dhewuteronome 28:33

Mihandro ya mahangeni gwago, ni thumo wa mandzani gwago, si na hodzwa khu vathu u gumba vati; uwe u na tshaniswa ni gu tshonigiswa matshigu yatshavbo;