Jeremiya 5:1 - Bhibhiliya Nya Guage

¹ Dzundrulugelani dzindzilani gwatshavbo ga Jerusalema, mu khedzani mitendrelani mu ta nyi embela mwendro saye mu na mana muthu moyo basi a tsakelago gululama ni gu gira ugo a gu lisine. Khavbo avbo, eni nyi na tsetselela Jerusalema.

Jeremiya 5:1 Iomraidhean Croise

1 Dzipfhumu 19:10

Uye a di hakha, khuye: “Nya guvbisega khu gu khathalela ngudzu Pfhumu Nungungulu nya Tshivba Yatshavbo, kholu sanana sa Israyeli, si digide gidzumeledzwano gyago, si khungumude siluvelo sago, va songetede vaprofeti vago khu litshari; kheni nyenga basi nyi vbulugidego, aholu eni neni va ngu nyi piga, va vbweta gu nyi songa.”

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

Dzindzimo 12:1

Nyi vbanyise Pfhumu Nungungulu, kholu, vathu nya gululame va vbede, gutumbega gu mwalo gambe vbakari nya vathu.

Dzindzimo 14:2

Pfhumu Nungungulu a di noga a khedzisa khu ndzadzini, a wona sanana nya vathu, khuye a na mana moyo nya wadi, mwendro moyo a vbwetago Nungungulu.

Dzindzimo 14:3

Aholu, vatshavbo va pengide, va lamade; mwalo na moyo a girago nya sadi, mwalo ni moyo basi.

Dzindzimo 94:16

Khu mani a na khugago a nyi emela ga va nya guvivba ni sighevenga? Ni gu nyi phasa mandzani ga sighohi?

Mavingu 20:6

Vathu nya vangi va gu dzi zundza gukhavo khavo nya vadi, aholu khu mani a na manago muthu nya gutumbege?

Mavingu 23:23

Renga lisine, u nga li rengisi; renga guti, sihevbulo ni mapimo.

Mavingu 8:3

gwa gu ema khu dzindzilani ni dzinyangwani nya lidhoropa gu laledza khugo:

Gizimba 3:2

Olu nyi na wuga nyi dzundrulugela ni lidhoropa, nyi gimbila mudzindzilani ni malangani nya mitshangano; nyi vbweta wule a godwago khu hefemulo wangu; Nyi mu vbwetide, aholu kha nya mu mana.

Isaya 59:4

Mwalo a ganelago gululama, mwa gu lamudwa mwalo a ganelago lisine, mwa gu dzi emisela ga iso nyamba sadi mu ganela malipha. Mwa gu khura mimba khu wuvivbi mu velega gighoho.

Jeremiya 2:29

Khu ginani mu phikhizanago ni eni? Enu mwatshavbo mu nyi digide a ngu ganela Pfhumu Nungungulu.

Jeremiya 44:15

Khavbo avbo, vama vatshavbo va nga bani va dziti nya gukhavo vagadzi vawe va ngu vbisela libani vambe vanungungulu, ni vanyamayi vatshavbo va nga bani varomo vbale, ni gidzemo gyatshavbo nya vathu va nga bani va vbanya tigoni ga Egipito, gipandre gya Patrosi, va di phindrula Jeremiya, khavo:

Jeremiya 8:6

Nyi va yingiside gwadi; gambe kha va ganeli lisine, kha nyapwa ni moyo a nga dzi laya khu sighoho a giridego, a ganela, khuye: “Gasi ginani nyi nga ghoha?” Moyo ni moyo a gu ndreya a tutuma kha nga dzikavalu dziyago nyimbitunu.

Jeremiya 9:2

Nari pwani ga Nungungulu nya gu mana wulanga giwulani, gasi, nyi kodza gu hambana ni vathu vangu nyi ya khala hwindzo navo, kholu avo vatshavbo sibhayi, gambe tsawa nya vakanganyisi!

Jeremiya 9:7

Khu guralo, Pfhumu Nungungulu nya Tshivba Yatshavbo, a ngu ganela kharati, khuye: “Wonani, nyi na va nyiviligisa niloni gasi gu va linga; kholu ma mwalo mambe magirelo nyi yelago gu gira khu kotani ya nyamahegyane wa vathu vangu?”

Ezekiyeli 22:30

“Nyi vbwetide vbakari gwawe mwama moyo a nga vbahago mabhiyo, a nga emago a tiya mbeli gwangu a vhikela litigo leli, gasi nyi si li khungumuli, aholu kha nya mana ni moyo.

Ezekiyeli 9:9

Uye a di nyi hakha, khuye: “Guvivba ga va na Israyeli ni ga va na Judha, gukhongolo ngudzu; litigo li tade khu novba wu vbaladzidwego, ni lidhoropa li tade khu wudambane. Avo va gu ganela, khavo: Pfhumu Nungungulu dugide tigoni momu; kha hi woni.

Dhaniyeli 12:4

Aholu uwe Dhaniyeli sega mahungu yaya u ma lema libhukuni kala gikhati nya mahegiso. Nya vangi va na dzundrulugela eno ni eno, va vbweta guti nya guete.

Joyele 2:9

Va gu vbindra khu madhoropani; va tutumatutuma vbatshani nya mabhiyo, va lita dzinyumbani, va bela khu sihogo nga mbafa.

Amosi 8:12

Va na legalega khu linene vaya ga limbe linene, gukhugela Wuronga kala Khugadambo; va na gimbila maphuvbo yatshavbo, na va guvbweta mahungu ya Pfhumu Nungungulu, aholu kha va na ma mana.

Zakariya 2:4

yi ya yi embela, khiyo: “Tutuma u ya embela lidzaha lile, khuwe: Jerusalema gu na khala kha nga mitalala nyambana mabhiyo khu kotani nya talo nya vathu vaye ni sifuyo saye nya singi.

Luka 14:21

Githumi gi di bwelela giya tivisa esi ga mune ndranga. Khavbo avbo, mune ndranga a di goroga, a gu embela githumi gyaye, khuye: ‘Indra, olu kamwe, dhoropani gwatshavbo, u gimbila u rana avo u na va manago mu dzindzilani: Sisiwana, silima, sikhumu ni sikhurubwa.’

2 Vatesalonika 2:10

A na thumisa guvbanya gwatshavbo nya guvivbe, gasi gu kanganyisa ava va dzimedego, va na gumba dzumela gu hakha lisine li nga vbweta gu va vbanyisa.