Jeremiya 49:39 - Bhibhiliya Nya Guage

³⁹ “Khu matshigu nya guhegise, nyi na wuyisa vale va vbagedwego va Elamo, a ngu ganela Pfhumu Nungungulu.”

Jeremiya 49:39 Iomraidhean Croise

Joba 42:10

Khavbo avbo, Pfhumu Nungungulu a di tshudzisa Joba, gikhati uye a nga bani a gu lombelela khu dzipari dzaye; Pfhumu Nungungulu a di mu bweledzela khu nyondro mbili ga satshavbo esi a nga bani nari naso.

Isaya 2:2

Khu matshigu nya guhegise, gigomo gegi, yi vbahedwego avbo Nyumba ya Pfhumu Nungungulu, gi na tiyiswa vbatshani nya sigomo, gi khusedzwa vbatshani nya sigomwana, mafumbo yatshavbo nya mayigo ma na khirimelana guya iyoyo.

Jeremiya 12:15

Aholu, khu hwane nya gu bani nyi va duside, nyi na bwelo khavbo nyi va pwela wusiwana, nyi na va bweledza moyo ni moyo thombani gwaye, muthu ni muthu a bwelela tigoni gwaye.

Jeremiya 48:47

Pfhumu Nungungulu a ngu ganela, khuye: Khu guhegisani, nyi na wuyisa vatshavbo va vbagedwego va na Mowabhi. Ogu khu gu hegisa nya gulamudwe ga Mowabhi.

Jeremiya 49:38

Nyi na emisa gikhalo gyangu nya wufumu tigoni gwa Elamo; nyi rumela gu songwa mufumeli gumogo ni vathangeli waye, a ngu ganela Pfhumu Nungungulu.

Jeremiya 49:6

Aholu, khu hwane nya esi, nyi na wuyisa sanana sa Amoni, si yisidwego wugumbitunu, a ngu ganela Pfhumu Nungungulu.

Ezekiyeli 29:14

Nyi na wuyisa Vagipiti vale va nga bani va romo wugumbini, va wuya tigoni ga Patrusi, tigoni gwawe nya mavelego; avbo va naya wumbago mufumo nyambana tshivba.

Ezekiyeli 38:16

U na hongola u ya sasela vathu vangu va na Israyeli, kha nga lipfhi li fenengedzago litigo. Khu matshigu nya guhegise nyi na gu rumela guya dhumela litigo langu, gasi mayigo ma nyiti, gikhati nyi na gu dzi agisago khavbo gwago, uwe Gogi.

Ezekiyeli 39:25

Khu guralo, Mune Pfhumu Nungungulu, a ngu ganela kharati, khuye: “Olu, nyi na bweledza va na Jakobe khu wugumbitunu; nyi bwelo khavbo nyi pwela gisiro va na Israyeli vatshavbo; nyi na khathalela lina langu nya guage.

Dhaniyeli 10:14

Olu nyi dzude guta gu tivisa iso si na gu giregago ga vathu vago khu matshigu nya guhegise, kholu giwoniso gya gu ganela khu silo si ngarigo hwindzo ni gu girega.”

Dhaniyeli 2:28

Aholu womo Nungungulu moyo ndzadzini a tugulago misihalo; uye a pwadzede mufumeli Nabhukodhonosori, iso si na gu mu dugelelago matshiguni yaye nya guhegise. Ndroro yago ni siwoniso sa vbadawutunu gwago khesi:

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Amosi 9:14

Nyi na wuyisa vathu vangu va na Israyeli khu wugumbitunu, va ta vbahedza marumbi nya madhoropa yawe, va khala umo. Va na yala miuvha, va sela vhinya yaye, va yala misimbo, va hodza mihandro yakone.

Mikeya 4:1

Aholu, khu matshigu nya guhegise, gu na wonega gigomoni momu nya Nyumba ya Pfhumu Nungungulu, gi na khusedzwa vbatshani nya sigomo satshavbo, gi lapha guvbindra sigomwana satshavbo, mafumbu yatshavbo ya mafuni ma na tutumela iyoyo.