Jeremiya 49:36 - Bhibhiliya Nya Guage

³⁶ Khu dzikhona dza dzina dza damboni nyi na rumela Elamo dziphuvbo dzina, nyi na va phalalegisa ga maphuvbo yatshavbo yoyo; gu mwalo litigo gu na gumba bela valuveli.

Jeremiya 49:36 Iomraidhean Croise

Dzindzimo 147:2

Pfhumu Nungungulu a ngu wusa Jerusalema, a gu tshanganisa avo va phalalegidego va Israyeli.

Isaya 11:12

A na khusedza ngavbya vbakari nya mayigo, a tombanisa avo va nga vbagedwago va Israyeli, a wuyisela avo va nga phalalegago va Judha, gukhugela dzikhonani dzatshavbo dza dzina nya litigo.

Isaya 27:13

Khilo litshigu lile gu na wombwago pundru nya wukhongolo, avo va nga bani va dzimede tigoni ga Asiriya, ni vale va nga bani va vbagedwe va yiswa tigoni ga Egipito, va na wuya va ta khozela Pfhumu Nungungulu, gigomoni nya gukatege gya Jerusalema.

Isaya 56:8

A ngu ganela kharati Mune, Pfhumu Nungungulu oyu a tombanisago vatshavbo va nga bani va dusidwe tigoni ga Israyeli, wari khuye: “Vbavbandze ga vale va tombanisidwego, nyi nga na gu tombanisa vambe.”

Jeremiya 30:17

Kholu nyi na wusedza womi wago ni gu hawulugisa dzimbanga dzago, a ngu ganela Pfhumu Nungungulu; khu guralo, va na gu riya lina nya gupwani, muhudwa na va gu ganela, khavo: Siyoni kha khathaledwi gambe khu muthu.”

Jeremiya 49:32

Phangani dzingameriya dzawe ni mitshambi yawe nya gutale; vathu vava nya guvidwe lihandla nyi na va phalalegisa malangani gwatshavbo, va na mana gutshaniseka, nyi na va resela dzimhango khu maphuvbo yatshavbo, a ngu ganela Pfhumu Nungungulu.

Ezekiyeli 5:10

Khu guralo, vbakari gwago, vavelegi va na hodza sanana sawe, ni sanana niso, si na hodza vavelegi vawe; nyi na gu tsayisa, nyi phalalegisa mitshaledwa yago khu maphuvbo yatshavbo.

Ezekiyeli 5:12

Gipandre nya wuraru nya vathu vago gi nafa khu mitungu mwendro ndzala vbakari gwago; gipandre nya wuraru va na songwa khu matshari vbavbandze nya lidhoropa, ni gipandre nya wuraru nyi na va phalalegisa khu maphuvbo yatshavbo ni gu va lundra na nyiri ni litshari mandzani.

Dhaniyeli 11:4

Gambe avbo a na gu dzipwago na tiyide gwadi, mufumo waye wu na pfhungumudwa wu kabaniswa khu sipandre sina sa ndzadzini. Kha wu na thaphela ga situgulwana saye, ni mufumo wakone kha wu na nga mana tshivba nga guhegulani, kholu wu na sigudwa wu ningedwa vambe.

Dhaniyeli 8:22

Kheho yi nga fanywago, wulangani gwaye gu buga dzikeho dzina, gu yeyedza gupwani gu na duga mifumo mina khu litigo la limwedo, aholu yi na bani yiri mwalo tshivba nya nga yaye.

Dhaniyeli 8:8

Nyamabhongwe a di phela gu dzi dandrisa ngudzu, aholu avbo a nga dzipwa nari ni tshivba nya yingi, kheho yaye nya yikhongolo yi di fanyega, vbatshani gwaye gu buga dzikheho dzina dzi dandra dzi khedza maphuvbo ya mana ya damboni.

Amosi 9:9

Kholu wonani nya gukhenu nyi na rumela, nyumba ya Israyeli yi vbevberwa vbakari nya mayigo yatshavbo, kha nga idzo gu vbevberwago khidzo mavbila khu gisalava gu si thegi ni tshotha mweyo mafuni.

Zakariya 6:5

Ngilozi yi di nyi hakha, khiyo: “Aya khu maphuvbo ya mana ya Ndzadzini, ma dugago khavbo ma nga bani ma emide mbeli ga Pfhumu ya mafuni gwatshavbo.

Dhewuteronome 28:25

Pfhumu Nungungulu a na gu thesa mbeli ga valala vago; khu ndzila mweyo u na duga guya dwana ni valala vago, aholu u naya tutuma mbeli gwawe khu livbandre na dzimbili dzindzila; khu guralo, u na khala gihegiso ga mayigo yatshavbo ya mafuni.

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.

Gutuledwa 7:1

Khavbo avbo, nyi di wona dzingilozi dzina dza Nungungulu na dzi emide mudzikhonani dza dzina nya mafu, na dzi pharide maphuvbo ya mana nya litigo, gasi phuvbo yi si furugedzi tigoni, ni matini ya phwani ambari misimboni.