Jeremiya 49:31 - Bhibhiliya Nya Guage

³¹ Khugani mu eme, indrani mu ya dwana ni litigo li guromo gurulani, li vbanyago khu gu dzi tumba a ngu ganela Pfhumu Nungungulu; li gu mwalo malimba, ambari sikwinyaro, li khadego tendrelani nyamba tshirwa khu gilo.

Jeremiya 49:31 Iomraidhean Croise

Dzindzimo 123:4

Gale na hi gu hodziswa mbukuta khu va nya gu khadzisega ni gu nyenywa khu va nya matshandza!

Dzindzimo 73:12

Khidzo kharato ga nya guvivba; va khadzisegide, va gu wungedzela dzithomba.

Isaya 32:11

Ndrendremelani enu vanyamayi mu dzipwago na mu khadzisegide; tshulani guambala gwanu, mu khala wumbwiri, mu ambala dzisaku siwununi gwanu.

Isaya 32:9

Enu vanyamayi mu dzipwago na mu khadzisegide, khugani mu ema mu yingisa lito langu! Enu vanyamahegyane nya gukhadzisege, tulani dzindzeve mu yingisa esi nyi vbwetago gu mi embela!

Isaya 42:11

Ambari giwula, ni madhoropa yaye, gumogo ni mitalala ya Kedhari, kulungelani, embelelani khu gutsaka enu vavbanyi va Sela, emani khu vbatshani nya sigomo mu kulungela;

Isaya 47:8

Gasi olu, yingisa esi, uwe u golago gu dzi tsakisa, uwe u dzi pwago na wu khalegide; uwe u alakanyago khu monyoni gwago, khuwe: “Eni kheni nyenga, mwalo mumbe. Gima kha nyi na khala noni ambari gu fedwa khu sanana sangu.”

Jeremiya 48:11

Mowabhi gukhugela wudzahani gwaye a di vbanya gurulani, khade nga wadwa nya dziuvha wu vegwago ni gisese gyaye nyamba hutwa, gima wa sa thedwa ga gimbe gyombo, ambari gu yiswa wugumbini; khu guralo, gutshamba gwaye gu di simama, ni gunungela gwaye kha gwa vbindrugedza.

Ezekiyeli 30:9

Ga litshigu lolo, nyi na rumela sirumwa khu mataro, gasi guya thusa Etiyopiya, a dzipwago na khade gurulani; wuvi wu na manega gwawe, kha nga litshigu nya gulamudwe Egipito, kholu khu lisine litshigu lolo li na vboha.

Ezekiyeli 38:11

U na ganela, khuwe: Nyi naya dhumela litigo li gu ni mitalala nyamba bhiywa, nyi dwanisa vathu nya gurule va si dileligo gilo, va vbanyago madhoropani nyambana mabhiyo, nyambana malimba ambari sikwinyaro.

Ezekiyeli 39:6

Nyi na rumela nilo ga va na Magogi ni ga vale va vbanyago gurulani umo nya sidwa sa linene; khavbo va na dzitigo gukhavo eni kheni Pfhumu Nungungulu.

Mikeya 7:14

Havisa vathu vago khu ndronga yago, a gu dzinvuta nya tshambi nya thomba yago, dzi vbanyago khabini basi, vbakari nya mahawo nya gunone; dzi yise wuhaviseloni ga Bhasani ni Gileyadhi, kha nga matshigu ma vbindridego.

Nahume 1:12

Pfhumu Nungungulu a ngu ganela kharati, khuye: “Ambari na mu tiyide kharini, ni gu bani muri vangi kharini, kha mu na vbuluga gumbembiswa, uye a na vbindra, aholu uwe Judha, nyi gu thede dzitshoni, olu kha nyi na engedza gambe gu gu poyila.

Sofoniya 2:15

Khidzo kharati lidhoropa nya matshandza li nga bani li gu vbanya gukhadzisegani li dzi khusedza khu monyoni gwaye, khilo: “Kheni nyenga, mwalo mumbe nya gufanane ni eni.” Olu li vbindrugedzide kharini li khala marumbi, li khala liphala nya sirengo nya likhabi, muthu watshavbo a vbindrago khu vbafuvbi, a na li hega a womba ndrodzi, a ninginingisa hungo.

Mitengo 23:9

Kholu nyi ngu mu wona na nyiri khu vbatshani nya siwindri, nyi mu khedza na nyiri khu vbatshani nya sigomo! Vathu vava va vbanyago phuvbo, nyamba patana ni mambe mayigo.

Dhewuteronome 33:28

Khu guralo, Israyeli a na khala na tiyide, ni nambo wa Jakobe wu na khadzisega, tigoni nya tirigu ni vbinyu, gu thegago thondrwane khu damboni.