Jeremiya 49:2 - Bhibhiliya Nya Guage

² Khu guralo, Pfhumu Nungungulu a ngu ganela khuye, ma nguta matshigu, nyi na womba huwa nya nyimbi, nyi dwana ni lidhoropa la Rabha, tsindza wa va na Amoni; ilo li na vbindrugedza li khala matala nya marumbi, mitalala yawe yi na dagarela khu nilo. Khavbo avbo, Israyeli a na hodza thomba ya vale va hodzidego thomba yaye, a ngu ganela Pfhumu Nungungulu.

Jeremiya 49:2 Iomraidhean Croise

2 Samuweli 11:1

Khu mwaga wu nga landrelago, gikhati vafumeli va nga bani va duga guya nyimbitunu, Dhavhidhe a di rumela Jowabhi, gumogo ni vathu vaye vatshavbo va na Israyeli guya sasela va na Amoni; avo va diya ghova tigoni ga Rabha, aholu Dhavhidhe a di tshade Jerusalema.

Dzindzimo 48:11

Gi ngu tsaka gigomo gya Siyoni, sanana sa Judha si ngu nengela khu kotani nya gulamule gwago.

Dzindzimo 97:8

Siyoni a na sipwe a nengela, sagadzyana sa Judha si na khulungele, khu kotani nya gulamule gwago, uwe Pfhumu Nungungulu.

Isaya 11:14

Mayigo ya mavili ma na wugela Vafilisitiya va Muhwadambo; ma na hongola gumogo ma ya phanga vathu va Khugadambo; ma na dwanisa Vaedhomi ni Vamowabhi, sanana sa Amoni si na khala sithumi sawe.

Isaya 17:1

Mahungu mayelano khu lidhoropa la Dhamasiko: Wonani gukhenu Dhamasiko gu na fuviswa gu si khali gambe lidhoropa, aholu, gu na khala marumbi basi.

Jeremiya 4:19

Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Jeremiya 49:1

Mayelano khu va na Amoni. Pfhumu Nungungulu a ngu ganela kharati, khuye: Ina kamwe uwe Israyeli, u mwalo sanana, gani? U mwalo avo va na gu tshalago va hodza thomba yago, gani? Khu ginani Malikani a fumedego Gadhi, ni gu vathu vaye va khala madhoropani gwago?

Ezekiyeli 21:20

Yeyedza ndzila yi na vbohisago litshari dhoropani ga Rabha, tigoni ga va na Amoni, ni yimbe yi na vbohisago dhoropani ga Jerusalema, likhokholani la va na Judha.

Ezekiyeli 21:25

Uwe muthangeli wewe wa Israyeli, muthu nya guvivbedwe khu monyo ni gumba thava Nungungulu, litshigu lago li nguta, ni gikhati nya tsayiso wago nya mahegiso gi ngu vboha;

Amosi 1:14

Khu guralo, nyi na rotha khu nilo mabhiyo ya Rabha, wu vbisa dzinyumba dzawe nya wufumu, gu wombwa dzihuwa khu litshigu nya nyimbi, gu fanana ni gipupwane litshigu nya gingulu.

Obhadhiya 1:19

Avo va Negebhi va na fumela gigomo gya Esawu; avo va mapanini, va na khozisa litigo nya Vafilisitiya, va na phanga gambe marembwe ya Efrayimi ni ya Samariya, Bhejami a na fuma litigo la Gileyadhi.

Mitengo 10:9

Mwa gu soma nyimbi tigoni gwanu guya dwana ni valala vanu vatago va ta mi dhumela, gu vbweta mu womba mipundru yi dzuma ngudzu. Khu guralo, Eni Pfhumu Nungungulu, nyi na mi alakanyani nyi mi vbulugisa ga valala vanu.

Mitengo 21:25

Israyeli a di dzega madhoropa yale yatshavbo, a vbaha umo ga yatshavbo madhoropa ya Vaamori, Hesibhoni ni ga yatshavbo mitalala yaye.

Dhewuteronome 13:16

U na wungedzela tendrelani nya lidhoropa lawe satshavbo esi u phangidego, u na si vbisa si khala ningelo ga Pfhumu Nungungulu wago, gu na khala litala nya marumbi kala gupindruga; gima kha li na vbahedzwa gambe.

Dhewuteronome 3:11

Kholu Ogi, mufumeli wa Bhasani, khuye enga a nga bani na tshade nya lihundzu nya sidandrangulu, Varefayini; lidawu laye a diri la simbi li nga bani liri ni pimo nya livbandre na mina mikono gulapha, guanama li diri ni mikono mina, mayelano khu pimo wu nga bani wu thumiswa gikhati gyogyo. Li nga romo kala na muhuno.

Josuwa 17:11

Kholu tigoni ga Isakari ni Aseri, Manasi a di ningwa Bheti-Seyani gumogo ni madhoropa yaye; Ibhileyamu gumogo ni madhoropa yaye; vavbanyi va Dhori gumogo ni madhoropa yawe; vavbanyi va Eni-Dhori gumogo ni madhoropa yawe; vavbanyi va Tahanaki gumogo ni madhoropa yawe ni vavbanyi va Megidhu gumogo ni madhoropa yawe; a gu malanga mararu.

Josuwa 17:16

Khu guralo, sanana sa Josefa si di hakha, khiso: “Gigomo gegi kha gi na hi enelela; ni gu gambe Vakhanani vatshavbo va vavbanyago tigoni momu nya mikova va na ni dzikareta nya dzisimbi, ambari avo va gomogo Bheti-Seyani gumogo ni madhoropa yawe, gumogo gambe ni avo va gomogo kovani ga Jezireyeli.”