Jeremiya 49:16 - Bhibhiliya Nya Guage

¹⁶ Matshandza ni gu dzi khusedza nya monyo wago si gu kanganyiside, uwe u vbanyago dziphagoni nya siwindri, u khalago vbatshani nya sigomo, ambari wa gu vbaha gihaga gyago vbatshani ngudzu kha nga lighama, Eni nyi na gu reledza vbavbatshi; khu Pfhumu Nungungulu a ganelago.

Jeremiya 49:16 Iomraidhean Croise

2 Dzipfhumu 14:7

Uye a di songa likhumi magumi mazana (10.000), va na Edhomi kovani nya Munyu; a phanga litigo la Sela mulitungani; a li thangisa lina la Jokiteyeli kala na muhuno.

Joba 39:27

Mwendro khuwe u rumago lighama gu vbuvba liya vbatshani, li ya vbaha iyo gihaga gyaye, gani?

Mavingu 16:18

Matshandza ma gu rana libango, ni gu dzi khusedza gwa gu thangela lufu.

Mavingu 18:21

Gufa ni guvbanya gomo tshivbani nya lidimi la muthu, uye a li thumisago a na havela mihandro yaye.

Mavingu 29:23

Muthu nya matshandza a na vbwasamiswa, aholu uye nya gu dzi nogise a na khusedzwa.

Gizimba 2:14

Uwe lituva langu u sihalago dziphagoni nya siwindri, ni gukhwekelani nya gusihale; nyi yeyedze khovbe yago, nyi napwe lito lago, kholu lito lago li ngu tshamba, ni khovbe yago yi mburide.”

Isaya 10:14

Nyi dzegide khu mandza yangu dzithomba dza va nya mayigo; kha nga muthu a thumbago gihaga nya sinyoni; nyi dzegide litigo rumba kha nga muthu a rolago mandra ma digidwego, mwalo a thawuludzidego mambapi mwendro gu tula likana, ambari gu keta.”

Isaya 2:21

Vathu va na bela dziphagoni nya siwindri ni mavbalani nya sigomo, khu gu thava likhulo la Pfhumu Nungungulu ni gungangamela nya wugulu waye, gikhati a na tago guta thusa litigo.

Isaya 49:25

Aholu Pfhumu Nungungulu a ngu ganela, khuye: “Khu lisine nyi ngu tiyisa, kheni: Vathu va modwego khu ndrena, nyi na va tshudzisa, nyi bwelo khavbo nyi wandra phango ga mufumeli nya dzihanyi, kholu nyi na dwana ni avo va gu dwanisago, nyi tshudzisa sanana sago.

Jeremiya 48:14

Mwa gu ganela kharini mu gukhenu: “Ethu hi dzi ndrena ni vathu nya tshivba nya gudwane nyimbi?”

Jeremiya 49:15

Kholu wona nya gukhuwe nyi gu giride nuri gyanana vbakari nya mayigo, u hembuludwa vbakari nya vathu vatshavbo.

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Jeremiya 51:53

Bhabhiloni ambari nari a di lita kala damboni, aya tiyisa iyoyo makhokhola yaye, Eni nyi di hadza gu rumela vasaseli vaya mu mbembisa, a ngu ganela Pfhumu Nungungulu.

Amosi 9:2

Ambari va gu kemba kala va vboha phalani nya vafi, gyandza gyangu gi naya va dusa khumo; va gu lita kala Ndzadzini, nyi naya va tshigisa khiyoyo.

Habhakuka 2:9

Libango ga wule a wungedzelago nyumbani gwaye dzithomba nya gube, gasi gu vega gihaga gyaye vbatshani, gasi a kodza gu dzi vbanyisa ga gyandza nya guvivbe!

Malakiya 1:3

aholu nyi nyenya Esawu; nyi gira sigomo saye si khala gihala gya giwulani, nyi ningela litigo lawe ga migehe ya khabini.”