Jeremiya 49:14 - Bhibhiliya Nya Guage

¹⁴ Nyi pwide mahungu na ma guta khu ga Pfhumu Nungungulu; rumede mwango ga mayigo a ma embela, khuye: “Tshanganani, mu mu wugela, hongoleni hi ya mu dwanisa!”

Jeremiya 49:14 Iomraidhean Croise

Isaya 30:4

Ambari vathangeli vanu va na Judha, olu na va vbohide Zowani, ni sirumwa sawe na si vbohide Hanisi,

Isaya 37:7

Mufumeli wa Asiriya nyi na mu thela limbe liphuvbo, avbo a na pwago mahungu nya nyenganyenga, uye a na bwelela a hongola tigoni gwaye; iyoyo nyi na mu ningela a songwa khu litshari.

Jeremiya 49:15

Kholu wona nya gukhuwe nyi gu giride nuri gyanana vbakari nya mayigo, u hembuludwa vbakari nya vathu vatshavbo.

Jeremiya 51:11

Lodzani sighalala, mu phara sitshangu! Pfhumu Nungungulu a pepugiside mapimo ya vafumeli va tigoni ga Medhiya, kholu makungo yaye, khu gu pfhungumula Bhabhiloni. Pfhumu Nungungulu a na phodza, a dzi phodzela khu nyumba yaye nya miphaso

Jeremiya 51:46

Mu nga pilegi hwambo mu thava khu gupwa iso si na gu ganedwago tigoni ga Bhabhiloni, kholu khu mwaga yoyu, mu napwa esi; wumbe mupwa sile, ni ghudzeghudze tigoni, mufumeli a na wugela mufumeli kwawe.

Matewu 24:6

Mu napwa na gu ganedwa khu dzinyimbi, ni ligwaha nya dzinyimbi, mu nga thurugini, kholu si na ni fanelo nya guphele khiso si girega, aholu khandri guhegisa.