Jeremiya 49:11 - Bhibhiliya Nya Guage

¹¹ Diga sigulungu sago; kholu eni nyi na si sayisa si vbanya, ni dzinoni dzago nidzo dzi na tumbe eni.”

Jeremiya 49:11 Iomraidhean Croise

Dzindzimo 146:9

Pfhumu Nungungulu a ngu emela valuveli; a ngu tangadzisa dzikhulungu ni dzinoni, gambe a ngu segela dzindzila va nya guvivba.

Dzindzimo 68:5

Nungungulu a vbanyago nyumbani gwaye nya guage, khuye babe nya dzikhulungu ni muvhikeli nya dzinoni.

Dzindzimo 82:3

Emelani dzifanelo nya sisiwana ni sigulungu phasedzelani avo va sanisekago ni avo va gu mwalo muthu nya gu va emele.

Hoseya 14:3

Asiriya kha na kodza gu hi vbulugisa, kha hi na khilela dzikavalu nya nyimbi. Niso hi si giridego khu mandza yathu, gima kha hi na ganela gambe avbo gwawe khethu: Uwe khuwe Nungungulu wathu; kholu uwe u ngu pwela wuhindzi sisiwana.”

Jona 4:11

Ina kha nyi yeli gu pwela gisiro lidhoropa nya likhongolo la Ninivha, eli li gu na ni guvbindra lizana ni magumavili mazana vathu, va si kodzigo gu hambanisa gyandza gya nyamudye nigyo gya nyambade, na liri ni sifuyo nya singi, gani?”

Zakariya 7:10

Mu nga tshanisini dzinoni ni sigulungu, valuveli ni sisiwana ambari gu luga makungo myonyoni gwanu nya gutshanisane khu gyanu.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Dhewuteronome 10:18

a lamulago khu gululama dzikhulungu ni vamalile, ni gu gola valuveli, a va ninga guhodza ni guambala.

1 Thimoti 5:5

Oyu a gu noni, khu lisine, nari mwalo waye, a gu vega gutumba gwaye ga Nungungulu gikhati gyatshavbo, a gu lombelela ni gu dhumisa Nungungulu wutshigu ni mihani.

Jakobe 1:27

Wukhodwa nya lisine wu lulamidego mahoni ga Nungungulu Babe, khu ogu: Guya holela sigulungu ni dzinoni gusanisekani gwawe, ni gumba dzi nyenyezisa khu silo nya guvivbe sa mafuni momu.