Jeremiya 49:1 - Bhibhiliya Nya Guage

¹ Mayelano khu va na Amoni. Pfhumu Nungungulu a ngu ganela kharati, khuye: Ina kamwe uwe Israyeli, u mwalo sanana, gani? U mwalo avo va na gu tshalago va hodza thomba yago, gani? Khu ginani Malikani a fumedego Gadhi, ni gu vathu vaye va khala madhoropani gwago?

Jeremiya 49:1 Iomraidhean Croise

Genesi 19:38

Oyu nya nandra wakone a di velega nuye gyanana nya gikhwathana a gi riya lina la Bheni-Ami; babe wa va na Bheni-Amoni, kala na muhuno.

2 Dzipfhumu 10:33

gukhugela Joridhani, kala Khugadambo, ni tigoni gwatshavbo ga Gileyadhi, gipandre gya na Gadhi, gya na Rubheni ni gya na Manasi; gukhugela Aroweri a khadego vbafuvbi ni gitsongwana gya Arinoni, Gileyadhi ni Bhasani.

2 Dzipfhumu 24:2

Nungungulu a di mu rumela masotshwa nya Vakalidhiya, nya Vaasiriya, ya na Mowabhi ni ya na Amoni, guya sasela Judha, kha nga guganela ga Pfhumu Nungungulu, a ganedego khu ga sithumi saye, vaprofeti.

2 Dzikoronika 20:1

Khu hwane nya esi, va na Mowabhi, ni va na Amoni, gumogo ni Vamewuni, va dita wugela Josafati, va mu dwanisa.

2 Dzikoronika 20:23

Kholu va na Amoni, ni va na Mowabhi, va di wugela vavbahi va gigomoni gya Seyiri, va di saselana khu gyawe.

Nehemiya 2:19

Avbo Sambalati, Muhoroni, Tobhiya, githumi nya Muamoni ni Gesemi, Muarabhi, va nga dzipwago, va di hi hega ni gu hi hembulula, va ganela, khavo: “Gasi ginani gyogyo mu girago? Mwa gu vbwetani gu wugela mufumeli, gani?”

Nehemiya 4:7

Khu guralo, nyi di vega vakheviseli khu malangani ya vbavbatshi ni musihogoni nya libhiyo, nyi va vega khu mitsawa nya Mahundzu yawe, na vari ni matshari, sighalala ni wulaho wawe;

Dzindzimo 83:7

khu Vagebhali, Vaamoni ni Vaamaleki, Vafilisitiya gumogo ni vavbanyi va Tiro;

Dzindzimo 9:6

Valala va mbembide muphelo, madhoropa yawe ma di tshala marumbi basi, mwalo gambe a na gu va alakanyago.

Jeremiya 12:14

Khu mahungu ya vaakelane vangu vatshavbo nya guvivbedwe khu monyo, avo va nga phangago thomba yangu nyi nga tshiyelago vathu vangu va na Israyeli, Pfhumu Nungungulu a ngu ganela kharati, khuye: “Nyi na va dusa tigoni gwawe, ni linyumba la na Judha nyi na li dusa nilo vbakari gwawe.”

Jeremiya 25:21

va Edhomi wa Mowabhi ni ga sanana sa Amoni;

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 27:3

Khu hwane u na si rumela ga mufumeli wa Edhomi, wa Mowabhi ni ga va na Amoni, ga mufumeli wa Tiro ni wa Sidhoni, na ma gu vbelegedzwa khu sirumwa sa mufumeli si tago khu Jerusalema gasi guya wonana ni Zedhekiya, mufumeli wa Judha.

Jeremiya 48:1

Khu mahungu ya Mowabhi, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Libango ga va na Nebhu, kholu lidhoropa lawe li khungumudwe.” Va na Kiriyatayimi, va padwe va modwa; likhokhola lawe li khungumudwe li thedwa dzitshoni.

Jeremiya 49:23

Mayelano khu Dhamasiko. Hamati ni Aripadhi va thedwe dzitshoni, kholu va pwide magana nya guvivbe, myonyo yawe yi tade khu rerema, ya gu vila kha nga mavimbi ya linene, nyamba rudziswa khu muthu.

Jeremiya 49:28

Mayelano khu Kedhari gumogo ni mifumo ya Hazori, eyi Nabhukodhonosori, mufumeli wa Bhabhiloni a mi sasedego, Pfhumu Nungungulu a ngu ganela kharati, khuye: “Khugani mu eme, mu ya dwana ni va na Kedhari, mu mbembisa ni vathu va Khugadambo.

Jeremiya 49:7

Khu kotani ga Edhomi. Pfhumu Nungungulu nya Tshivba Yatshavbo, a ngu ganela kharati, khuye: “Ina kamwe, gu mwalo gambe guti tigoni ga Temani, gani? Ina va nya mapimo kha va nga gu ninga gambe wusingalagadzi, gani? Guti gwawe gu fuvide, gani?

Ezekiyeli 21:25

Uwe muthangeli wewe wa Israyeli, muthu nya guvivbedwe khu monyo ni gumba thava Nungungulu, litshigu lago li nguta, ni gikhati nya tsayiso wago nya mahegiso gi ngu vboha;

Ezekiyeli 25:1

Pfhumu Nungungulu a di nyi embela, khuye:

Sofoniya 1:5

Nyi na fuvisa ni avo va litago vbatshani nya dzilangwe, vaya khidzima gasi gu khozela sivangwa sa damboni; ni vale va nogago va sambanya khu lina la Pfhumu Nungungulu, aholu na va gu sambanya gambe khu lina la Malikani

Mitengo 1:24

Ga livelego la Gadhi, va di lovedwa mayelano khu mapango yawe, ni dzinyumba dza vababe vawe, muthu ni muthu a lovedwa khu lina laye, vatshavbo vama va enedzidego magumavili myaga guya mbeli, na va gu kodza gu soma matshari vaya nyimbitunu.

Dhewuteronome 2:19

u gu vboha mbeli ga sanana sa Amoni; u nga va dwanisi gambe u nga va khuti, kholu litigo la sanana sa Amoni kha nyi na gu ninga li khala thomba yago, kholu nyi li ningede ga sanana sa Loti kha nga thomba yawe.

Dhewuteronome 23:3

Vaamoni ni Vamowabhi va mwalo fanelo nya gubele avba vathu va Pfhumu Nungungulu va tshanganidego avbo; ambari situgulwana sawe kala ga gitugulwana nya likhumi kha va na nga dzumedziswa gu bela kala gupindruga.

Dhewuteronome 23:4

Kholu kha va mi khingamedza ni guhodza ni mati ndzilani, gikhati mu dugidego khu Egipito; gambe va mi rengelede Bhalahama, mwamana wa Bheyori, a khalago Peyori tigoni ga Mesopotamiya, gasi a ta mi vala.