Jeremiya 48:47 - Bhibhiliya Nya Guage

⁴⁷ Pfhumu Nungungulu a ngu ganela, khuye: Khu guhegisani, nyi na wuyisa vatshavbo va vbagedwego va na Mowabhi. Ogu khu gu hegisa nya gulamudwe ga Mowabhi.

Jeremiya 48:47 Iomraidhean Croise

Joba 19:25

Kholu nyi ngu dziti gukheni muvhikeli wangu a ngu vbanya, ni gukheni, guhegisani a na ema vbatshani nya mafu.

Isaya 18:7

Khu gikhati gyogyo, gu na reswa gihiwa ga Pfhumu, Nungungulu nya Tshivba Yatshavbo, vathu nya vadandrangulu, na vari ni wumburi, avo va thawago khu vathu gukhugela gutumbulugani gwawe, litigo nya dzihanyi nya guganele sihonohono, Eli li tsemakanywago khu vbakari ni vbakari khu mitsongo. Va na resa miningelo yawe gigomoni ga Siyoni, avbo gu khozedwago lina la Pfhumu Nungungulu nya Tshivba Yatshavbo.

Isaya 23:18

Aholu bhindzu nya wurengisi ni wubhayi waye, yi na phasedwa ga Pfhumu Nungungulu; gima kha yi na hengeledzedwa musisangalani ambari gu vegwa kha nga thomba. Yi na thumela gu hodzisa ni gu ambagisa nya dzadi vale va vbanyago mbeli ga Pfhumu Nungungulu.

Isaya 25:11

Vbakari nya isoso, Mowabhi a na thawuludza mandza yaye, kha nga idzo muhambi a thawuludzago khidzo a gu bani a gu hamba mayaka; aholu Pfhumu Nungungulu a na vbwasamisa gu dzi khusedza gwaye, gumogo ni wugengeli nya mandza yaye.

Isaya 45:20

Tombanani muta; hidzimelani gumogo mwatshavbo, enu mu vbulugidego ga va nya mayigo; vale va rwalago sifananiso nya misimbo nya guvatwe, va gira milombelo ga nungungulu a si dzi kodzigo gu va vbanyisa.

Jeremiya 12:14

Khu mahungu ya vaakelane vangu vatshavbo nya guvivbedwe khu monyo, avo va nga phangago thomba yangu nyi nga tshiyelago vathu vangu va na Israyeli, Pfhumu Nungungulu a ngu ganela kharati, khuye: “Nyi na va dusa tigoni gwawe, ni linyumba la na Judha nyi na li dusa nilo vbakari gwawe.”

Jeremiya 12:15

Aholu, khu hwane nya gu bani nyi va duside, nyi na bwelo khavbo nyi va pwela wusiwana, nyi na va bweledza moyo ni moyo thombani gwaye, muthu ni muthu a bwelela tigoni gwaye.

Jeremiya 23:20

Likhulo la Pfhumu Nungungulu kha li na vbindra na li si gu giri iso li fungidego gu gira; khu matshiguni nya guhegise mu na si wona ni gu siti gwadi.

Jeremiya 30:24

Likhulo la Pfhumu Nungungulu kha li na bwelela hwane, na li si gu thumi ni gu tadzisa gugola nya monyo waye; guhegisani nya matshigu, esi mu na si pimani.

Jeremiya 46:26

Nyi na va ningela mandzani ga vale va vbwetago gu va songa, mandzani ga Nabhukodhonosori, mufumeli wa Bhabhiloni, ni ga dzindruna dzaye. Aholu, khu hwane nya isoso, vathu vaye va na wuya vata vbaha gambe tigoni ga Egipito, a ngu ganela Pfhumu Nungungulu.

Jeremiya 49:39

“Khu matshigu nya guhegise, nyi na wuyisa vale va vbagedwego va Elamo, a ngu ganela Pfhumu Nungungulu.”

Jeremiya 49:6

Aholu, khu hwane nya esi, nyi na wuyisa sanana sa Amoni, si yisidwego wugumbitunu, a ngu ganela Pfhumu Nungungulu.

Ezekiyeli 38:8

Hwane nya matshigu nya mangi, u na ranwa; avbo gu na vbindrago myaga nya yingi, uwe u na ta dwana ni litigo li tshudzisidwego khu matshari, li patidwego khu mayigo nya mangi, vbatshani nya sigomo sa Israyeli, gikhati gyatshavbo si nga bani si khade marumbi; vathu vava, va dusidwe khu ga mayigo nya guhambanelane, gasi vatshavbo va vbanya umo khu gurula.

Dhaniyeli 10:14

Olu nyi dzude guta gu tivisa iso si na gu giregago ga vathu vago khu matshigu nya guhegise, kholu giwoniso gya gu ganela khu silo si ngarigo hwindzo ni gu girega.”

Dhaniyeli 11:41

A na bela ni ga litigo li vbindrago yatshavbo khu wumburi, a sasela mayigo nya mangi, aholu Edhomi, Mowabhi ni vathu nya guthavisege nya sanana sa Amoni, va na vbuluga mandzani gwaye.

Dhaniyeli 2:28

Aholu womo Nungungulu moyo ndzadzini a tugulago misihalo; uye a pwadzede mufumeli Nabhukodhonosori, iso si na gu mu dugelelago matshiguni yaye nya guhegise. Ndroro yago ni siwoniso sa vbadawutunu gwago khesi:

Hoseya 3:5

Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.

Mitengo 24:14

Olu nyi ngu bwelela tigoni gwangu; aholu delu nyita gu embela iso si na girwago khu vathu vava omu tigoni gwago khu matshigu ma nga gutago.

Dhewuteronome 31:29

Kholu nyi ngu dziti gukheni, avbo nyi na gu bani nyi fude, mu na tshala mu gira silo nya gunyenyeze, mu ndreyani ndzilani nyi mi leletedego; khu guralo, khu matshigu nya guhegise, libango leli li na thega vbatshani gwanu, mwa gu gira esi si vivbidego mahoni ga Pfhumu Nungungulu, gasi mu wusa likhulo laye khu kotani nya mithumo ya mandzani gwanu.”

Dhewuteronome 4:30

Gikhati u na manago sigaradzo, ni silo satshavbo soso si na gu vbohelago khu matshigu nya guhegise, u wuya ga Pfhumu Nungungulu wago, u yingisa lito laye,