Jeremiya 48:42 - Bhibhiliya Nya Guage

⁴² Litigo la Mowabhi li na fuviswa, kholu va wugede Pfhumu Nungungulu.

Jeremiya 48:42 Iomraidhean Croise

Mavingu 16:18

Matshandza ma gu rana libango, ni gu dzi khusedza gwa gu thangela lufu.

Isaya 16:14

Khu guralo, Pfhumu Nungungulu a ngu ganela, khuye: “Ndrani nya myaga miraru, a gu myaga yi fananago ni ya muthu a thodwego gu yi thuma, wudhumo wa Mowabhi ni gidzemo gyaye nya gingi, wu na poyidwa; ni mitshaledwa yaye yi na bani yiri yidugwana na yiri mwalo tshivba.”

Isaya 37:23

Gasi khu mani u mu poyidego ni gu mu vala? Khu mani u mu khusedzedego lito ni maho yago nya gu dzi dandrise? U di girela Nyaguage wa Israyeli!

Isaya 7:8

Kholu tsindza wa Siriya khu Dhamasiko, Ni mufumeli wa Dhamasiko, khu Rezimi; ndrani nya livbandre na limwedo magumi ni livbandre myaga, Efrayimi, a na mbembiswa muphelo, a si khali gambe litigo!

Jeremiya 30:11

Kholu, Eni Pfhumu Nungungulu nyi ngu ganela gukheni, nyi nago gikhati gyatshavbo gasi gu gu vbulugisa; nyi na sasela mayigo yatshavbo nyi nga bani nyi mi phalalegisede umo; aholu enu, kha nyi na diga gu mi tsayisa, gambe kha nyi na mi tsayisa khu tshivba, kholu kha nyi vbweti gukheni mu mbemba.

Jeremiya 48:2

Wudhumo wa Mowabhi wu vbede; khu Hesibhoni, valala va di luga gikungo nya gu mu dwanise, khavo: Hongoleni hi fuvise vathu vava, litigo lawe li si vegwi gambe tengoni nya mayigo. Uwe nuwe Madimeni, kha wu na ganela gilo; kholu nyimbi yi ngu landra khu hwane gwago.

Ezekiyeli 35:13

Mu dwanide ni eni khu likana lanu, mu engedzela magana nya gu nyi vale; eni nyi ma pwide.

Dhaniyeli 11:36

Mufumeli a na gira gukhedza khu iso a na si golago, a na dzi khusedza ni gu dzi dandrisa mbeli ga vambe vanungungulu; gumogo ni ga Nungungulu nya vanungungulu, a na ganela sihonohono nya guthise. A na andra, kala gu tadzisega likhulo, kholu sile si hungidwego, si na tadzisega.

Matewu 7:2

Kholu, idzo mu na lamulago khidzo vakwanu, mu na lamudwa nenu khidzo. Ndronga mu na pimago khiyo vakwanu, khiyo mu na pimwago nenu khiyo.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.

Gutuledwa 13:6

Girengo gi di tula likana gi gu vala Nungungulu ni lina laye, ni wulangani gwaye nya guage ni vatshavbo va vbanyago ndzadzini.