Jeremiya 48:36 - Bhibhiliya Nya Guage

³⁶ Khu guralo, monyo wangu, wu na dzuma kha nga sengele khu kotani ya Mowabhi, wu na dzuma gambe kha nga misengele; khu kotani ya vathu va Kiri-Heresi, kholu thomba va nga bani va yi hengeledzede yi luzide.

Jeremiya 48:36 Iomraidhean Croise

2 Dzipfhumu 3:25

Va di khungumulela madhoropa; khavbo avbo, mwama ni mwama a di rinya giwindri marembweni nya dzimbewu, va futela milambo, va kokelela misimbo yatshavbo yi ningago mihandro, gu di tshala basi lidhoropa la Kiri-Hareseti; aholu avo va nga bani na va rinya siwindri, va di li randrela va li sasela, gu tshala basi siwindri.

Mavingu 11:4

Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Mavingu 13:22

Muthu nya wadi a gu tshiyela thomba vatugulu vaye, gasi iyo nya sighohi, ya gu tshalela va nya gululama.

Mavingu 18:11

Lidhoropa nya likhokhola la muthu nya gufume khu thomba yaye, uye a gu alakanya khuye libhiyo li mu vhikelago.

Isaya 15:5

Monyo wangu wu ngu lila khu kotani ya Mowabhi; vathu vaye nya guthavisege, va thavede tigoni ga Zowari, gu fanana ni gimombyana nya myaga miraru; kholu va gu lila na va gu gwela khu gigomo gya Luwiti, va gimbila na gu womba huwa khu ndzila yiyago Horonayimi, na va guwomba dzihuwa nya wuvi.

Isaya 15:7

Kholu thomba va yi manidego ni gu yi vegedzela, va ngu yi rwala avo vamune kamwe va tsemakanya gitsongwana nya Siphuthu;

Isaya 16:11

Khu guralo, mahembe yangu ma gu dzuma nga gitendre khu kotani ya Mowabhi, monyo wangu wa gu vbisega khu kotani ya Kiri-Heresi.

Isaya 63:15

Khedza khu vbatshani yoyo ndzadzini, u wona khu nyumbani gwago nya guage ni wudhumo. Gomo hayi gukhathalela gwago ni mithumo yago nya tshivba? Wuwadi wa monyoni gwago ni wuhindzi wago, khu si giri gambe avbo gwathu!

Jeremiya 17:11

Muthu a wungedzelago thomba khu wukanganyisi; a gu fanana ni tshugwa yi fundramelago mandra yi ngamba ma vega; vbakari nya matshigu yaye a na yi luza, khu guhegisani a na khala madhadhavale.

Jeremiya 4:19

Yowe, libango langu! Monyo wangu guvbisega khu gupwa wuvi. Monyo wangu wu tade khu gikhuma, kha nyi kodzi gu hefemula! Aholu kha nyi na degula, kholu dzindzeveni gwangu gupwala ligwaha ni pundru nya nyimbi.

Jeremiya 48:31

Khu guralo, nyi na lila khu litigo la Mowabhi, nyi na womba huwa khu kotani nya litigo latshavbo la Mowabhi, kholu vathu va Kiri-Heresi va na wombeledzela dzihuwa.