Jeremiya 48:26 - Bhibhiliya Nya Guage

²⁶ Mu leviseni, kholu a dzi khusedzide mbeli ga Pfhumu Nungungulu, Mowabhi, a na puluwundre magoseni gwaye, uye a na khala gilo nya gihegiso.

Jeremiya 48:26 Iomraidhean Croise

Joba 15:25

kholu thawuludzide mandza a wugela Nungungulu a dzi khusedza mbeli ga Pfhumu nya Tshivba Yatshavbo.

Joba 9:4

Uye a na ni monyo nya guti, ni tshivba yaye yikhongolo ngudzu, khu mani a lingidego gu dwana Naye a dugelela?

Dzindzimo 2:4

Wule a vbanyago ndzadzini a ngu va hega; Pfhumu Nungungulu a ngu va tsorodzela.

Dzindzimo 59:8

Aholu uwe Pfhumu Nungungulu, u na va hega vathu nya guralo; uwe u ngu va hega va nya mayigo.

Dzindzimo 60:3

U giride vathu vago va wona sigaradzo nya singi, u hi sedzide wadwa gasi hi leva.

Dzindzimo 75:8

Mandzani ga Pfhumu Nungungulu gyomo gikombe gi tadego khu wadwa wu pupumago likhulo laye, a na ningago va sela vatshavbo va nya guvivba va tigoni va sela kala ni giminya gyakone.

Ekisodha 5:2

Faro a di va hakha, khuye: “Khu mani Pfhumu Nungungulu nya gukala nyi yingela esi a ganelago, nyi diga va na Israyeli va duga? Eni kha nyi muti Pfhumu Nungungulu, gima kha nyi na diga va na Israyeli va hongola danga.”

Ekisodha 9:17

Aholu, uwe u nga gu simama sago gu dzi gugumugisa, u bomba gu tshula vathu vangu va hongola, gani?

Isaya 10:15

Ina gibhewula gi ngu kodza gu dzi zundza ga uye a kokago khigyo, gani? Mwendro saroti yi ngu dzi wona na yiri ni tshivba guvbindra oyu a yi thumisago, gani? Isoso si di hadza gu gira gu lipitso li kutsunga libogo la wule a gu ni tshivba gu li vbindra, mwendro gighomba gi khusa wule a gi pharago!

Isaya 19:14

Pfhumu Nungungulu thede vbakari gwawe liphuvbo nya guvivbe; va dhedherekisa Egipito ga mithumo yaye yatshavbo kha nga muthu nya guleve a puluwundrago vbatshani nya magose yaye.

Isaya 28:8

Kholu, dzimeza dzatshavbo dzi tade khu magose ni ndzilo; gu mwalo ni wulanga wu ngamba nyenyeziswa.

Isaya 29:9

Thurugani mu samala, tshikhani maho, mu simama gu khala sikhumu; levani, na mwa sa sela vbinyu, dhedherekani, na mwa sa sela wadwa nya guvave.

Isaya 51:17

Khendzuga! Khendzuga! Khuga u ema uwe Jerusalema! Uwe u sedego khu mandzani ga Pfhumu Nungungulu gikombe nya likhulo laye. U sede gikombe gi levisago kala u vbedza ni giminya gyakone, u leva.

Isaya 63:6

Khu kotani nya likhulo langu, nyi di gandredzela mayigo nyi va levisa, nyi vbaladza novba wawe mafuni.

Jeremiya 48:39

Nga wonani idzo a khungumudwego khidzo Mowabhi! Dzitshoni basi ni gililo! Khu gu wona idzo a thegidego khidzo khu nyagihwane! Mowabhi khade gilo nya guthise ni gihegiso, vbakari nya vaakelane vaye!

Jeremiya 48:42

Litigo la Mowabhi li na fuviswa, kholu va wugede Pfhumu Nungungulu.

Jeremiya 50:29

Rambani vatshavbo va kodzago gu khwandra siholoma; va na hekhe litigo la Bhabhiloni, va li randrela gu si dugi ni wa gu duga. Va bweledzeleni gukhedza khu mithumo yawe, satshavbo a mi giredego mu gireleni nuye kharalo; kholu a dzi khusedzide a wugela Pfhumu Nungungulu, Gihathwa gya Israyeli.

Jeremiya 51:39

Aholu na va nga gupwa ndzala, nyi na va girela buzo nyi va levisa khu wadwa, gasi va tsaka guvbindra pimo, va lala ligovbe nya gupindruge nyamba wuga gambe, a ngu ganela Pfhumu Nungungulu.

Jeremiya 51:57

Pfhumu Nungungulu a ngu ganela, khuye: “Nyi na levisa vathangeli ni vagengeli vawe, vafumeli, dzindruna ni masotshwa yawe, va na lala ligovbe nya gupindruge nyamba khendzuga gambe; a ngu ganela Mufumeli, lina laye a gu uye Pfhumu, Nungungulu nya Tshivba Yatshavbo.

Jeremiya 51:7

Litigo la Bhabhiloni li di gu fanana ni gikombe nya ndralama Pfhumu Nungungulu a pharidego mandzani, a sedza a levisa litigo latshavbo; mayigo ma di sela vbinyu yaye; khu guralo, ayo ma di handrugiswa mapimo.

Gililo 1:21

Va ngupwa mahika yangu, aholu mwalo ni moyo a nyi tangadzisago. Valala vangu vatshavbo va gu ghiya khu gupwa guthega gwangu, va tsaka khiso U giridego. Aholu, Uwe Pfhumu vbiredza gu resa litshigu U li tumbisidego gasi vathu va tsayiswa navo nga eni. Tau

Gililo 3:15

U nyi khuriside khu silo nya guvave, u nyi levisa khu wadwa nya wuhungu. Vau

Gililo 4:21

Tsaka u nengela uwe nyamahegyane wa Edhomi, u vbanyago mayigoni gwa Uzi! Aholu enu nenu mu na sela gikombe nya likhulo la Pfhumu mu na leva mu gimbila wumbwiri nyamba ambala gilo. Tau

Dhaniyeli 11:36

Mufumeli a na gira gukhedza khu iso a na si golago, a na dzi khusedza ni gu dzi dandrisa mbeli ga vambe vanungungulu; gumogo ni ga Nungungulu nya vanungungulu, a na ganela sihonohono nya guthise. A na andra, kala gu tadzisega likhulo, kholu sile si hungidwego, si na tadzisega.

Dhaniyeli 5:23

U di bwelo khavbo u wugela Pfhumu ya ndzadzini. U di rumela guya dzega sombo sa nyumbani gwaye sita avbo gwago, ni ga dzindruna, vagadzi vago ni sibhayi sago mu ta sela khiso wadwa; gudiga nya isoso, u di bwelo khavbo u rungudza vanungungulu nya parata, nya ndralama, nya sugu, nya dzisimbi, nya misimbo ni siwindri, va si wonigo, nya mbapwa, ni gumbati. Aholu Nungungulu uye a pharidego womi wago, ni dzindzila dzago dzatshavbo, khu theli kota khuye gu mu dhumisa.

Dhaniyeli 8:10

Yi dandra kala yi ya ghuma sivangwa sa ndzadzini, yi baga simbe sivangwa ni dzinyeledzi yi si rinya mafuni yi si gandredzela.

Nahume 3:11

Uwe nuwe, Ninivha, u na leva uya sihala; u na vbweta wulanga nya gusihale, u thava valala vago.

Habhakuka 2:16

Wulangani nya guzundzege, u na thega dzitshoni! Ina nga sela nuwe u kodze gudhedhereka. Gikombe gi guromo mandzani ga nyamudye ga Pfhumu Nungungulu a ngu gu gurumedza gu gi sela, gasi lisima lago li manega nari dzitshoni.

2 Vatesalonika 2:4

Uye a wugelago satshavbo, a dzi gira khongolo nya silo satshavbo si ranwago khu vathu khavo vanungungulu. A na dzega ni Nyumba ya Nungungulu, a dzi gira uye nungungulu.

Gutuledwa 16:19

Lidhoropa nya likhongolo li di pandrega khu sipandre siraru, madhoropa ya va nya mayigo ma gu khungumuga. Nungungulu a di dundruga Bhabhiloni nya gukhongolo a gu sedza gikombe nya guvile khu vbinyu nya likhulo laye.