Jeremiya 48:2 - Bhibhiliya Nya Guage

² Wudhumo wa Mowabhi wu vbede; khu Hesibhoni, valala va di luga gikungo nya gu mu dwanise, khavo: Hongoleni hi fuvise vathu vava, litigo lawe li si vegwi gambe tengoni nya mayigo. Uwe nuwe Madimeni, kha wu na ganela gilo; kholu nyimbi yi ngu landra khu hwane gwago.

Jeremiya 48:2 Iomraidhean Croise

Isaya 15:1

Aya khu mahungu mayelano khu Mowabhi: Khu wutshigu wumowo basi, gu di pfhungumudwa lidhoropa la Ari wa Mowabhi; khu wutshigu wumowo basi, Kiri wa Mowabhi, di pfhungumudwa gu khala giwula.

Isaya 15:5

Monyo wangu wu ngu lila khu kotani ya Mowabhi; vathu vaye nya guthavisege, va thavede tigoni ga Zowari, gu fanana ni gimombyana nya myaga miraru; kholu va gu lila na va gu gwela khu gigomo gya Luwiti, va gimbila na gu womba huwa khu ndzila yiyago Horonayimi, na va guwomba dzihuwa nya wuvi.

Isaya 16:14

Khu guralo, Pfhumu Nungungulu a ngu ganela, khuye: “Ndrani nya myaga miraru, a gu myaga yi fananago ni ya muthu a thodwego gu yi thuma, wudhumo wa Mowabhi ni gidzemo gyaye nya gingi, wu na poyidwa; ni mitshaledwa yaye yi na bani yiri yidugwana na yiri mwalo tshivba.”

Isaya 25:10

Kholu gyandza gya Pfhumu Nungungulu, gi na handzegwa vbatshani nya gigomo gegi; aholu Mowabhi, a na gandredzedwa avbo a guromo, kha nga idzo va gandredzelago khidzo mwasi talani nya ndzilo.

Jeremiya 25:15

Kholu Pfhumu Nungungulu wa Israyeli, a nyi embede kharati, khuye: “Dzega mandzani gwangu gikombe gegi nya vbinyu gi tadego khu likhulo langu u ya sedza mayigo yatshavbo nyi na gu rumelago umo.

Jeremiya 25:17

Nyi di hakha gikombe khu mandzani ga Pfhumu Nungungulu nyi ninga ma sela mayigo yatshavbo aya Pfhumu Nungungulu a nga nyi rumelago gwawe, a gu aya:

Jeremiya 31:36

Pfhumu Nungungulu a ngu ganela, khuye: “Milayo yeyi ya gu fuva mbeli gwangu, khavbo nugo lihundzu la na Israyeli li na fuvago li si khali gambe litigo mbeli gwangu kala gupindruga.”

Jeremiya 33:24

“Uwe u ngu wona nya gukhuwe vathu vava va ngu ganela, khavo: Pfhumu Nungungulu a pfhurarede mafumbu yaya ya mavili a ma hathidego, gani? Va gu hega vathu vangu, va gira gukhwatshi vathu va nga bani vari mwalo litigo mbeli gwawe.”

Jeremiya 46:28

Pfhumu Nungungulu a ngu ganela, khuye: U nga thavi, uwe githumi gyangu Jakobe, kholu eni nyi nago, nyi na mbembisa mayigo yatshavbo umo nyi nga gu phalalegiselago umo, gasi uwe, kha nyi na gu mbembisa, nyi na gu tsayisa khu lipimo kha nyi na gu diga nyamba gu tsayisa khu tshivba.

Jeremiya 48:17

Pwelani gisiro Mowabhi, ni enu mwatshavbo vaakelane vaye ni enu mwatshavbo mu litigo lina laye; ganelani, khenu: “Li fanyegide kharini lipitso leli nya tshivba, ndronga nya wudhumo!”

Jeremiya 48:42

Litigo la Mowabhi li na fuviswa, kholu va wugede Pfhumu Nungungulu.

Jeremiya 48:45

Vale va nga bani va tutuma, va di vbela tshivba va ema mutsani ga Hesibhoni, aholu, nilo wu di duga khu Hesibhoni, ni malavbelavbe, ma dugede vbakari ga Seyoni; wu dagaredzisa ndzari ya Mowabhi ni mihungo nya vathu nya gugole mayunga.

Jeremiya 49:3

Womba huwa uwe Hesibhoni, Wombani huwa enu vanyamahegyane va Rabha! Ambalani silendra mu lila! Dzundrulugelani eno ni eno, kholu Malikani a na vbagedwa a yiswa wugumbini gumogo ni vaphasi vaye nya mhamba ni dzindruna dzaye.

Jeremiya 49:37

Va na Elamo nyi na va gira va ndrendremela mbeli ga valala vawe ni mbeli ga vale va vbwetago gu va songa, nyi na gugumugisa likhulo langu, nyi na va resela dzimhango a ngu ganela Pfhumu Nungungulu. Va na Elamo nyi na va gira va tedwa khu mhango; nyi na gugumugisa likhulo langu, va na songwa khu matshari, kala va fuviswa.

Mitengo 32:37

Va na Rubheni va di vbaha madhoropa ya Hesibhoni, Eleyali ni Kiriyatiyimi;