Jeremiya 48:17 - Bhibhiliya Nya Guage

¹⁷ Pwelani gisiro Mowabhi, ni enu mwatshavbo vaakelane vaye ni enu mwatshavbo mu litigo lina laye; ganelani, khenu: “Li fanyegide kharini lipitso leli nya tshivba, ndronga nya wudhumo!”

Jeremiya 48:17 Iomraidhean Croise

Dzindzimo 110:2

Pfhumu Nungungulu a guromo Siyoni a na tiyisa ndronga nya wufumu waye a ganela, khuye: “Fuma vbakari ya valala vago.”

Isaya 10:5

Libango ga Asiriya, lipitso nya likhulo langu! Kholu likhulo langu, la gu fanana ni ndronga mandzani gwaye!

Isaya 14:6

Yile yi nga bani yi veta vathu khu dzihanyi, a va thela dzimbanga nyamba vbola, a fumela mayigo khu gigaha, a va tshanisa nyamba himbedzedwa khu muthu.

Isaya 16:8

Kholu marembwe ya Hesibhoni ni lithembwe la Sibima, ma wunide; vafumeli va mambe mayigo va pilede matamo nya misimbo nya yadi, ma nga nava kala dhoropani ga Jazeri, ni giwulani; matamo yaye ma navide kala khisikheyi nya yiphwa.

Isaya 9:4

Kholu u fanyide kanga wu nga bani wu gu va lemela, ni lipitso li nga bani li va bayisa magata, ni ndronga ya mutshanisi wawe, u si fanyeledzede gukhwatshi wa gu fanya tshivba ya Vamedhiyani.

Jeremiya 48:39

Nga wonani idzo a khungumudwego khidzo Mowabhi! Dzitshoni basi ni gililo! Khu gu wona idzo a thegidego khidzo khu nyagihwane! Mowabhi khade gilo nya guthise ni gihegiso, vbakari nya vaakelane vaye!