Jeremiya 48:12 - Bhibhiliya Nya Guage

¹² Khu guralo, wonani ma nguta matshigu, a ngu ganela Pfhumu Nungungulu: Nyi na rumelago vavbaladzeli va nata wegedzago va vbaladza dzikhali dzawe, va pandrelela ni maphiso yakone.

Jeremiya 48:12 Iomraidhean Croise

Dzindzimo 2:9

U na ma pandra khu ndronga nya dzisimbi, u na ma khungumulela kha nga kanvu nya libumba.

Isaya 16:2

Kholu khu bambe nya tsongo wa Arinoni, vanyamahegyane va Mowabhi, va na tutuma khu eno ni eno gufanane ni sinyoni si phalalegisidwego khu sihagani gwawe, khavo:

Isaya 30:14

Pfhumu Nungungulu a na pandrelela kha nga idzo yi pandrwago khidzo khali nya libumba a yi phwathisela nyamba yi tsetsa, yi tshala khu sindzengele nya sidugwana, gu si manegi ni gimwegyo nya gu vbale khigyo nilo mwendro gu rega khigyo mati namboni.

Jeremiya 14:3

Vathu vawe nya guthavisege va gu ruma sithumi sawe guya rega mati, aholu avo kha va ma mani kholu milamboni gu bangide; va bwelela ni dzikhali nya maphanga, va poyilega khu dzitshoni, va fenengedza mihungo.

Jeremiya 19:10

Khu gulandrela u na pandra khali na wu gu wonwa khu vathu va gu bangaladzago;

Jeremiya 25:34

Lilani enu vahavisi nya tshambi, ni gu womba dzihuwa; enu nenu vathangeli nya mitshambi, puluwundrani ngumani, kholu litshigu lanu nya gusongwe ni guphalalegiswa li vbohide, nyi na mi pandra mu thega nga kanvu nya lisima.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 48:11

Mowabhi gukhugela wudzahani gwaye a di vbanya gurulani, khade nga wadwa nya dziuvha wu vegwago ni gisese gyaye nyamba hutwa, gima wa sa thedwa ga gimbe gyombo, ambari gu yiswa wugumbini; khu guralo, gutshamba gwaye gu di simama, ni gunungela gwaye kha gwa vbindrugedza.

Jeremiya 48:13

Mowabhi a na thedwa dzitshoni khu nungungulu waye Kemosi, kha nga Israyeli a nga thedwago dzitshoni khu Bheteli, a gu nungungulu waye a nga bani a gu mu tumba.

Jeremiya 48:15

Va na Mowabhi va sasedwe va vbela, ni madhoropa yawe ma ngu khungumudwa; madzaha yawe nya yadi ma ngu ya gusongwatunu; a ngu ganela Mufumeli, lina laye a gu uye Pfhumu Nungungulu nya Tshivba Yatshavbo.

Jeremiya 48:38

Vbatshani nya dzilangwe nya dzinyumba dza Mowabhi gumogo ni dzindzilani gwaye, gu pwala dzihuwa, kholu Mowabhi, nyi mu pandride kha nga kanvu nyamba phasa gilo! A ngu ganela Pfhumu Nungungulu.

Jeremiya 48:8

Kholu musaseli a nata sasela madhoropa yatshavbo; li mwalo ni limwedo li na vbulugago, mikova yi na guledzedwa ni lipani li na ghohetedwa, kholu Pfhumu Nungungulu ganede.

Nahume 2:2

Kholu Pfhumu Nungungulu a na resa nyaluphye wugulu wa Jakobe ni wudhumo wa Israyeli. Kholu vaphangi va phangide ni gu ghohetela marembwe nya miuvha yago.