Jeremiya 48:11 - Bhibhiliya Nya Guage

¹¹ Mowabhi gukhugela wudzahani gwaye a di vbanya gurulani, khade nga wadwa nya dziuvha wu vegwago ni gisese gyaye nyamba hutwa, gima wa sa thedwa ga gimbe gyombo, ambari gu yiswa wugumbini; khu guralo, gutshamba gwaye gu di simama, ni gunungela gwaye kha gwa vbindrugedza.

Jeremiya 48:11 Iomraidhean Croise

Dzindzimo 123:4

Gale na hi gu hodziswa mbukuta khu va nya gu khadzisega ni gu nyenywa khu va nya matshandza!

Dzindzimo 55:19

Nungungulu a na nyipwa, a va tshisa vbavbatshi, Uye a khadego vbagikhalotunu nya wufumu kala gupindruga; kholu avo va mwalo lipindru nya guvbindrugedze, kholu kha va thavi Nungungulu.

Mavingu 1:32

Kholu sipumbu si nafa khu gumba yingisa gwawe, ni va nyambana mapimo, va na dzi kembela liphala khu gumba dzi garadza khu gilo.

Isaya 16:6

Hi pwide na gu ganedwa khu matshandza ya Mowabhi, gu dzi khusedza gwaye ni gigaha gyaye; gambe gu ghwira gwaye khwa mahala.

Isaya 24:3

Mafu ma na khala giwula nya guvbelele, kholu Pfhumu Nungungulu ganede magana yaya.

Isaya 25:6

Gigomoni momu, Pfhumu Nungungulu nya Tshivba Yatshavbo, a na dongisela buzo nya khongolo ga vathu vatshavbo va tigoni, buzo nya nyama nya gunone, ni vbinyu nya gutshambe gwadi, guhodza nya mafura nya guphudwe gwadi, vbinyu nya guvave nya gutshambe gwadi.

Jeremiya 22:21

Nyi ganede nago na si nga gu gu gimbilela gwadi, aholu u di ganela, khuwe: “Kha nyi na nga yingisa.” Gukhugela wudzhahani gwago, mapimo yago ma di khala kharati; gima kha wa nga yingisa lito langu.

Jeremiya 48:12

Khu guralo, wonani ma nguta matshigu, a ngu ganela Pfhumu Nungungulu: Nyi na rumelago vavbaladzeli va nata wegedzago va vbaladza dzikhali dzawe, va pandrelela ni maphiso yakone.

Jeremiya 48:29

Hi pwide na gu ganedwa khu matshandza ya Mowabhi, gu dzi khusedza gwaye ni gu vega vbavbatshi vambe vathu, khu matshandza ya monyoni gwaye.

Jeremiya 51:34

Nabhukodhonosori, mufumeli wa Bhabhiloni a nyi hodzide, bwelo khavbo a nyi gandredzela, a nyi gira nga kanvu nya liphanga, a nyi midza nga mwamilambo, a tadza gisusu gyaye khu silo sangu nya sadi, bwelo khavbo a nyi dzudzuga hwindzo.”

Nahume 2:10

Lidhoropa la Ninivha liphanga! Li mwalo gambe, li mbembisidwe, li khade marumbi; monyo wu rerekide, dzikhungumudzi dza gu khuyugela ni siwunu sawe satshavbo sa gu ndrendremela ni dzikhovbe dzawe dzatshavbo dzi thuvigide.

Nahume 2:2

Kholu Pfhumu Nungungulu a na resa nyaluphye wugulu wa Jakobe ni wudhumo wa Israyeli. Kholu vaphangi va phangide ni gu ghohetela marembwe nya miuvha yago.

Sofoniya 1:12

Khu gikhati gyogyo, nyi na setsha gwadi Jerusalema nyi mu wenga khu myenge gasi gu tsayisa vale va gu ghaghaa vbamagimbatunu gwawe, va khalago na va levide khu vbinyu, va ganela khu myonyoni gwawe, khavo: Pfhumu Nungungulu kha kodzi gu gira gilo nya gyadi ambari nya guvivbe.

Zakariya 1:15

Gambe nyi ngupwa likhulo nya likhongolo ngudzu khu kotani nya mayigo ma guromo gukhadzisegani; kholu avbo eni nyi nga bani nyi gorogide vbadugwana khu kotani nya vathu vangu, ayo ma di engedzela gu gira guvivba.