Jeremiya 47:4 - Bhibhiliya Nya Guage

⁴ kholu litshigu nya gumbembiswe Vafilisitiya vatshavbo li vbohide, li segela ni ndzila madhoropa ya Tiro ni Sidhoni, ni mayigo yatshavbo ma tshadego ma mu phasedzelago. Pfhumu Nungungulu a na mbembisa Vafilisitiya va tshadego gidwani gya Kafitori.

Jeremiya 47:4 Iomraidhean Croise

Genesi 10:15

Khanani khuye babe wa Sidhoni, gyanana gyaye nya matiwula, ni Heti,

1 Dzikoronika 1:12

Ni va na Patrusi, Kasilusi (nyapandre wa Vafilistiya) ni Vakafitori.

Joba 9:13

Nungungulu kha na bosa likhulo laye, ni vaphasedzeli va Egipito va na dzi nogisa mbeli gwaye.

Dzindzimo 37:13

aholu Pfhumu a na mu hega, kholu a ngu wona gukhuye matshigu yaye ma vbohide.

Isaya 10:3

Mu na khenu ginani khu litshigu nya tsayiso, gingulu gi ngu guta khu hwindzo? Mu na thavela ga mani gasi guya lomba guphaswa? Dzithomba dzanu mu na dzi vega hayi?

Isaya 14:31

Womba huwa uwe nyangwa, lila uwe lidhoropa, ndrendremelani enu Vafilisitiya mwatshavbo; kholu, gu nguta wutshi khu Wuronga, ni moyo a nga khugi khu wulangani gwaye.

Isaya 20:6

Khu litshigu lolo, vathu va vbanyago khu khisi-kheno nya yiphwa, va na ganela, khavo: “Nga wonani iso si giregidego ga vale hi nga bani hi va tumba avbo hi nga bani hi alakanya gu mana giphaso khu gu hi vhikela ni gu hi vbulugisa ga mufumeli wa Asiriya! Olu hi na dzi vbulugisa kharini?”

Isaya 31:8

Asiriya a na sasedwa khu matshari ma si gu ya muthu, a na mbembiswa khayo, a na tutuma a thava gusasedwa khu matshari. Madzaha yaye ma na padwa ma rwegwa mithumo nya gulemele.

Jeremiya 46:10

Kholu eli khilo litshigu li lumbago Mune, Pfhumu Nungungulu nya Tshivba Yatshavbo. A na bani nari litshigu nya guphodze, a dzi phodzela ga valala vaye; matshari ma na sasela kala ma kodwa, ma na leva khu novba wawe; kholu Pfhumu Nungungulu nya Tshivba Yatshavbo, a na ni phaso nya mhamba tigoni ga Wuronga, bambe nya tsongo wa Ewufrate.

Ezekiyeli 21:25

Uwe muthangeli wewe wa Israyeli, muthu nya guvivbedwe khu monyo ni gumba thava Nungungulu, litshigu lago li nguta, ni gikhati nya tsayiso wago nya mahegiso gi ngu vboha;

Ezekiyeli 21:29

gasi li vegwa thamoni ga va nya gu dzi nyenyezisa ni va nya guvivbedwa khu myonyo, avo litshigu lawe ni gikhati nya tsayiso wawe nya guhegise gi vbohidego, na va gu gu wonisa siwoniso nyamba phasa gilo, ni gu sasuledza malipha.

Ezekiyeli 25:16

khu guralo, Mune Pfhumu Nungungulu, a ngu ganela kharati, khuye: Nyi womo vbafuvbi ni gu khusedza libogo langu nyi wugela Vafilistiya. Nyi na mbembisa Vakereti ni gu mbembisa vale va nga tshalago siwoni.

Ezekiyeli 30:8

Va na dziti gukhavo eni kheni Pfhumu Nungungulu, avbo nyi na vbisago Egipito khu nilo, ni gikhati va na gu mbembiswago vatshavbo vale va nga bani na va gu mu phasedzela.

Ezekiyeli 7:12

Gu vbohide gikhati, litshigu li vbohide. Murengi a nga nengeli, ambari murengisi a nga khuveki; kholu likhulo lomo vbatshani ga gidzemo gyatshavbo.

Hoseya 9:7

Ma vbohide matshigu nya tsayiso, mayo ni moyo a na hakhago tshatshazelo yaye. Israyeli gu vbwetega a mati. Khu kotani nya sighoho nya singi, ni livengo lanu nya lingi, mwari khenu, muprofeti handrugide, gipumbu, a na ni liphuvbo nya guvbe. Khu kotani nya sighoho sago nya singi, uwe Israyeli ni gu engedzelana nya livengo lago.

Amosi 9:7

Ina enu va na Israyeli, avbo gwangu kha mu khali kha nga sanana nya Vaetiyopiya, gani kha nga idzo nyi golago khidzo Vaetiyopiya, gani? A ngu ganela Pfhumu Nungungulu. Ina kha nya dusa va na Israyeli khu tigoni ga Egipito, ni Vafilisitiya khu tigoni ga Kafitori, ni Vaasiriya khu tigoni ga Kiri, gani?

Luka 21:22

kholu matshigu yoyo khya gu dzi phodzela, gasi gu tadzisega satshavbo iso si nga lowago.

Dhewuteronome 2:23

Vakafitori navo, va nga dugago khu tigoni ga Kafitori va di mbembisa Vahavhi, va nga bani va vbanya sidhoropanani nya guye kala Gaza, va khala avo wulangani gwawe.

Josuwa 22:30

Avbo va nga pwago magana ya sanana sa Rubheni, sa Gadhi ni ya gipandre nya lihundzu la na Manasi, muphasi nya mhamba Fineya, vathangeli nya tshangano ni vathangeli nya sikwata nya likhumi mazana (1.000) sa va na Israyeli, va nga bani vari gumogo naye, va di nengela.