Jeremiya 47:2 - Bhibhiliya Nya Guage

² Pfhumu Nungungulu a ngu ganela kharati, khuye: “Wonani nya gukhenu mati ma khugago khu Wuronga, ma gu goga nga tsongo wu tutumago, wu langaladza litigo latshavbo ni satshavbo si guromo umo, ma na taledwa madhoropa ni vavbanyi vaye. Vathu va na womba dzihuwa, ni vatshavbo vavbanyi va mafuni va na lila,

Jeremiya 47:2 Iomraidhean Croise

Dzindzimo 24:1

Litigo la gu lumba Pfhumu Nungungulu, ni satshavbo si guromo ga ilo, mafu ni vatshavbo va vbanyago mafuni.

Dzindzimo 50:12

Nari pwani nya gupwa ndzala, khandruwe nyi nga hadza gu gu embela, kholu litigo ni satshavbo si guromo umo khyangu.

Dzindzimo 96:11

Gu na tsake ndzadzini, mafuni gu nengela, Gu na dzume linene ni satshavbo si guromo ga ilo.

Dzindzimo 98:7

Li na dzume linene ni satshavbo si guromo umo, litigo ni satshavbo si vbanyago umo;

Isaya 14:31

Womba huwa uwe nyangwa, lila uwe lidhoropa, ndrendremelani enu Vafilisitiya mwatshavbo; kholu, gu nguta wutshi khu Wuronga, ni moyo a nga khugi khu wulangani gwaye.

Isaya 15:8

kholu huwa yawe yi pwade kala ni mivbinganoni nya litigo la Mowabhi; lito nya gulile gwawe, li pwade kala Egilayimi ni Bheheri-Elimi.

Isaya 22:1

Egi gitiviso ga kova nya Giwoniso gi gukhigyo: Gasi olu enu, ginani gi mi garadzago, gu kala mwatshavbo mu thavela vbatshani nya dzinyumba?

Isaya 28:17

Nyi na lamula khu pimo nya gululame, lipimo nya gupime ndzari, ni maralala ma na vbiyela wuthavelo nya malipha, ni wuthavelo wawe wu na taledwa khu mati.

Isaya 59:19

Khu guralo, gukhugela Muhwadambo, vathu va na ninga githawo lina la Pfhumu Nungungulu, gukhugela Khugadambo, va na ninga githawo wudhumo waye, avbo nala a tago kha nga mati ma khulungago khu tshivba, Liphuvbo la Pfhumu Nungungulu li na mu tutumisa.

Jeremiya 1:14

Pfhumu Nungungulu a di nyi embela, khuye: Mhango yi nata khu Wuronga ga vavbanyi vatshavbo va tigoni.

Jeremiya 46:12

Mayigo yatshavbo ma pwide dzitshoni dzago, dzihuwa dzago dzi pwade tigoni gwatshavbo, ndrena yago yi dzi tshunganiside ni ndrena yikwawe, dzi thega gumogo dzatshavbo.

Jeremiya 46:13

Avbo Nabhukodhonosori, mufumeli wa Bhabhiloni, a nga vbweta guta ata sasela litigo la Egipito, Pfhumu Nungungulu a di rumela magana yaya ga Jeremiya, khuye:

Jeremiya 46:20

Egipito, a gu fanana ni gimombyana nya wumburi, aholu, li nguta libhawa khu rongatunu li ta mu hodza.

Jeremiya 46:24

nyamahegyane wa Egipito, a na thega dzitshoni, a na ningedwa mandzani ga litigo la Wuronga.”

Jeremiya 48:39

Nga wonani idzo a khungumudwego khidzo Mowabhi! Dzitshoni basi ni gililo! Khu gu wona idzo a thegidego khidzo khu nyagihwane! Mowabhi khade gilo nya guthise ni gihegiso, vbakari nya vaakelane vaye!

Jeremiya 6:22

Pfhumu Nungungulu a ngu ganela kharati, khuye: “Wonani vathu vatago khu litigo la Wuronga, litigo nya likhongolo li na dugela mahegiso nya mafu.

Jeremiya 8:16

Gukhugela Dhani gu pwala ligwaha nya dzikavalu; litigo latshavbo li ngu tsekatseka khu kotani nya lito lawe; va nguta vata mbembisa litigo ni satshavbo si guromo umomo, lidhoropa gumogo ni vatshavbo va vbanyago umo.

Dhaniyeli 11:22

A na pala dzinyimbi dzi mu saselago a dzi phalalegisa mbeli gwaye; va na mbembiswa gumogo ni muthangeli nya gidzumeledzwano.

Nahume 1:8

aholu khu ndrambi nya gukhulunge, a na mbembisa khu gumogo basi wulanga wowu nya lidhoropa; khu gidema a na lundra valala vaye.

1 Vakorinto 10:26

kholu litigo ni silo satshavbo sa tigoni sa gu lumba Pfhumu.

1 Vakorinto 10:28

Aholu wa gu embedwa khu muthu, khuye: “Wona gukhuwe eyi nyama nya guphasedwe vanungungulu nya malipha,” u nga hodzi khu kotani nya guninge githawo mahingigedzo ya wule a nga gutivisa.

Jakobe 5:1

Olu, enu sitetema, upwani! Lilani, mu wombe dzihuwa khu kotani nya sisaniso mu na si wonago.

Gutuledwa 17:1

Yi dita ngilozi mweyo nya dzile nya livbandre na dzimbili dzi nga bani dzi pharide livbandre na sivili sikombe, yita ganela ni eni, khiyo: “Delu eno, nyi gu nonedza gu lamudwa nya gibhayi gikhongolo gi khalago wubambe nya mati nya linene,

Gutuledwa 17:15

Ngilozi yi di nyi embela gambe, khiyo: “Mati u nga ma wona ma na khaledwe khu nyamayi nya gibhayi khu mafumbu, sidzemo ni mayigo ni malimi.