Jeremiya 46:7 - Bhibhiliya Nya Guage

⁷ Gasi ginani egi gi gugumugago gu fanana ni tsongo wa Nilo, gi khulungago gu fanana ni mitsongo nya yikhongolo?

Jeremiya 46:7 Iomraidhean Croise

Gizimba 3:6

Wuyelelo —Gasi ginani egi gi tago khu giwulani nya nga madingo nya wutshi, nya nga gunungela nya mafura ni libani, nya gufanane ni mafura yatshavbo ya varengisi.

Gizimba 8:5

Wuyelelo—Gasi khu mani oyu a gwelago giwulani na wugaredwe magatani ya gigodwa gyaye?

Isaya 63:1

Khu mani muthu yoyu atago khu dhoropani ga Bhozira, tsindza wa Edhomi, na ambade dzingandzu nya gufuvile? Oyu a ambadego dzingandzu nya wuzundzo a gimbilago na tade khu tshivba yaye nya yikhongolo? Kheni oyu nyi ganelago khu gululama, na nyiri ni tshivba nya guvbanyise.

Jeremiya 47:2

Pfhumu Nungungulu a ngu ganela kharati, khuye: “Wonani nya gukhenu mati ma khugago khu Wuronga, ma gu goga nga tsongo wu tutumago, wu langaladza litigo latshavbo ni satshavbo si guromo umo, ma na taledwa madhoropa ni vavbanyi vaye. Vathu va na womba dzihuwa, ni vatshavbo vavbanyi va mafuni va na lila,

Ezekiyeli 32:2

“Mwamana wa muthu, emba ndzimo nya gililo nya gulile Faro, mufumeli wa Egipito, u mu embela esi, khuwe: U di gu fanana ni ginghalana vbakari nya mayigo, narigu uwe wa gu fanana ni ngona ya mitsongoni, u hambelago mitsongoni gwago, u ghunvungago mati khu migondro yago; u nyenyezisa mitsongo.

Dhaniyeli 11:10

Sanana saye si na tombana va gira gikwata nya gikhongolo nya masotshwa; va wusa nyimbi, moyo wawe a na tsemakanya vbingano nga ndrambi nya mati, bwelo khavbo a wuya ata sasela makhokhola ya mufumeli wa Marandzi.

Dhaniyeli 11:22

A na pala dzinyimbi dzi mu saselago a dzi phalalegisa mbeli gwaye; va na mbembiswa gumogo ni muthangeli nya gidzumeledzwano.

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Amosi 8:8

Khu kotani nya isoso, ina litigo kha li na tsekatseka, ni vatshavbo va vbanyago umo, kha va na lila, gani? Litigo leli latshavbo li na khugega nga tsongo nya wukhongolo Nilo, li na khugega bwelo khavbo li bosa nga tsongo wa Egipito.

Gutuledwa 12:15

Nyoga yi di landra nyamayi khu hwane, yi gamba khu kanani gwaye talo nya mati kha nga tsongo, gasi gu langaladza nyamayi, ma mu ndrindra khu mwedzi.