Jeremiya 46:6 - Bhibhiliya Nya Guage

⁶ Muthu nya mazambo kha kodzi guthava, ndrena niyo kha yi na vbuluga! Khu Wuronga nya tsongo wa Ewufrate, va di tshunganela va thega.

Jeremiya 46:6 Iomraidhean Croise

2 Dzipfhumu 23:29

Matshiguni gwaye, Faro-Neko, mufumeli wa Egipito, a dita dhumela mufumeli wa Asiriya, tsongoni wa Ewufrate; mufumeli Josiya, a di mu khinga; avbo Faro-Neko a nga mu wona a di mu songa tigoni ga Megidhu.

2 Dzipfhumu 24:7

Mufumeli wa Egipito, gima kha nga duga gambe ni masotshwa khu tigoni gwaye, kholu mufumeli wa Bhabhiloni, a di dzega satshavbo iso si nga bani si gu lumba mufumeli wa Egipito, gukhugela tsongo wa Egipito, kala tsongoni wa Ewufrate.

Dzindzimo 27:2

Gikhati sighevenga si nyi randrelago, gasi gu tsagudzela nyama yangu; Khavo valala vangu va nyi nyenyago, va tshunganelago va thega.

Muhevbudzi 9:11

Nyi di bwelo khavbo nyi wona gambe mafuni momu, kheni: Mapalisanatunu, khandri vale va gu na ni mazambo va pilago pfhuka, khandri va nya tshivba va palago nyimbitunu, khandri vale nya gugengele va manago guhodza, khandri va nya guti va manago thomba, khandri vale va hevbudego va zundzwago, satshavbo si na ni gikhati si dugelelago khigyo.

Isaya 8:15

Nya vangi va na gyawe va na tshunganela va thega, va vbadzuledwa; va na modwa, khu naphwi va sindra ni gu dzi vbulugisa.

Jeremiya 1:14

Pfhumu Nungungulu a di nyi embela, khuye: Mhango yi nata khu Wuronga ga vavbanyi vatshavbo va tigoni.

Jeremiya 20:11

Aholu Pfhumu Nungungulu a na ni eni, kha nga ndrena nya tshivba; khu guralo, uye a na tshunganisa vatshanisi vangu vatshavbo va thega, va na poyidwa va tala khu dzitshoni; wusiwana wawe kha wu na vbela, gambe gima kha va na wu divala.

Jeremiya 25:9

wonani nya gukhenu nyi na mi rumelani mahundzu yatshavbo ya phuvbo ga Wuronga, a ngu ganela Pfhumu Nungungulu, nyi ramba ni githumi gyangu Nabhukodhonosori, mufumeli wa Bhabhiloni, nyi mu leletela gu sasela litigo ni vavbanyi vaye, ni mayigwana yatshavbo ya vbafuvbyana gwanu. Yatshavbo nyi na ma mbembisela muphelo, nyi mi vbindrugedza mu na khala gisamadziso nya guthise ni gihegiso, ni marumbi nyamba vbela.

Jeremiya 4:6

Ghwimbani ngavbya mu thonona Siyoni, thavani khu guvbiredza mu vbweta wulanga nya gusihale avbo! Kholu eni nyi ngu resa libango khu Wuronga, a gu gusasedwa nya gukhongolo ngudzu.”

Jeremiya 46:10

Kholu eli khilo litshigu li lumbago Mune, Pfhumu Nungungulu nya Tshivba Yatshavbo. A na bani nari litshigu nya guphodze, a dzi phodzela ga valala vaye; matshari ma na sasela kala ma kodwa, ma na leva khu novba wawe; kholu Pfhumu Nungungulu nya Tshivba Yatshavbo, a na ni phaso nya mhamba tigoni ga Wuronga, bambe nya tsongo wa Ewufrate.

Jeremiya 46:12

Mayigo yatshavbo ma pwide dzitshoni dzago, dzihuwa dzago dzi pwade tigoni gwatshavbo, ndrena yago yi dzi tshunganiside ni ndrena yikwawe, dzi thega gumogo dzatshavbo.

Jeremiya 46:16

Nya vangi va gu tshunganela va thega, moyo a thega vbatshani ga mumbe, va embeledzelana, khavo: Hongoleni hi wuge hi bwelele ga va na gyathu tigoni gwathu nya mavelego, hi thava matshari ma hi saselago.

Jeremiya 50:32

Matshandza yago ma na gu tshunganisa u thega nyamba mana wago nya gu gu wuse. “Nyi na khondrisa nilo madhoropani gwago, si dagarela satshavbo si guromo umo.”

Jeremiya 6:1

Enu sanana sa Bhejami, thavani vbakari ga Jerusalema; wombani pundru tigoni ga Tekowa, khusedzani giyeyedzo nya nilo tigoni ga Bheti-Hakerimi; kholu libango li nguta ni valala khu phuvbo ga Wuronga ni wusaseli nya wukhongolo.

Dhaniyeli 11:19

A na zama gu sihala makhokholani ya tigoni gwaye, aholu va na mu tugula, va mu songa, a fuvisa muphelo.

Dhaniyeli 11:22

A na pala dzinyimbi dzi mu saselago a dzi phalalegisa mbeli gwaye; va na mbembiswa gumogo ni muthangeli nya gidzumeledzwano.