Jeremiya 46:5 - Bhibhiliya Nya Guage

⁵ Gasi ginani nyi gi wonago? Vatshavbo va gu khala hwanga, dzindrena dzawe dza gu thava dzi tutuma, nyamba khedza hwane, maphuvbo yatshavbo gupwala nyenganyenga basi, a ngu ganela Pfhumu Nungungulu.

Jeremiya 46:5 Iomraidhean Croise

Genesi 19:17

Na dzi gu mu dusa vbavbandze, dzi di mu embela, khidzo: “Vbanyisa womi wago! U nga khedzisi hwane gwago, gambe u nga emi wulanga panini, thavela gigomoni gasi u si mbembi!”

Isaya 13:8

Va na thurugiswa ngudzu; va modwa khu sigaradzo, va saniseka gu fanana ni nyamayi nya gulumwe, va na khedzisana khu gyawe na va gu samala, dzikhovbe dzawe dzi ngangamela kha nga nilo.

Isaya 19:16

Khu litshigu lolo, Vagipiti va na fanana ni vanyamayi, va na ndrendremela va thava gu vetwa khu gyandza gya Pfhumu Nungungulu nya Tshivba Yatshavbo, a gi khusedzidego gasi gu va wugela.

Isaya 42:17

Va na lundrwa, va bwelela hwane na va tade khu dzitshoni, avo va tumbago sifananiso nya guvatwe, khavo: Enu khenu vanungungulu vathu.

Isaya 5:25

Khu satshavbo sesi, likhulo la Pfhumu Nungungulu li na khondra vbatshani ga vathu vaye, a handzega gyandza gyaye vbatshani gwawe, a va songa; sigomo si na ndrendremela, ni sirumbi sawe si na gira kha nga matala vbakari nya dzindzila; ambari khu satshavbo sesi, likhulo laye kha li na bwelelela hwane, a nga na gu khusedza gyandza gyaye, a va sasela.

Jeremiya 20:10

Kholu nyi dipwa gidzemo na gi gu lemba, khigyo: “Khu maphuvbo yatshavbo hi randredwe khu sighevenga! Mu thuledzeni! Hongoleni hi mu thuledze!” “Avo va nga bani vari dzipari dzangu, va gu khedzisela guthega gwangu, va ganela, khavo: Ha gu mu tshunganisa hi na mu mana, hi kodza gu dzi phodzela.”

Jeremiya 46:15

Khu ginani gu nga khungumudwa ndrena yago, nungungulu wago nya tshivba? Kha dzi kodza gu simama gu ema, kholu khungumudwe khu Pfhumu Nungungulu.

Jeremiya 46:21

Masotshwa nya guthodwe vbakari gwaye, ma gu tsakisa nga simombyana nya gunone; ayo nayo, ma bwelede khu gu tutuma ma tandrega gu mu vhikela, kha ma tiya, kholu litshigu lawe nya gumbembiswe li vbohide, gumogo ni gikhati nya tsayiso wawe.

Jeremiya 49:29

Phangani mitshatsha yawe ni mitshambi yawe, ni myendra nya makhuvi yawe gumogo ni sombo sawe satshavbo, mu phanga gambe ni dzingameriya dzawe; va theleni hwanga khu maphuvbo yatshavbo!

Jeremiya 49:5

Wona nya gukhuwe nyi na gu resela libango, li na gutago khu ga vaakelane vago li ta mu phalalegisa, a ngu ganela Mune Pfhumu Nungungulu nya Tshivba Yatshavbo, muthu ni muthu a na dzega ndzila yaye; mwalo a na gu tombanisa avo va thavago.

Jeremiya 6:25

U nga dugi uya mahangeni ambari gu gimbila khu dzindzila, kholu nala a na ni litshari, malangani yatshavbo gu pwala dzihuwa.

Ezekiyeli 32:10

Nyi na gira gukheni vathu nya mayigo nya mangi va samale khu gu gu wona, ni vafumeli vawe va na ndrendremela khu gu wona esi si na gu gu dugelelago, gikhati li na vbindrago litshari langu khu mbeli gwawe; litshigu nya gukhungumudwe gwago vatshavbo va na thuruga va ndrendremela khu hwanga, muthu ni muthu a tsetsa womi waye.

Ezekiyeli 39:18

Mu na hodzani nyama nya dzindrena, ni gu sela novba wa vathangeli nya litigo, nya dzinvuta, nya dzihamba, nya dziphongo ni marole yatshavbo nya gunone ya Bhasani.

Nahume 2:8

Gukhugela gale Ninivha a di gu fanana ni litsiva nya mati. Gasi olu va gututuma pwani: “Emani, emani!” Ambari va gu ranwa, gambe mwalo a na khedzago hwane.

Nahume 2:9

Phangani parata, phangani ndralama! Kholu thomba yaye kha yi vbeli; yi tade khu sombo nya lisima.

Sofoniya 1:14

Li ngu vboha litshigu nya likhongolo la Pfhumu Nungungulu, lomo vbafuvbi li nata khu guvbiredza. Upwani! Litshigu la Pfhumu Nungungulu li na bani liri la wuvi; ambari ni dzingwazi dzi na keta.