Jeremiya 46:27 - Bhibhiliya Nya Guage

²⁷ Gasi uwe, githumi gyangu Jakobe, u nga thavi, u nga khali hwanga, uwe Israyeli, kholu nyi na gu vbulugisa nyi gu wuyisa khu mayigoni yoyo ya hwindzo, ni livelego lago khu tigoni nya wugumbi; Jakobe a nata vbanyedza nyaluphye khu gurula, na tangade nyamba thurugiswa khu muthu.

Jeremiya 46:27 Iomraidhean Croise

Isaya 14:3

Litshigu Pfhumu Nungungulu a na gu bani a mi ningide guhefemula ga mithumo yanu yatshavbo, ga tshanisa yatshavbo, ni ga wugumbi watshavbo va mi giredego,

Isaya 43:1

Gasi olu, Pfhumu Nungungulu, oyu a nga gu vangago, uwe Jakobe, bwelo khavbo a wumba uwe Israyeli, a ngu ganela kharati, khuye: “U nga thavi, kholu eni nyi gu dzegiside, nyi gu ranide khu lina lago, uwe u wangu.

Isaya 43:5

Khu guralo u nga thavi, kholu eni nyi nago, nyi na wuyisa situgulwana sago gukhugela Khugadambo, nyi si tombanisa gukhugela Pfoladambo.

Isaya 44:1

Gasi olu, yingisa uwe githumi gyangu Jakobe, uwe Israyeli nyi gu hathidego.

Isaya 44:2

Pfhumu Nungungulu a nga gu girago, a gu wumbidego gukhugela ndrani ga mayi wago, uye a gu phasago, a ngu ganela kharati, khuye: “U nga thavi, uwe Jakobe, githumi gyangu, uwe Jesurumi nyi gu hathidego.

Jeremiya 23:6

Matshiguni yaye, Judha a na vbanyiswa, Israyeli a na vbanya na khadzisegide khu gurula; a na ningwa lina nya gupwani: “Pfhumu Nungungulu khuye gululama gwathu.”

Jeremiya 29:14

Pfhumu Nungungulu a ngu ganela kharati, khuye: Nyi na dzi wonegisa vbakari gwanu nyi wuyisa dzikhumbi dzatshavbo ni vatshavbo va phalalegidego mayigoni ni malangani gwatshavbo nyi mi yisidego, a ngu ganela Pfhumu Nungungulu, nyi bwelo khavbo nyi mi wuyisa ga wulanga nyi mi khusidego khavbo mu ya wugumbitunu.

Jeremiya 32:37

Wonani nya gukhenu nyi na va tombanisa va wuya khu mayigoni gwatshavbo nyi va phalalegisedego umo khu kotani nya likhulo langu, likhulo ni giviti gyatshavbo; nyi na va wuyisa wulangani wowu vata vbanya khu gurula ni gukhadzisega.

Jeremiya 33:16

Khu matshigu yoyo, Judha a na vbanyiswa, Jerusalema a na vbanya na tiyide, eli khu lina va na mu ranago khilo, khavo: “Pfhumu Nungungulu khuye Gululama Gwathu.”

Jeremiya 50:19

Israyeli nyi na mu wuyisa nyaluphye tigoni gwaye. Va nata hava gigomoni gya Karimelo ni gigomoni gya Bhasani, va na khura sigomoni sa Efrayimi ni Gileyadhi.

Jeremiya 51:46

Mu nga pilegi hwambo mu thava khu gupwa iso si na gu ganedwago tigoni ga Bhabhiloni, kholu khu mwaga yoyu, mu napwa esi; wumbe mupwa sile, ni ghudzeghudze tigoni, mufumeli a na wugela mufumeli kwawe.

Ezekiyeli 16:53

Khu guralo, nyi na wuyisa sibotshwa saye ni sa Sodhoma, gumogo ni sanana saye, ni sibotshwa sa Samariya, gumogo ni sanana saye, nyi wuyisa ni sibotshwa sago vbakari gwawe;

Ezekiyeli 36:24

Kholu nyi na mi dusani vbakari ga va nya mayigo, nyi mi tombanisa khu mayigoni gwatshavbo, nyi mi wuyisa tigoni gwanu nya mavelego.

Ezekiyeli 39:25

Khu guralo, Mune Pfhumu Nungungulu, a ngu ganela kharati, khuye: “Olu, nyi na bweledza va na Jakobe khu wugumbitunu; nyi bwelo khavbo nyi pwela gisiro va na Israyeli vatshavbo; nyi na khathalela lina langu nya guage.

Amosi 9:14

Nyi na wuyisa vathu vangu va na Israyeli khu wugumbitunu, va ta vbahedza marumbi nya madhoropa yawe, va khala umo. Va na yala miuvha, va sela vhinya yaye, va yala misimbo, va hodza mihandro yakone.