Jeremiya 46:25 - Bhibhiliya Nya Guage

²⁵ Pfhumu Nungungulu nya Tshivba Yatshavbo, Nungungulu wa Israyeli, a ngu ganela, khuye: Nyi na tsayisa Amoni wa No, Faro ni Egipito, vanungungulu vaye ni vafumeli vaye; nyi na tsayisa uye mune Faro ni vale va mu tumbago.

Jeremiya 46:25 Iomraidhean Croise

Ekisodha 12:12

Ni wutshigu wowo, nyi na vbindra tigoni ga Egipito, nyi na songa satshavbo sanana nya matiwula ya tigoni ga Egipito, nya vathu ni sifuyo; nyi na lamula vanungungulu vatshavbo va Egipito. Eni kheni Pfhumu Nungungulu!

Isaya 19:1

Gitiviso khu litigo la Egipito: Wonani gukhenu, Pfhumu Nungungulu, a nguta na khilede vbatshani nya lipfhi nya mazambo, ata tigoni ga Egipito. Sifananiso nya vanungungulu va Egipito, si na ndrendremela mbeli gwaye, ni myonyo ya Vagipiti yi na ghavata ndrani gwawe.

Jeremiya 44:30

Wonani nya gukhenu, Pfhumu Nungungulu a ngu ganela, khuye: “Nyi na ningela Faro-Hofira, mufumeli wa Egipito, mandzani ga valala vaye ni ga vale va vbwetago gu mu songa, kha nga idzo nyi nga ningelago khidzo Zedhekiya, mufumeli wa Judha, mandzani ga Nabhukodhonosori, mufumeli wa Bhabhiloni, nala a nga bani a vbweta gu mu songa.”

Jeremiya 49:3

Womba huwa uwe Hesibhoni, Wombani huwa enu vanyamahegyane va Rabha! Ambalani silendra mu lila! Dzundrulugelani eno ni eno, kholu Malikani a na vbagedwa a yiswa wugumbini gumogo ni vaphasi vaye nya mhamba ni dzindruna dzaye.

Ezekiyeli 30:22

Khu guralo, Mune Pfhumu Nungungulu, a ngu ganela kharati, khuye: Wonani nya gukhenu nyi ngu wugela Faro, mufumeli wa Egipito; nyi na mu fanya mawogo yaye ya mavili eli li gu ni tshivba, ambari lile li fanyegidego, nyi na thesa litshari li guromo mandzani gwaye.

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.