Jeremiya 46:22 - Bhibhiliya Nya Guage

²² Lito la Egipito la gu fanana ni lito nya nyoga ya gu bani yi thava, kholu, valala va ngu hidzimela vbafuvbi gwawe khu tshivba. Va mu tela ni sibhewula kha nga vathu va kokago misimbo.

Jeremiya 46:22 Iomraidhean Croise

Dzindzimo 74:5

Va gu gira kha nga vakoki nya dzikhuni va khusedzago sibhewula sawe, gasi gu koka misimbo khabini.

Isaya 10:15

Ina gibhewula gi ngu kodza gu dzi zundza ga uye a kokago khigyo, gani? Mwendro saroti yi ngu dzi wona na yiri ni tshivba guvbindra oyu a yi thumisago, gani? Isoso si di hadza gu gira gu lipitso li kutsunga libogo la wule a gu ni tshivba gu li vbindra, mwendro gighomba gi khusa wule a gi pharago!

Isaya 14:8

Ambari ni misimbo nya mindziri yi ngu tsaka, ni misena ya Libhanoni yi ngu samala, khiyo: Gukhugela avbo u thegidego, mwalo a tago a ta hi koka.

Isaya 29:4

U na theswa vbavbatshi, u na ganela nuri vbavbatshi nya mafu, lito lago khu vbavbatshi nya kudzudzwane, li na duga na liri mwalo tshivba, lito lago li na pwala vbavbatshi nya mafu li fanana ni lito nya gikono; li na womba ndrodzi khu vbavbatshi nya kudzudzwane.

Isaya 37:24

Khu magana ya sithumi sago, u vade Pfhumu, khuwe: Khu gutala nya dzikareta dzangu nyi gwede dzitshokhani nya sigomo, ni dzibambe dza Libhanoni; nyi pilela ni misimbo yawe nya gulaphe nya misena, ni misimbo nya wumburi nya mikiperesi u yi hathedego, nyi na vboha kala dzitshokhani gwaye nya gigomo, ni khabini gwaye nya gunone.

Jeremiya 46:21

Masotshwa nya guthodwe vbakari gwaye, ma gu tsakisa nga simombyana nya gunone; ayo nayo, ma bwelede khu gu tutuma ma tandrega gu mu vhikela, kha ma tiya, kholu litshigu lawe nya gumbembiswe li vbohide, gumogo ni gikhati nya tsayiso wawe.

Jeremiya 46:23

Pfhumu Nungungulu a ngu ganela, khuye: “Va di hagata magabi yawe ambari ma nga bani ma khumide, kholu avo vangi guvbindra mbasa tengo wawe kha wu valedwi khu muthu;

Mikeya 1:8

Khu kotani nya isoso, nyi na lila nyi bwelo khavbo nyipwa wuvi, nyi gimbila wumbwiri ni gumba ambala silato, nyi na lila nga lisolwa, nyi womba huwa kha nga dzimbowa.

Mikeya 7:16

Mayigo ma na si wona ma tala khu dzitshoni, khu kotani nya tshivba yago nya yikhongolo; va na vega nyala kanani, dzindzeve dzawe dzi na khala sivbwiri.

Zakariya 11:2

Lilani misimbo nya mipinyu, kholu yi thegide misedhari, va nya tshivba va thesidwe vbavbatshi; lilani miguhu ya Bhasani, kholu likhabi nya guthise lihagatidwe.

Josuwa 9:21

Manganagana ma di engedza, khayo: “Va na vbanye, aholu va na dzege thumo nya gupandre dzikhuni ni gu regela mati tshangano watshavbo.” Va di gira kha nga iso manganagana ma nga hungago.