Jeremiya 46:11 - Bhibhiliya Nya Guage

¹¹ Gwela Gileyadhi, uwe likendzi, nya nyamahegyane wa Egipito, u naya mana umo mafura nya gutole; wa gu dzi garadza khu gu vbweta mirendre nya gutale; gambe kha yi na gu hawulugisa.

Jeremiya 46:11 Iomraidhean Croise

Genesi 37:25

Khavbo avbo, va di khala vbavbatshi va hodza. Aholu na va khuside maho va di wona tsawa nya vasundzi va na Ismayeli na va guta khu Gileyadhi. Dzingameriya dzawe na dzi rwade mirwalo nya mafura ni mirendre nya guhambanelane na va gu hongola nayo tigoni ga Egipito.

Genesi 43:11

Babe waye, Israyeli, a di khuye gwawe: “A gu bani ari kharato, ma tshambide! Girani, kharati: Thelani somboni gwanu mihandro yile nya yadi ya tigoni gwathu mu ya ningani mwama yoyo kha nga ndruwo: Mafura, wulombe, mafura nya gunungele, dzimendrwa, mavbudzu ni dzikarusu.

Isaya 47:1

Tshiga vbavbatshi, u khala ngumani, uwe likendzi nyamahegyane wa Bhabhiloni; khala vbavbatshi; kholu u mwalo gambe gikhalo nya wufumu, uwe nyamahegyane wa Vakalidhiya, kholu gima khu na ranwa gambe pwani khuwe nya gu dzi gole ni gumbura.

Jeremiya 14:17

Gasi uwe, u na va embela magana yaya, khuwe: Khu mahoni gwangu gwa gu vbalaga marongo wutshigu ni mihani nyamba hegisa, kholu nyamahegyane nya likendzi wa Siyoni, a thedwe gilondra nya gikhongolo nya gimange.

Jeremiya 31:21

Vegani mitseneno ni misimbo nya gu layedze ndzila, khedzani gwadi mu gimbila khiyo. Li ngu wuya likendzi la Israyeli, li wuyela madhoropani gwaye.

Jeremiya 31:4

Eni nyi na gu vbahedza nyaluphye, uwe likendzi la Israyeli! U na wusedzwa! U bwelo khavbo u mburisedwa khu dzingoma dzago, u duga ni dzindzimo u ya hana ni avo va tsakago.

Jeremiya 51:8

Khu githugedza, Bhabhiloni thegide a khala marumbi; lilani khu uye, vbwetani rendre mu todze dzimbanga dzaye; mwendro saye a na hawuluga.

Jeremiya 8:22

Gasi Gileyadhi mwalo gambe mafura nya gugondredzele khayo, gani? Ina gu mwalo gambe nyanga iyoyo, gani? Khu ginani gu ngamba vbodziswa gilondra gya vathu vangu?

Ezekiyeli 27:17

Judha ni litigo la Israyeli a diri avo varengi vago; khu thomba yago va di renga tirigu ya Miniti, dzikofetu, wulombe, mafura ni mafura nya gunungele.

Mikeya 1:9

Kholu gilondra gyaye khya gimange, gi vbohide kala Judha; gi endrelega kala dzinyangwani dza vathu vangu, gi vboha kala Jerusalema.

Nahume 3:19

Gilondra gyago kha gi na vbola, gilondra nya gufe khigyo; vatshavbo va na pwago ndruma yago, va na khwakhwathela mandza khu gu thega gwago, kholu khu mani a nga kiyelago gutshaniswa khu wuvivbi wago?

Matewu 5:26

Khu lisine nyi ngu gu embela, kheni: Khu na duga khu mule nu si gu livbi mangava yatshavbo.