Jeremiya 46:1 - Bhibhiliya Nya Guage

¹ Aya khu magana Pfhumu Nungungulu a nga tivisago Jeremiya, mayelano khu va nya mayigo.

Jeremiya 46:1 Iomraidhean Croise

Genesi 10:5

Khavo va velegidego vathu vatshavbo va vbanyago sidwani. Va khade khu mahundzu gukhedza khu guhambanelana nya vababe vawe nya guphele. Lihundzu ni lihundzu li na ni litigo laye ni lidimi laye.

Jeremiya 1:10

Wona nya gukhuwe muhuno nyi ngu gu ninga tshivba nya gufumele mayigo ni mifumo, u na wandra ni gu pfhungumula, u mbembisa muphelo; ni gu vbahedza ni gu yala.”

Jeremiya 4:7

Nghala yi dugide khu phalani gwaye, ni musaseli nya mayigo womo ndzilani; khugide wulangani gwaye gasi guta sasela litigo lago. Madhoropa yago ma pfhungumudwe ma khala marumbi gu si khali muthu umomo.

Jeremiya 43:11

Uye a nata sasela litigo leli la Egipito. Avo va lumbwago khu gufa, va nafa! Avo va na lumbago gu vbagedwa, va na vbagedwa! Avo va lumbago gu songwa khu matshari, va nafa khu matshari!

Ezekiyeli 29:1

Khu litshigu nya likhumi na mavili, nya ngima nya likhumi, nya mwaga nya likhumi nya gu bani hi yisidwe wugumbitunu, Pfhumu Nungungulu a di nyi embela, khuye:

Ezekiyeli 30:1

Pfhumu Nungungulu a di nyi embela, khuye:

Ezekiyeli 31:1

Khu litshigu nya guhegule, nya ngima nya wuraru, nya mwaga nya likhumi na moyo, Pfhumu Nungungulu a di nyi embela, khuye:

Ezekiyeli 32:1

Khu litshigu nya guhegule, nya ngima nya likhumi na mivili, nya mwaga nya likhumi na mivili, Pfhumu Nungungulu a di nyi embela, khuye:

Habhakuka 1:17

Ina a na simama gu thesa ligoga laye, nyamba diga gu simama gu songa vathu nyambana gisiro, gani?

Zakariya 2:8

Kholu Pfhumu Nungungulu nya Tshivba Yatshavbo, a ngu ganela kharati, khuye: Hwane nya gu na nyi rumede ga mayigo ma mu phangidego; kholu wule a mu kuhago a gu kuha ndzololwane nya liso laye.

Mitengo 23:9

Kholu nyi ngu mu wona na nyiri khu vbatshani nya siwindri, nyi mu khedza na nyiri khu vbatshani nya sigomo! Vathu vava va vbanyago phuvbo, nyamba patana ni mambe mayigo.

Varoma 3:29

Gasi uye Nungungulu wa Vajudha basi, gani? Khandri Nungungulu wa va nya mayigo gambe, gani? Khu lisine khuye gambe Nungungulu wa va nya mayigo,