Jeremiya 45:5 - Bhibhiliya Nya Guage

⁵ Ina uwe wa gu dogorela gu mana silo nya sikhongolo, gani? Diga gu dogorela gogo, kholu eni Pfhumu Nungungulu, nyi na resa dzitshanisa ga vathu vatshavbo; gasi uwe, nyi na gu vbanyisa malangani yatshavbo u na gu gimbilelago umo. A ngu ganela Pfhumu Nungungulu.”

Jeremiya 45:5 Iomraidhean Croise

Genesi 6:12

Nungungulu a gu khedza mafuni a di wona guvivba basi, kholu vathu vatshavbo va di gimbila khu dzindzila nya gunyenyeze.

1 Dzipfhumu 3:11

Khu guralo, Nungungulu a di mu embela, khuye: “Kha nga u lombidego silo nya nga esi, u ngamba lomba gu ghanya, ni guvbanya matshigu nya gutale, ambari gukhuwe valala vago vafe, aholu u lombide mapimo nya gu kodze guti esi nya gululame u fela gu fumela vathu khu nayo ni lisine,

1 Dzipfhumu 3:9

“Khu guralo, ninga githumi gyago, monyo nya gutale khu guti, gasi a kodza gu gimbidzisa vathu vago, a mane wugengeli nya guti guhambanisa wuwadi ni guvivba, kholu, khu mani a na kodzago gulamula vathu vago nya gutale kharati?”

2 Dzipfhumu 5:26

Aholu Elizewu a di mu embela, khuye: “Gasi hefemulo wangu wu diri mwalo nago gikhati mwama wule a nga tshiga khu karetani gwaye a gu khinga, gani? Khigyo gikhati gyakone u nga yela gu dzega parata, dzingandzu, miolivha, vhinya, dzinvuta, dzimombe ni sithumi nya vama ni vanyamayi, gani?”

Dzindzimo 131:1

Pfhumu Nungungulu, monyo wangu kha wu dzi gugumugisi, ambari maho yangu gu dzi khusedza; kha nyi gimbili nyi vbweta silo nya sikhongolo, ambari silo nya gu samadzise ngudzu gwangu.

Isaya 66:16

Kholu, Pfhumu Nungungulu a na lamula vathu vatshavbo, khu nilo ni litshari; vangi ngudzu va na gu songwago khu gyandza gya Pfhumu Nungungulu.

Jeremiya 21:9

Avo va na tshalago dhoropani momu, va na songwa khu matshari, ndzala mwendro tungu; aholu avo va na guya dzi ningelago ga Vakalidhiya, va mi randredego, va na vbanyisa womi wawe.

Jeremiya 25:15

Kholu Pfhumu Nungungulu wa Israyeli, a nyi embede kharati, khuye: “Dzega mandzani gwangu gikombe gegi nya vbinyu gi tadego khu likhulo langu u ya sedza mayigo yatshavbo nyi na gu rumelago umo.

Jeremiya 25:16

Gasi ma sela, ma dhedhereka ni gu pepuga mapimo, khu kotani nya dzinyimbi nyi na gu dzi rumelago vbakari gwawe.”

Jeremiya 25:26

ni vafumeli vatshavbo va Wuronga, va vbafuvbi ni va hwindzo, khu gulandrelana, ni mifumo yatshavbo ya tigoni yi guromo vbatshani nya mafu; khu hwane nya avo vatshavbo, a na sela mufumeli wa Bhabhiloni.

Jeremiya 25:31

Ligwaha li na pwala kala mahegiso nya litigo, kholu Pfhumu Nungungulu gorogede mayigo, a na lamula vathu vatshavbo, va nya guvivbedwa khu monyo a na va sasela khu matshari, a ngu ganela Pfhumu Nungungulu.”

Jeremiya 38:2

Pfhumu Nungungulu a ngu ganela kharati, khuye: “Wule a na gu simamago gu khala dhoropani momu, a nafa khu gu songwa khu matshari, ndzala ni tungu; aholu uye a na gu dugago a dzi ningela ga Vakalidhiya, a na vbanya; kholu a na vbulugisa womi waye.

Jeremiya 39:18

Kholu Eni khu lisine nyi na gu vhikela; khu na songwa khu litshari, aholu u na vbanyisa womi wago, kholu u tumbide Eni,” a ngu ganela Pfhumu Nungungulu.

Sofoniya 3:8

Khu kharato, Pfhumu Nungungulu wari, khuye: “Nyi lindreleni, kala litshigu nyi na wugago nyita mi phanga. Kholu gikungo gyangu khegi nya gute tombanisa mayigo, nyi tshanganisa mifumo; gasi nyi kodza guta guhula giviti gyangu, ni guvbisega nya likhulo langu latshavbo vbatshani gwawe. Kholu litigo leli latshavbo li na dagarela khu nilo nya guvbenye gwangu.”

Varoma 12:16

Vbanyani khu monyo moyo, muthu ni muthu a nga dwaneli gu dzi khusedza afela gu zundzwa, aholu dzumelani mithumo nya gusolege. Mu nga dzi giri matshandza khu guti.

Vahebheru 13:5

Guvbanyani gwanu mu nga dzi digi mu gu fumwa khu makolo nya dzitsapawu; nengelani khu esi mu gu naso, kholu Nungungulu ganede, khuye: “Eni gima kha nyi na mi diga.”