Jeremiya 44:8 - Bhibhiliya Nya Guage

⁸ Khu ginani mu wusago likhulo langu khiso mu girago, nya guvbisele libani vambe vanungungulu tigoni ga Egipito, umo mu dzudego guta vbanya umo? Khu ginani mu dzi vangedego lufu, avbo mayigo yatshavbo ma mi wonago kha nga gilo nya gihegiso ni givalo mbeli gwawe.

Jeremiya 44:8 Iomraidhean Croise

2 Dzikoronika 7:20

Eni nyi na mi dusani khu ga litigo langu nyi mi ningidego, ni ga nyumba yeyi nyi yi agisedego Lina Langu, nyi mi dzudzuga hwindzo ni Eni, mu ya khala givalo ni gihegiso ga mayigo yatshavbo.

Isaya 19:1

Gitiviso khu litigo la Egipito: Wonani gukhenu, Pfhumu Nungungulu, a nguta na khilede vbatshani nya lipfhi nya mazambo, ata tigoni ga Egipito. Sifananiso nya vanungungulu va Egipito, si na ndrendremela mbeli gwaye, ni myonyo ya Vagipiti yi na ghavata ndrani gwawe.

Isaya 3:8

Kholu Jerusalema gu tshunganede, Judha thegide, kholu magana ni mithumo yaye, khya gu wugela Pfhumu Nungungulu, va hembulula guwonega nya wudhumo waye.

Isaya 65:15

Malina yanu ma na tshala na mari givalo vbakari ga sihathwa sangu, Mune, Pfhumu Nungungulu, a na mi songa; aholu sithumi saye, a na si rana khu limbe lina.

Jeremiya 11:12

Khu guralo, madhoropa ya Judha ni vavbanyi va Jerusalema, va na lila ga vanungungulu va nga va vbiselago libani; aholu, kha va na vbanyiswa khavo khu litshigu nya libango.

Jeremiya 11:17

Kholu Pfhumu Nungungulu nya Tshivba Yatshavbo, Uye a gu yadego a tiviside gu gu resela mhango khu kotani nya sighoho si giridwego khu ndranga ya Israyeli ni ya Judha, kholu mu nyi wusede likhulo khu gu vbisela libani Bhahali.

Jeremiya 18:16

gasi gu gira litigo lawe li khala gisamadziso, vavbindri nya ndzila va samala, va kutsunga mihungo khilo.

Jeremiya 24:9

Nyi na va gira gilo nya gisamadziso ni guthisa, ga mifumo yatshavbo ya mafuni nyi na gu va phalalegiselago umo, va na khala gihegiso ni givalo malangani yatshavbo.

Jeremiya 26:6

khu guralo, nyumba yeyi nyi na yi gira yi fanana ni Silo, ni lidhoropa leli nyi na li vbindrugedza li khala givalo ga mayigo yatshavbo ya mafuni.

Jeremiya 29:18

Nyi na va lundra khu dzinyimbi, ndzala ni mitungu; va na khala gilo nya guthavise ni gihegiso ga mifumo yatshavbo ya mafuni; vavbindri nya ndzila va na kutsunga mihungo va va hega, ga yatshavbo mayigo nyi na gu bani nyi va phalalegisede umo.

Jeremiya 32:30

Kholu va na Israyeli ni va na Judha, gukhugela wudzahani gwawe kha va kodza gu nyi girela silo nya sadi, aholu va di gira basi guvivba mbeli gwangu; va di nyi gorosa basi khu mithumo nya guvivbe nya gugirwe khu mandza yawe, a ngu ganela Pfhumu Nungungulu.

Jeremiya 42:18

Kholu Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Mwa gu hongolani tigoni ga Egipito, guvbisa nya likhulo langu li na thegela vbatshani gwanu kha nga idzo li thegedego khidzo vathu va Jerusalema. Mu na hembuludwa ni gu vadwa khu vathu, mu na khala gilo nya gihegiso, litigo lanu, kha mu na tshuka mu li wona gambe.”

Jeremiya 44:12

Nyi na dzega mitshaledwa ya na Judha, avo va fungidego guya luvela tigoni ga Egipito; vatshavbo va na sasedwa vafa khu matshari ni ndzala tigoni ga Egipito; gu nafa sanana ni vakhongolo, va na khala gilo nya gisamadziso ni gihegiso.

Jeremiya 44:3

khu kotani nya wuvivbi va giridego va wusa likhulo langu, khu gu vbisela libani ni gu khozela vambe vanungungulu, va si vatigo, avo ambari vababe vawe va ngamba vati.

Jeremiya 44:7

Gasi olu, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Khu ginani mu dzi vangelago libango leli mwabune, kala gufa vbakari gwanu vama, vanyamayi, sanana, niso sa beleni; gu si tshali ni moyo nya guvbanye?

Jeremiya 7:9

Mu nguba, mu songa vathu, mu gira wubhayi ni gu sambanya malipha, mu vbisela libani Bhahali, ni gu khozela vambe vanungungulu mu si vatigo.

Ezekiyeli 33:11

Va embele, khuwe: Mune Pfhumu Nungungulu, a ngu sambanya khuye, kha nyi tsakiswi khu gufa ga muthu nya guvivbedwe khu monyo, aholu nya gu tsakiswa khu gu muthu nya guvivbedwe khu monyo a ndreye ndzilani gwaye nya guwegele a kodza guvbanya, vbindrugedzani, vbindrugedzani dzindzilani gwanu nya guwegele; khu ginani vathu vago va na fago, uwe litigo la Israyeli?

Ezekiyeli 9:6

Songetelani sikhosane, madzaha ni dzimbiri, vanyamayi ni sanana. Aholu mu nga khuhi ni moyo nya vale va gu na ni gifungo. Phelani khu Wulangani gwangu nya Guage.” Khavbo avbo, avo va di phela khu vathangeli va nga bani vari mbeli nya Nyumba ya Nungungulu.

Hoseya 4:13

Va olovede guphasela dzitshokhani nya sigomo, va vbisa mabani musigomwanani, vbavbatshi nya misimbo nya miguhu, mikandzu ni mikanyi kholu mitsa yakone kyadi. Khu guralo sanana sanu nya vanyamahegyane si ngu khala maphuphulu, ni vagadzamwane vanu va ngu bhaya.

Habhakuka 1:16

Khu guralo, a gu girela miphaso ligoga laye, a vbisela libani miranga yaye, kholu khiso si mu nonisago, mabhindzu yaye ni guhodza gwaye.

Dhewuteronome 32:25

Vbavbandze, va naya sasedwa khu matshari, dzinyumbani va na mbemba khu guvbisa; lidzaha lina mbemba gumogo ni likendzi, gyanana gya beleni gumogo ni gikhosane.

Vahebheru 3:16

Gasi khu va mani va ngapwa lito la Nungungulu bwelo khavbo va mu wugela? Khu vatshavbo vale va nga duswago khu Mosi tigoni ga Egipito.