Jeremiya 44:27 - Bhibhiliya Nya Guage

²⁷ Gikhati gyatshavbo nyi na va suvela dzimhango nasiri makategwa; Vajudha vatshavbo va vbanyago tigoni ga Egipito, va na mbembiswa khu matshari ni ndzala kala va vbela vatshavbo.

Jeremiya 44:27 Iomraidhean Croise

2 Dzipfhumu 21:14

Nyi na dzudzuga mitshaledwa nya thomba yangu, nyi va ningela mandzani ga valala vawe, va na phangwa ni gu modwa khu valala vawe.

Jeremiya 1:10

Wona nya gukhuwe muhuno nyi ngu gu ninga tshivba nya gufumele mayigo ni mifumo, u na wandra ni gu pfhungumula, u mbembisa muphelo; ni gu vbahedza ni gu yala.”

Jeremiya 21:10

Kholu Pfhumu Nungungulu a ngu ganela kharati, khuye: Nyi dzi emisede gu veta lidhoropa leli, khu kotani nya sighoho saye nasiri khu wuwadi; li na thega mandzani ga mufumeli wa Bhabhiloni, uye a li vbisa khu nilo.

Jeremiya 31:28

Pfhumu Nungungulu a ngu ganela, khuye: “Kha nga gikhati gi vbindridego nyi nga va khedza gasi gu va sigula ni gu va khungumula, ni gu va thesa, ni gu va tshanisa; nyi na va khedza gambe kharato gasi gu va vbaha ni gu va yala.”

Jeremiya 39:16

“Indra uya tivisa Ebhedhi-Meleki, Muetiyopi, khuwe: Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: Wona, nyi na landrisa magana yangu vbatshani nya lidhoropa leli nasiri khu wuwadi, aholu khu wuvivbi; si na girega mahoni gwago ga litshigu lile kamwe.

Jeremiya 42:16

wonani nya gukhenu, matshari mu ma thavago, ma na mi landra tigoni ga Egipito, ni ndzala mu yi thavago, mu na bani muri nayo tigoni ga Egipito, mu naya fela iyoyo.

Jeremiya 44:12

Nyi na dzega mitshaledwa ya na Judha, avo va fungidego guya luvela tigoni ga Egipito; vatshavbo va na sasedwa vafa khu matshari ni ndzala tigoni ga Egipito; gu nafa sanana ni vakhongolo, va na khala gilo nya gisamadziso ni gihegiso.

Jeremiya 44:13

Nyi na tsayisa vatshavbo avo va khalago tigoni ga Egipito, khu matshari, ndzala ni mitungu, nga idzo nyi nga tsayisago khidzo lidhoropa la Jerusalema.

Jeremiya 44:14

Avbo nya gu, mwalo na moyo nya mitshaledwa ya na Judha a na vbulugago nya avo va na guya vbanyago tigoni ga Egipito kha nga valuveli; mwalo ni moyo a na gu wuyago tigoni gwawe ga Judha, ambari a nga bani ari gu suva gwawe; va na wuya basi vadugwana va na gu vbulugago.”

Jeremiya 44:18

Aholu, gukhugela avbo hi nga emago gu vbisela libani Pfhumugadzi ya Ndzadzini ni gu mu ninga miningelo nya wadwa, kha hi ngu gu mana gambe gilo, ha gu sasedwa basi khu matshari ni gufa khu ndzala.”

Jeremiya 9:15

Khu guralo, Pfhumu Nungungulu nya Tshivba Yatshavbo, Nungungulu wa Israyeli, a ngu ganela kharati, khuye: “Wonani, nyi na hodzisa vathu vangu guhodza nya guvave, nyi bwelo khavbo nyi va sedza mati nya wuhungu nya gusonge.

Jeremiya 9:16

Nyi na va phalalegisa ni mayigo, avo va si matigo, ambari ni vavelegi vawe va ngamba mati, nyi na ya va vbedza khu matshari kala havo bhi.”

Ezekiyeli 5:12

Gipandre nya wuraru nya vathu vago gi nafa khu mitungu mwendro ndzala vbakari gwago; gipandre nya wuraru va na songwa khu matshari vbavbandze nya lidhoropa, ni gipandre nya wuraru nyi na va phalalegisa khu maphuvbo yatshavbo ni gu va lundra na nyiri ni litshari mandzani.

Ezekiyeli 7:6

Gu vbohide mahegiso! Mahegiso guvbohide, ma gu wugede; wona gukhuwe gu nguta.

Dhaniyeli 9:14

Khu guralo, Pfhumu Nungungulu kha kanakana gu hi resela libango leli avbo gwathu, kholu Pfhumu Nungungulu wathu lulamide ga satshavbo a girago; ambari khu guralo, ethu kha hi mu yingisi.

Amosi 9:8

Wonani nya gukhenu maho ya Pfhumu Nungungulu, ma ngu wugela mufumo yoyu nya gighohi. Nyi na wu mbembisa wu fuva mafuni; aholu kha nyi na mbembisa muphelo livelego la Jakobe,” a ngu ganela Pfhumu Nungungulu.